Saturday, July 20th, 2019

ഹൈക്കോടതിയുടെ കണ്ണുരുട്ടല്‍; തുറന്ന ബാറുകള്‍ അടച്ചു

      തിരു: ദേശീയപാതയോരത്തെ ബാറുകള്‍ തുറക്കുന്നത് സംബന്ധിച്ച് ഹൈക്കോടതി നിലപാട് വ്യക്തമാക്കുന്നതിന് തൊട്ടു മുമ്പെ തുറന്ന ബാറുകള്‍ അടച്ചു. കണ്ണൂര്‍ മുതല്‍ കുറ്റിപ്പുറം വരെയും ചേര്‍ത്തല മുതല്‍ തിരുവനന്തപുരം വരെയുമുള്ള ദേശീയ പാതയുടെ പദവി നഷ്ടപ്പെട്ടെന്ന് കാണിച്ച് ബാറുടമകള്‍ നല്‍കിയ ഹരജിയില്‍ ഹൈക്കോടതി പുറപ്പെടുവിച്ച വിധിയുടെ മറപിടിച്ചാണ് ബാറുകള്‍ കഴിഞ്ഞ ദിവസം മുതല്‍ പ്രവര്‍ത്തനം തുടങ്ങിയത്. തുടര്‍ന്ന് ഹൈക്കോടതി വിധി ദുരുപയോഗം ചെയ്‌തെന്ന് കാട്ടി സമര്‍പ്പിക്കപ്പെട്ട ഹരജിയില്‍ കഴിഞ്ഞ ദിവസം സര്‍ക്കാറിനെ ഹൈക്കോടതി രൂക്ഷമായി … Continue reading "ഹൈക്കോടതിയുടെ കണ്ണുരുട്ടല്‍; തുറന്ന ബാറുകള്‍ അടച്ചു"

Published On:Jun 7, 2017 | 12:40 pm

Bar full

 

 

 
തിരു: ദേശീയപാതയോരത്തെ ബാറുകള്‍ തുറക്കുന്നത് സംബന്ധിച്ച് ഹൈക്കോടതി നിലപാട് വ്യക്തമാക്കുന്നതിന് തൊട്ടു മുമ്പെ തുറന്ന ബാറുകള്‍ അടച്ചു. കണ്ണൂര്‍ മുതല്‍ കുറ്റിപ്പുറം വരെയും ചേര്‍ത്തല മുതല്‍ തിരുവനന്തപുരം വരെയുമുള്ള ദേശീയ പാതയുടെ പദവി നഷ്ടപ്പെട്ടെന്ന് കാണിച്ച് ബാറുടമകള്‍ നല്‍കിയ ഹരജിയില്‍ ഹൈക്കോടതി പുറപ്പെടുവിച്ച വിധിയുടെ മറപിടിച്ചാണ് ബാറുകള്‍ കഴിഞ്ഞ ദിവസം മുതല്‍ പ്രവര്‍ത്തനം തുടങ്ങിയത്. തുടര്‍ന്ന് ഹൈക്കോടതി വിധി ദുരുപയോഗം ചെയ്‌തെന്ന് കാട്ടി സമര്‍പ്പിക്കപ്പെട്ട ഹരജിയില്‍ കഴിഞ്ഞ ദിവസം സര്‍ക്കാറിനെ ഹൈക്കോടതി രൂക്ഷമായി വിമര്‍ശിച്ചിരുന്നു. മദ്യശാലകള്‍ തുറക്കാന്‍ അനുമതി നല്‍കിയിട്ടില്ലെന്നും കോടതി ഉത്തരവ് തെറ്റായി വ്യാഖ്യാനിച്ച് ജനരോഷം മറികടക്കാന്‍ സര്‍ക്കാര്‍ ശ്രമിക്കേണ്ടെന്നുമായിരുന്നു ഹൈക്കോടതിയുടെ വിമര്‍ശനം.
ഇതിനു പിന്നാലെയാണ് തുറന്ന ബാറുകള്‍ ഇന്ന് വീണ്ടും അടച്ചത്. കോടതിയുമായി ഏറ്റുമുട്ടലിനില്ലെന്നും കോടതി ഉത്തരവിന്റെ അടിസ്ഥാനത്തിലാണ് ബാറുകള്‍ തുറന്നതെന്നും എക്‌സൈസ് മന്ത്രി ടി കെ രാമകൃഷ്ണന്‍ പ്രതികരിച്ചു. കോടതി അടക്കാന്‍ പറഞ്ഞാല്‍ അടക്കുമെന്നും മന്ത്രി വ്യക്തമാക്കി.
അതിനിടെ, ദേശീയപാതയോരത്തെ മദ്യശാലകള്‍ തുറക്കാന്‍ വിസമ്മതിച്ച എക്‌സൈസ് ഉദ്യോഗസ്ഥരെ കൂട്ടത്തോടെ സ്ഥലം മാറ്റിയെന്ന ആാരോപണവും ഉയര്‍ന്നിട്ടുണ്ട്. 12 ഡപ്യൂട്ടി എക്‌സൈസ് കമ്മീഷണര്‍മാരെയാണ് സ്ഥലം മാറ്റിയത്. എന്നാല്‍ സ്ഥലം മാറ്റം സ്വാഭാവിക നടപടി മാത്രമാണെന്ന് എക്‌സൈസ് വകുപ്പ് അറിയിച്ചു. കോടതി വിധിയിലെ അവ്യക്തത തീര്‍ക്കാന്‍ ഉദ്യോഗസ്ഥര്‍ അഡ്വക്കറ്റ് ജനറലിനെ സമീപിച്ചെങ്കിലും ഓരോരുത്തര്‍ക്കും നിയമോപേദേശം നല്‍കാനാവില്ലെന്ന് അഡ്വക്കറ്റ് ജനറല്‍ അറിയിക്കുകയായിരുന്നത്രെ. ഈ പശ്ചാത്തലത്തിലാണ് ചില ഉദ്യോഗസ്ഥര്‍ ബാറുകള്‍ക്ക് പ്രവര്‍ത്തനാനുമതി നിഷേധിച്ചത്.

