Thursday, April 25th, 2019

കേരളം മാധവ് ഗാഡ്ഗിലിനെ ഓര്‍ക്കുമ്പോള്‍

കേരളം ഇപ്പോള്‍ അനുഭവിക്കുന്ന മഴക്കെടുതി മനുഷ്യനിര്‍മിത ദുരന്തമാണ്-പറയുന്നത് മറ്റാരുമല്ല, പ്രശസ്ത പരിസ്ഥിതി ശാസ്ത്രജ്ഞന്‍ മാധവ് ഗാഡ്ഗിലാണ്. ഭൂമിയും മണ്ണും തലതിരിഞ്ഞ രീതിയില്‍ ഉപയോഗിച്ചതാണ് ദുരന്തത്തിനു കാരണം. സംസ്ഥാന വ്യാപകമായി പ്രകൃതിദുരന്തങ്ങള്‍ ഉണ്ടാകുമ്പോള്‍ പശ്ചിമഘട്ട സംരക്ഷണത്തിനായുള്ള മാധവ് ഗാഡ്ഗില്‍, കസ്തൂരി രംഗന്‍ റിപ്പോര്‍ട്ടുകള്‍ വീണ്ടും സജീവ ചര്‍ച്ചയാവുകയാണ്. റിപ്പോര്‍ട്ട് നടപ്പാക്കിയിരുന്നെങ്കില്‍ പ്രകൃതിക്ഷോഭം നേരിടുന്നത് കൂടുതല്‍ ലളിതമാകുമായിരുന്നു. പശ്ചിമഘട്ടത്തിന്റെ ഇന്നത്തെ അവസ്ഥയില്‍ മഴ കനത്തു പെയ്താല്‍ മലവെള്ളപ്പാച്ചിലും മണ്ണിടിച്ചിലും ഉരുള്‍പൊട്ടലും തുടര്‍ന്നുള്ള ജീവനാശവും ദുരന്തങ്ങളും ഗാഡ്ഗില്‍ നേരത്തെ പ്രവചിച്ചതാണ്. പശ്ചിമഘട്ട … Continue reading "കേരളം മാധവ് ഗാഡ്ഗിലിനെ ഓര്‍ക്കുമ്പോള്‍"

