Saturday, January 19th, 2019

മാവിലായിയില്‍ യുവാവ് ഭാര്യയെ കിടപ്പുമുറിയില്‍ വെട്ടിക്കൊന്നു

യുവാവിനെ പോലീസ് അറസ്റ്റ് ചെയ്തു

Published On:Jun 27, 2018 | 9:50 am

കണ്ണൂര്‍: എടക്കാട് പോലീസ് പരിധിയിലെ മാവിലായി കുഴിക്കലായിയില്‍ യുവാവ് ഭാര്യയെ കിടപ്പുമുറിയില്‍ വെട്ടിക്കൊന്നു. കുഴിക്കലായിയിലെ പനത്തറ വീട്ടില്‍ ശ്രീലത (43)യാണ് ദാരുണമായി കൊല്ലപ്പെട്ടത്. ഭര്‍ത്താവ് പ്രദീപനെ (45) എടക്കാട് പോലീസ് കസ്റ്റഡിയിലെടുത്തു. കുടുംബ വഴക്കാണ് സംഭവത്തിന് കാരണം.
ഇന്ന് പുലര്‍ച്ചെ മൂന്ന് മണിയോടെയാണ് പ്രദേശവാസികളെ നടുക്കിയ അറുംകൊല നടന്നത്. പാറപ്രം സ്വദേശിനിയാണ് കൊല്ലപ്പെട്ട ശ്രീലത. മുഴപ്പിലങ്ങാട് ഹയര്‍ സെക്കന്ററി സ്‌കൂള്‍ പ്ലസ് വണ്‍ വിദ്യാര്‍ത്ഥിനി ശ്രദ്ധ, ചെറുമാവിലായി യു.പി.യിലെ ആറാം ക്ലാസ് വിദ്യാര്‍ത്ഥിനി ശ്രേയ എന്നിവര്‍ മക്കളാണ്.
അച്ഛന്‍ അമ്മയെ പാതിരാത്രിയില്‍ കിടപ്പുമുറിയില്‍ വെട്ടിക്കൊല്ലുമ്പോള്‍ തൊട്ടടുത്ത മുറിയില്‍ പെണ്‍മക്കള്‍ ഇരുവരും ഉറങ്ങിക്കിടപ്പായിരുന്നു. അസാധാരണ ബഹളം കേട്ട് മക്കളെത്തിയപ്പോള്‍ കട്ടിലില്‍ രക്തത്തില്‍ കുളിച്ചു കിടക്കുന്ന അമ്മയെയാണ് കണ്ടത്. മക്കളുടെ നിലവിളി കേട്ടെത്തിയ അയല്‍ക്കാരാണ് എടക്കാട് പോലീസിനെ വിളിച്ചു വരുത്തിയത്. പ്രതിയെ നാട്ടുകാര്‍ തടഞ്ഞ് പോലീസില്‍ ഏല്‍പിച്ചു.
പതിനാറ് വര്‍ഷം മുമ്പാണ് പാറപ്രം കള്ള്ഷാപ്പിനടുത്ത അച്യുതന്റെയും രോഹിണിയുടെയും മകളായ ശ്രീലതയെ കിണര്‍ കുഴിക്കല്‍ ജോലിക്കാരനായ പ്രദീപന്‍ വിവാഹം ചെയ്തത്. പിന്നീട് പ്രദീപന്‍ തികഞ്ഞ മദ്യപാനിയായി. ഇതിനിടയില്‍ ഇരുവരും തമ്മില്‍ വഴക്കും നിത്യസംഭവമായി. പരസ്പരം സംശയാലുക്കളായിരുന്നു ദമ്പതികള്‍. വഴക്ക് മൂര്‍ച്ഛിച്ചതിനാല്‍ കഴിഞ്ഞ ദിവസം ശ്രീലത സ്വന്തം വീട്ടിലേക്ക് പോയിരുന്നു. ഇന്നലെ പ്രദീപന്‍ തിരിച്ചുവിളിച്ചു കൊണ്ടുവന്നതായിരുന്നു. വീട്ടിലെ കൊടുവാള്‍ ഉപയോഗിച്ചാണ് കൊല നടത്തിയത്. വെട്ടേറ്റ് കഴുത്ത് അറ്റനിലയിലാണുള്ളത്. കഴുത്തിന് വെട്ടുന്നതിനിടയില്‍ ചുമലിലും വെട്ടേറ്റ് മാംസം ചിതറി തെറിച്ചിരുന്നു.
കൊല്ലപ്പെട്ട ശ്രീലതയുടെ മൃതദേഹം കണ്ണൂര്‍ സിറ്റി സി.ഐ. പ്രദീപന്‍ കണ്ണിപ്പൊയിലിന്റെ നേതൃത്വത്തില്‍ എടക്കാട് പ്രിന്‍സിപ്പല്‍ എസ്.ഐ. മഹേഷ് കണ്ണമ്പേത്ത് ഇന്‍ക്വസ്റ്റ് നടത്തി. അഡി.എസ്.ഐ. എം.പുരുഷോത്തമനും കൂടെയുണ്ടായിരുന്നു. കണ്ണൂര്‍ ഡിവൈ.എസ്.പി. പി.പി.സദാനന്ദനാണ് അന്വേഷണ ചുമതല. മൃതദേഹം പോസ്റ്റ്‌മോര്‍ട്ടത്തിനായി പരിയാരം മെഡിക്കല്‍ കോളേജ് ആശുപത്രിയിലേക്ക് മാറ്റി.

 

LIVE NEWS - ONLINE

  • 1
    8 hours ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 2
    10 hours ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 3
    12 hours ago

    മോദി ഇന്ത്യയെ തകര്‍ത്തു: മമത

  • 4
    15 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 5
    16 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 6
    16 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 7
    16 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 8
    16 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 9
    17 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