LIVE NEWS - ONLINE

  • 1
    4 hours ago

    ഷീല ദീക്ഷിത് കോണ്‍ഗ്രസ് പാര്‍ട്ടിയുടെ മാനസപുത്രി; രാഹുല്‍ ഗാന്ധി

  • 2
    6 hours ago

    ഇന്‍ഡൊനീഷ്യന്‍ ഓപ്പണ്‍; പി.വി.സിന്ധു ഫൈനലില്‍

  • 3
    8 hours ago

    ഷീല ദീക്ഷിത് അന്തരിച്ചു

  • 4
    8 hours ago

    മുതിര്‍ന്ന കോണ്‍ഗ്രസ് നേതാവ് ഷീല ദീക്ഷിത് അന്തരിച്ചു

  • 5
    9 hours ago

    വിന്‍ഡീസ് പര്യടനത്തിനില്ല; ധോണി രണ്ടുമാസം സൈന്യത്തോടൊപ്പം

  • 6
    9 hours ago

    ഭരണകക്ഷി വിദ്യാര്‍ത്ഥി സംഘടനകളുടെ ഇടപെടല്‍ പരീക്ഷയുടെ വിശ്വാസ്യത നശിപ്പിച്ചു: കേന്ദ്ര മന്ത്രി മുരളീധരന്‍

  • 7
    11 hours ago

    കാണാതായ നാല് മത്സ്യത്തൊഴിലാളികളെ കണ്ടെത്തി

  • 8
    12 hours ago

    സിഒടി നസീര്‍ വധശ്രമം; ഷംസീര്‍ എംഎല്‍എ എത്തിയത് പോലീസ് തെരയുന്ന വാഹനത്തില്‍

  • 9
    12 hours ago

    തെരച്ചിലില്‍ മത്സ്യത്തൊഴിലാളികളെയും ഉള്‍പ്പെടുത്തണം: ഉമ്മന്‍ചാണ്ടി