Published On:Aug 13, 2018 | 1:22 pm

കേരളം ഇപ്പോള്‍ അനുഭവിക്കുന്ന മഴക്കെടുതി മനുഷ്യനിര്‍മിത ദുരന്തമാണ്-പറയുന്നത് മറ്റാരുമല്ല, പ്രശസ്ത പരിസ്ഥിതി ശാസ്ത്രജ്ഞന്‍ മാധവ് ഗാഡ്ഗിലാണ്. ഭൂമിയും മണ്ണും തലതിരിഞ്ഞ രീതിയില്‍ ഉപയോഗിച്ചതാണ് ദുരന്തത്തിനു കാരണം. സംസ്ഥാന വ്യാപകമായി പ്രകൃതിദുരന്തങ്ങള്‍ ഉണ്ടാകുമ്പോള്‍ പശ്ചിമഘട്ട സംരക്ഷണത്തിനായുള്ള മാധവ് ഗാഡ്ഗില്‍, കസ്തൂരി രംഗന്‍ റിപ്പോര്‍ട്ടുകള്‍ വീണ്ടും സജീവ ചര്‍ച്ചയാവുകയാണ്. റിപ്പോര്‍ട്ട് നടപ്പാക്കിയിരുന്നെങ്കില്‍ പ്രകൃതിക്ഷോഭം നേരിടുന്നത് കൂടുതല്‍ ലളിതമാകുമായിരുന്നു. പശ്ചിമഘട്ടത്തിന്റെ ഇന്നത്തെ അവസ്ഥയില്‍ മഴ കനത്തു പെയ്താല്‍ മലവെള്ളപ്പാച്ചിലും മണ്ണിടിച്ചിലും ഉരുള്‍പൊട്ടലും തുടര്‍ന്നുള്ള ജീവനാശവും ദുരന്തങ്ങളും ഗാഡ്ഗില്‍ നേരത്തെ പ്രവചിച്ചതാണ്. പശ്ചിമഘട്ട മലനിരകളുടെ 37 ശതമാനം പരിസ്ഥിതി ദുര്‍ബല പ്രദേശമെന്നായിരുന്നു ഗാഡ്ഗില്‍, കസ്തൂരി രംഗന്‍ സമിതിയുടെ വിലയിരുത്തല്‍. അതിനാല്‍ ശാസ്ത്രീയവും ശ്ലാഘനീയവുമായ കാല്‍വയ്പായിരുന്നു മാധവ് ഗാഡ്ഗില്‍ ചെയര്‍മാനായ പശ്ചിമഘട്ട പരിസ്ഥിതി വിദഗ്ധ പാനലിന്റെ ശുപാര്‍ശകള്‍. പശ്ചിമഘട്ടത്തിലെ ഭൂവിനിയോഗം സംബന്ധിച്ച് വ്യക്തമായ നിര്‍ദേശങ്ങള്‍ റിപ്പോര്‍ട്ടില്‍ ഉണ്ടായിരുന്നു. എന്നാല്‍, പലവിധ കാരണത്താല്‍ കേരളത്തിലെ മതരാഷ്ട്രീയ സംഘടനകള്‍ ഒറ്റക്കെട്ടായി ഗാഡ്ഗില്‍ റിപ്പോര്‍ട്ടിനെ പല്ലും നഖവും ഉപയോഗിച്ച് എതിര്‍ത്തു. അതോടെ റിപ്പോര്‍ട്ട് മൃതിയടയാന്‍ കാലതാമസം വേണ്ടിവന്നില്ല. 15 ഡിഗ്രിയില്‍ കൂടുതല്‍ ചരിവുള്ള പ്രദേശങ്ങളിലെ ഭൂവിനിയോഗത്തിന് കര്‍ശന നിയന്ത്രണങ്ങള്‍ വേണമെന്ന് സെന്റര്‍ ഫോര്‍ എര്‍ത്ത് സയന്‍സസിലെ ശാസ്ത്രജ്ഞര്‍ മാറിമാറിവന്ന സര്‍ക്കാരുകളോട് പലവട്ടം ആവശ്യപ്പെട്ടിരുന്നു. എന്നാല്‍ താക്കീതുകള്‍ നിര്‍ദയം അവഗണിക്കപ്പെട്ടു. ഫലത്തില്‍ കേരളം നിലയില്ലാ പ്രളയത്തിലായി. ജനങ്ങള്‍ ദുരിതക്കയത്തിലും. പരിസ്ഥിതി പഠന റിപ്പോര്‍ട്ടുകളില്‍നിന്ന് നാം ഇനിയെങ്കിലും നല്ലപാഠം പഠിക്കണം. ആരെയും പഴിക്കാതെ എല്ലാം ഒന്നില്‍നിന്ന് തുടങ്ങണം. തദ്ദേശഭരണ സ്ഥാപനങ്ങളുടെ അംഗീകാരത്തോടെ പ്രകൃതിവിഭവങ്ങള്‍ സംരക്ഷിക്കപ്പെടണം. കര്‍ഷകരെ യഥാവിധി ബോധവല്‍ക്കരിക്കണം. അല്ലാത്തപക്ഷം, പ്രകൃതിയുടെ തിരിച്ചടി ഇനിയും കടുത്ത ദുരന്തങ്ങള്‍ക്ക് വഴിയൊരുക്കും.

LIVE NEWS - ONLINE

  • 1
    1 hour ago

    നിലമ്പൂരില്‍ കനത്ത മഴയില്‍ മരം വീണ് മൂന്ന് മരണം

  • 2
    2 hours ago

    ന്യൂനമര്‍ദം: കേരളത്തില്‍ മുന്‍കരുതല്‍ നടപടികള്‍ സ്വീകരിച്ചതായി റവന്യൂ മന്ത്രി

  • 3
    5 hours ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 4
    6 hours ago

    മലമ്പനി തടയാന്‍ മുന്‍കരുതല്‍ നടപടി

  • 5
    8 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 6
    9 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 7
    9 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 8
    9 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 9
    9 hours ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര