കാസര്‍കോട്: പതിറ്റാണ്ടുകളായി അനാഥമായി കിടന്ന തൃക്കരിപ്പൂരില്‍ ഇടയിലക്കാട് വേണുഗോപാലക്ഷേത്രം നവീകരണം പൂര്‍ത്തിയാക്കി. 31 മുതല്‍ ജൂണ്‍ രണ്ടുവരെ പ്രതിഷ്ഠ ഉല്‍സവം നടത്തും. തകര്‍ന്നുകിടന്നിരുന്ന ക്ഷേത്രം ഏറെക്കാലം ശ്രീകൃഷ്ണഭജനമഠമായിരുന്നു. സ്വര്‍ണ പ്രശ്‌നചിന്തയില്‍ മൂന്നുവര്‍ഷം മുന്‍പാണു നാട്ടുകാര്‍ ക്ഷേത്രനിര്‍മാണത്തിനു രംഗത്തിറങ്ങിയത്. ശ്രീകോവില്‍, പാചകപുര, മണിക്കിണര്‍, ചുറ്റുമതില്‍ എന്നിവ പൂര്‍ത്തിയാക്കി ഉപദേവതമാരുടെ ദേവസ്ഥാനം നിര്‍മിക്കാന്‍ ബാക്കിയുണ്ട്. ഉല്‍സവത്തിനു മുന്നോടിയായി ഇന്നു രാവിലെ ഒന്‍പതിനു ചക്രപാണി മഹാക്ഷേത്രത്തില്‍നിന്നു ദേവവിഗ്രഹം ഘോഷയാത്രയായി എഴുന്നള്ളിക്കുമെന്നു പ്രസിഡന്റ് പി.വി. രാജീവന്‍, സെക്രട്ടറി പി.വി. നളിനാക്ഷന്‍, ട്രഷറര്‍ കെ. … Continue reading "ഇടയിലക്കാട് വേണുഗോപാലക്ഷേത്രത്തില്‍ പ്രതിഷ്ഠ ഉല്‍സവം"
Sunday, April 21st, 2019
ഇടയിലക്കാട് വേണുഗോപാലക്ഷേത്രത്തില്‍ പ്രതിഷ്ഠ ഉല്‍സവം
Published On:May 29, 2014 | 1:09 pm
കാസര്‍കോട്: പതിറ്റാണ്ടുകളായി അനാഥമായി കിടന്ന തൃക്കരിപ്പൂരില്‍ ഇടയിലക്കാട് വേണുഗോപാലക്ഷേത്രം നവീകരണം പൂര്‍ത്തിയാക്കി. 31 മുതല്‍ ജൂണ്‍ രണ്ടുവരെ പ്രതിഷ്ഠ ഉല്‍സവം നടത്തും. തകര്‍ന്നുകിടന്നിരുന്ന ക്ഷേത്രം ഏറെക്കാലം ശ്രീകൃഷ്ണഭജനമഠമായിരുന്നു. സ്വര്‍ണ പ്രശ്‌നചിന്തയില്‍ മൂന്നുവര്‍ഷം മുന്‍പാണു നാട്ടുകാര്‍ ക്ഷേത്രനിര്‍മാണത്തിനു രംഗത്തിറങ്ങിയത്. ശ്രീകോവില്‍, പാചകപുര, മണിക്കിണര്‍, ചുറ്റുമതില്‍ എന്നിവ പൂര്‍ത്തിയാക്കി ഉപദേവതമാരുടെ ദേവസ്ഥാനം നിര്‍മിക്കാന്‍ ബാക്കിയുണ്ട്. ഉല്‍സവത്തിനു മുന്നോടിയായി ഇന്നു രാവിലെ ഒന്‍പതിനു ചക്രപാണി മഹാക്ഷേത്രത്തില്‍നിന്നു ദേവവിഗ്രഹം ഘോഷയാത്രയായി എഴുന്നള്ളിക്കുമെന്നു പ്രസിഡന്റ് പി.വി. രാജീവന്‍, സെക്രട്ടറി പി.വി. നളിനാക്ഷന്‍, ട്രഷറര്‍ കെ. കുമാരന്‍, മറ്റു ഭാരവാഹികളായ എം. ലക്ഷ്മണന്‍, വി.വി. രാഘവന്‍, പി.പി. സോമന്‍, കെ. സുകുമാരന്‍ എന്നിവര്‍ അറിയിച്ചു.
31നു രാവിലെ 10നു ഇടയിലക്കാട് ഭുവനേശ്വരി ക്ഷേത്രപരിസരത്തുനിന്നു കലവറ നിറയ്ക്കല്‍ ഘോഷയാത്ര പുറപ്പെടും. വൈകിട്ടു ദുര്‍ഗാ പ്രിയാനന്ദ സരസ്വതിയുടെ ആധ്യാത്മിക പ്രഭാഷണം. തുടര്‍ന്നു കുഞ്ഞിമംഗലം മഠത്തുംപാടി ഭജനസമിതിയുടെ ഭക്തിഗാനസുധ. ഒന്നിനു രാവിലെ പൂജാദികര്‍മങ്ങള്‍ തുടരും. വൈകിട്ട് അക്ഷരശ്ലോക സദസ്, തുടര്‍ന്നു ആധ്യാത്മിക പ്രഭാഷണം, രാത്രി ഒന്‍പതിനു കോഴിക്കോട് രംഗഭാഷയുടെ നാടകം ഉത്തര രാമായണം. രണ്ടിനു രാവിലെ 9.10നും 10.10നു മധ്യേ തന്ത്രി തരണനെല്ലൂര്‍ പത്മനാഭന്‍ ഉണ്ണി നമ്പൂതിരിപ്പാടിന്റെ കാര്‍മികത്വത്തില്‍ വേണുഗോപാലവിഗ്രഹം പ്രതിഷ്ഠിക്കും. ഉച്ചയ്ക്ക് അന്നദാനം എന്നിവ നടക്കും.
