Saturday, September 22nd, 2018

ഹിന്ദു പാക്കിസ്ഥാന്‍ വിവാദം; തരൂര്‍ നേരിട്ട് ഹാജരാവണമെന്ന് കോടതി

ശശി തരൂര്‍ രാജ്യത്തെ അപമാനിച്ചുവെന്നും മത വികാരങ്ങളെ വ്രണപ്പെടുത്തിയെന്നും ആരോപണം

Published On:Jul 14, 2018 | 11:28 am

കൊല്‍ക്കത്ത: വിവാദമായ ‘ഹിന്ദു പാക്കിസ്ഥാന്‍’ പരാമര്‍ശത്തില്‍ കോണ്‍ഗ്രസ് എം.പി ശശി തരൂര്‍ നേരിട്ട് ഹാജരായി വിശദീകരണം നല്‍കണമെന്ന് കൊല്‍ക്കത്ത കോടതി. ശശി തരൂര്‍ രാജ്യത്തെ അപമാനിച്ചുവെന്നും മത വികാരങ്ങളെ വ്രണപ്പെടുത്തിയെന്നും മതനിരപേക്ഷത തകര്‍ക്കാന്‍ ശ്രമിച്ചുവെന്നും ആരോപിച്ച് അഭിഭാഷകനായ സുമീത് ചൗധരിയാണ് കോടതിയില്‍ ഹരജി നല്‍കിയത്. ആഗസ്ത് 14ന് കോടതിയില്‍ തരൂര്‍ നേരിട്ട് ഹാജരാകണമെന്നാണ് നിര്‍ദേശം.
ഇനിയും ബി.ജെ.പി അധികാരത്തില്‍ വരികയും രാജ്യസഭയിലടക്കം ഭൂരിപക്ഷം ലഭിക്കുകയും ചെയ്താല്‍ പുതിയ ഭരണഘടന നിലവില്‍ വരുമെന്നും ഇന്ത്യയെ ഹിന്ദു പാക്കിസ്ഥാനാക്കുകയാണ് ബി.ജെ.പിയുടെ ലക്ഷ്യമെന്നുമായിരുന്നു തരൂരിന്റെ പ്രസ്താവന.
വിവാദ പ്രസ്താവന പിന്‍വലിച്ച് തരൂര്‍ മാപ്പുപറയണമെന്ന് ബി.ജെ.പി ആവശ്യപ്പെട്ടു. വാക്കുകള്‍ സൂക്ഷിച്ച് ഉപയോഗിക്കാന്‍ കോണ്‍ഗ്രസ് തരൂരിനെ ഉപദേശിച്ചു. എന്നാല്‍ പ്രസ്തവന പിന്‍വലിക്കാന്‍ തരൂര്‍ തയാറായില്ല.
ബി.ജെ.പിയുടെയും ആര്‍.എസ്.എസിന്റെയും ഹിന്ദുരാഷ്്ട്രമെന്ന ആശയം പാക്കിസ്ഥാന്റെ കണ്ണാടി ബിംബമാണെന്ന് തരൂര്‍ പറഞ്ഞു. മതമേധാവിത്ത രാഷ്ട്രമായാണ് പാക്കിസ്ഥാന്‍ രൂപവത്കരിച്ചത്. ഇന്ത്യ ഒരിക്കലും അത് അംഗീകരിക്കുന്നില്ല. ജനസംഖ്യയില്‍ കൂടുതലുള്ള മതത്തിന് മേധാവിത്തം നല്‍കാനാണ് അവരുടെ ശ്രമം. ന്യൂനപക്ഷങ്ങള്‍ക്ക് കീഴാള സ്ഥാനമേ കിട്ടൂ. അതൊരു ഹിന്ദു പാക്കിസ്ഥാനായിരിക്കും. താന്‍ പറഞ്ഞത് പുതിയ കാര്യമൊന്നുമല്ല. മുമ്പും പറഞ്ഞിട്ടുണ്ട്. ആര്‍.എസ്.എസ് പറഞ്ഞുവെച്ചിട്ടുള്ളതാണ് താന്‍ ചൂണ്ടിക്കാട്ടുന്നത്. അതിന്റെ പേരില്‍ ഖേദം പ്രകടിപ്പിക്കാനൊന്നും ഉദ്ദേശിക്കുന്നില്ല. ഹിന്ദുരാഷ്ട്രമെന്ന ആശയം അവര്‍ കൈവിട്ടുവെങ്കില്‍, അക്കാര്യമാണ് അവര്‍ പറയേണ്ടതെന്നും തരൂര്‍ വ്യക്തമാക്കിയിരുന്നു.

 

LIVE NEWS - ONLINE

  • 1
    30 mins ago

    ബിഷപ് ഫ്രാങ്കോ മുളക്കലിനെ ഇന്ന് കോടതിയില്‍ ഹാജരാക്കും

  • 2
    39 mins ago

    യുവതി വാഹനാപകടത്തില്‍ മരിച്ചു

  • 3
    49 mins ago

    കന്യാസ്ത്രീകള്‍ സമരം ചെയ്തില്ലെങ്കിലും സര്‍ക്കാര്‍ നടപടി സ്വീകരിക്കും: എം.എ.ബേബി

  • 4
    51 mins ago

    കോടിയേരിക്ക് മാനസികം: പിഎസ് ശ്രീധരന്‍ പിള്ള

  • 5
    53 mins ago

    കണ്ണൂര്‍ വിമാനത്താവളം സിഐഎസ്എഫ് സുരക്ഷ ഏറ്റെടുക്കും

  • 6
    1 hour ago

    ലഹരി വിപത്തുകള്‍ക്കെതിരെ മുന്നറിയിപ്പുമായി ‘ഫോളോയിംഗ്’

  • 7
    2 hours ago

    ബിഷപ്പിന്റെ അറസ്റ്റ്; ക്രൈസ്തവ സഭയെ ഒന്നടങ്കം അവഹേളിക്കരുത്: മുല്ലപ്പള്ളി

  • 8
    2 hours ago

    മരക്കാറില്‍ കീര്‍ത്തി സുരേഷ് നായികയായേക്കും

  • 9
    2 hours ago

    സൗദി ദേശീയ ദിനം; വന്‍ ഓഫറുമായി കമ്പനികള്‍