Wednesday, February 20th, 2019

ഹെലികോപ്റ്റര്‍ യാത്ര; ഇപ്പോള്‍ നടക്കുന്നത് അനാവശ്യ വിവാദം: കെഎം എബ്രഹാം

മുഖ്യമന്ത്രിയുടെ ഹെലികോപ്റ്റര്‍ യാത്രക്ക് നിയമപരമായ സാധുതയും കെ.എം. എബ്രഹാം നിരത്തുന്നു.

Published On:Jan 11, 2018 | 10:53 am

തിരു: വിവാദമായ മുഖ്യമന്ത്രി പിണറായി വിജയന്റെ ഹെലികോപ്റ്റര്‍ യാത്രയെ ന്യായികരിച്ച് മുന്‍ ചീഫ് സെക്രട്ടറി കെഎം എബ്രഹാം.
റവന്യു സെക്രട്ടറിയുടെ നടപടിയില്‍ തെറ്റില്ല, റവന്യു സെക്രട്ടറി ഉത്തരവിട്ടത് താന്‍ പറഞ്ഞിട്ടാണെന്നും കെ.എം എബ്രഹാം പറഞ്ഞു. സംസ്ഥാന സര്‍ക്കാര്‍ ഏറ്റവും പ്രാധാന്യത്തോടെയാണ് കേന്ദ്രസംഘത്തിന്റെ സന്ദര്‍ശനത്തെ കാണുന്നത്. അതിന് എത്രത്തോളം പ്രാധാന്യം നല്‍കുന്നുണ്ടോ അതിനനുസരിച്ചുള്ള നടപടിക്രമങ്ങളാണ് സര്‍ക്കാരിന്റെ ഭാഗത്തുനിന്ന് ഉണ്ടായിട്ടുള്ളത്. അതിനാലാണ് ഹെലികോപ്റ്റര്‍ യാത്ര വേണ്ടിവന്നത്.
മാത്രമല്ല ഓഖിയുമായി ബന്ധപ്പെട്ട മുന്നു ഫണ്ടുകളാണ് ഉള്ളത്. ഓഖി ദുരിതാശ്വാസ ഫണ്ട്, മുഖ്യമന്ത്രിയുടെ ദുരിതാശ്വാസ ഫണ്ട്, കേന്ദ്ര ഫണ്ട് എന്നിവയാണവ. ഈ മുന്നുഫണ്ടുകളില്‍ നിന്നല്ല ഹെലികോപ്റ്റര്‍ യാത്രക്ക് തുക വകയിരുത്തിയത്. സംസ്ഥാനത്തിന്റെ ദുരന്ത നിവാരണ ഫണ്ടില്‍ നിന്നാണ് എട്ടുലക്ഷം രൂപ വകമാറ്റാന്‍ ഉത്തരവിട്ടത്.
മുഖ്യമന്ത്രിയുടെ ഹെലികോപ്റ്റര്‍ യാത്രക്ക് നിയമപരമായ സാധുതയും കെ.എം. എബ്രഹാം നിരത്തുന്നു. മുമ്പും ഇത്തരത്തില്‍ മുഖ്യമന്ത്രിമാര്‍ പലതവണ യാത്രചെയ്തിട്ടുണ്ട്. കേന്ദ്രസംഘത്തിന്റെ സന്ദര്‍ശനത്തിന് സര്‍ക്കാര്‍ അതീവ പ്രാധാന്യം നല്‍കിയതിനാലാണ് മുഖ്യമന്ത്രി ഹെലികോപ്റ്ററില്‍ എത്തിയത്. ഇക്കാര്യത്തില്‍ മുഖ്യമന്ത്രിയെ കുറ്റപ്പെടുത്തേണ്ടതില്ലെന്ന് കെ.എം. എബ്രഹാം പറയുന്നു. നിലവില്‍ നടക്കുന്നത് ആവശ്യമില്ലാത്ത വിവാദങ്ങളാണെന്നും അദ്ദേഹം കൂട്ടിച്ചേര്‍ത്തു.
ഹെലികോപ്റ്റര്‍ യാത്ര്ക്ക് ദുരന്ത നിവാരണ ഫണ്ടില്‍ നിന്ന് ഈടാക്കാന്‍ ഉത്തരവിട്ടത് ചീഫ് സെക്രട്ടറിയുടെ നിര്‍ദ്ദേശപ്രകാരമാണെന്ന് റവന്യു സെക്രട്ടറി പി.എച്ച് കുര്യന്‍ നേരത്തെ പറഞ്ഞിരുന്നു.

 

 

LIVE NEWS - ONLINE

  • 1
    4 hours ago

    വിഷം കഴിച്ച് വീടിന് തീ വെച്ച് മധ്യവയസ്‌കന്‍ മരിച്ചു

  • 2
    6 hours ago

    വീരമൃത്യുവരിച്ച ജവാന്മാരുടെ വീടുകള്‍ രാഹുലും പ്രിയങ്കയും സന്ദര്‍ശിച്ചു

  • 3
    7 hours ago

    പീതാംബരനെ ഏഴുദിവസത്തെ പോലീസ് കസ്റ്റഡിയില്‍വിട്ടു

  • 4
    9 hours ago

    കൊലപാതകത്തിന് പാര്‍ട്ടി നിര്‍ദേശിച്ചിട്ടില്ല: കോടിയേരി

  • 5
    10 hours ago

    അയോധ്യ ഭൂമി തര്‍ക്കകേസ്; സുപ്രീംകോടതി 26ന് വാദം കേള്‍ക്കും

  • 6
    12 hours ago

    റോഡപകടങ്ങളിലെ മരണ നിരക്ക് കുറക്കാന്‍ ബോധവല്‍കരണം

  • 7
    14 hours ago

    കരിപ്പൂര്‍ വിമാനത്താവളത്തില്‍ 719 ഗ്രാം സ്വര്‍ണം പിടികൂടി

  • 8
    14 hours ago

    വസന്തകുമാറിന്റെ കുടുംബത്തിന് 25 ലക്ഷം രൂപയും വീടും ഭാര്യക്ക് ജോലിയും

  • 9
    14 hours ago

    പിതാംബരന്‍ മറ്റാര്‍ക്കോ വേണ്ടി കുറ്റം ഏറ്റെടുത്തു: ഭാര്യ മഞ്ജു