Wednesday, January 23rd, 2019

സംസ്ഥാനത്ത് കനത്ത മഴ;ജാഗ്രത പാലിക്കണമെന്ന് സര്‍ക്കാര്‍

പലയിടത്തും വൈദ്യുതി ബന്ധം താറുമാറായി. ജലാശയങ്ങളെല്ലാം കരകവിഞ്ഞ് ഒഴുകുകയാണ്.

Published On:Jul 10, 2018 | 11:53 am

കോഴിക്കോട്: സംസ്ഥാനത്തുടനീളം പെയ്ത ശക്തമായ മഴയില്‍ പലയിടത്തും വെള്ളം പൊങ്ങി. വടക്കന്‍ മലബാര്‍ ജില്ലകളെയാണ് കനത്ത മഴ ബാധിച്ചിരിക്കുന്നത്. വയനാട്ടിലെ കല്‍പ്പറ്റ, മാനന്തവാടി എന്നിവടങ്ങളിലെ പല പ്രദേശങ്ങളിലും വെള്ളം പൊങ്ങി. കണ്ണൂര്‍ ജില്ലയിലെ പല ഭാഗങ്ങളിലും കനത്ത മഴയെ തുടര്‍ന്ന് വെള്ളം കയറി. താഴ്ന്ന പ്രദേശങ്ങള്‍ വെള്ളത്തിനടിയിലാണ്. തലശ്ശേരിയിലും മലയോര മേഖലയിലും ഇന്നലെ രാത്രി മുതല്‍ ശക്തമായ മഴ പെയ്യുകയാണ്. പലയിടത്തും വൈദ്യുതി ബന്ധം താറുമാറായി. ജലാശയങ്ങളെല്ലാം കരകവിഞ്ഞ് ഒഴുകുകയാണ്.
വയനാട്ടില്‍ വെള്ളം പൊങ്ങിയതിനെ തുടര്‍ന്ന് കല്‍പ്പറ്റയുടെ സമീപപ്രദേശങ്ങളിലെ ചില സ്ഥലങ്ങള്‍ ഒറ്റപ്പെട്ട നിലയിലാണ്.
മണിയന്‍കോട് കെ.എസ്.ഇ.ബി സബ് സ്‌റ്റേഷനില്‍ വെള്ളം കയറി. സബ് സ്‌റ്റേഷനില്‍ കുടുങ്ങിക്കിടന്ന മൂന്ന് ജീവനക്കാരെ പോലീസും അഗ്‌നിരക്ഷാ സേനയും ചേര്‍ന്ന് രക്ഷപ്പെടുത്തി. പുറത്ത് കടക്കാന്‍ കഴിയാതെ ജീവനക്കാര്‍ മണിക്കൂറുകളോളമാണ് കുടുങ്ങിയത്. മേപ്പാടിയില്‍ ലത്തീഫിന്റെയും മറ്റൊരാളുടേയും വീടിന് മുകളില്‍ മണ്ണിടിഞ്ഞ് വീണു. വീട്ടിലുണ്ടായിരുന്നവര്‍ പരിക്കേല്‍ക്കാതെ രക്ഷപ്പെട്ടു. പനമരത്ത് പെട്രോള്‍ പമ്പിന് മുകളില്‍ മണ്ണിടിഞ്ഞ് വീണെങ്കിലും ആളപായമില്ല.
മാനന്തവാടി വെള്ളിയൂര്‍ കാവും പരിസരങ്ങളും വെള്ളത്തില്‍ മുങ്ങി. വൈത്തിരി താലൂക്കിലാണ് മഴ ഏറ്റവുമധികം ദുരിതം വിതച്ചത്. ദുരിത ബാധിതരെ ഇന്നലെ രാത്രി തന്നെ ദുരിതാശ്വാസ കേന്ദ്രങ്ങളിലേക്ക് മാറ്റി പാര്‍പ്പിച്ചു. നൂറോളം കുടുംബങ്ങളാണ് വിവിധ ക്യാമ്പുകളിലായി കഴിയുന്നത്. ജില്ലയുടെ പല ഭാഗത്തും ഉരുള്‍പൊട്ടല്‍ മണ്ണിടിച്ചില്‍ ഭീഷണിയിലാണെന്നും ജനങ്ങള്‍ യാത്ര ഒഴിവാക്കണമെന്നും ജില്ലാ ഭരണകൂടം മുന്നറിയിപ്പ് നല്‍കിയിട്ടുണ്ട്. വിദ്യാലയങ്ങള്‍ക്ക് ഇന്ന് അവധി നല്‍കി.
അടുത്തിടെ കനത്ത മഴയെത്തുടര്‍ന്ന് ഉരുള്‍പൊട്ടിയ കോഴിക്കോട്ടെ കരിഞ്ചോലമലയില്‍ ജാഗ്രത നിര്‍ദ്ദേശം നല്‍കിയിട്ടുണ്ട്. മലയോര മേഖലകളിലേക്ക് വിനോദ സഞ്ചാരത്തിന് പോകുന്നവര്‍ക്കും നിയന്ത്രണമുണ്ട്.
മധ്യകേരളത്തില്‍ ഇടുക്കിയിലും എറണാകുളത്തും കോട്ടയത്തുമാണ് ശക്തമായ മഴ പെയ്യുന്നത്. കനത്ത മഴയില്‍ ഇടുക്കിയിലെ പല ഭാഗങ്ങളിലും മണ്ണിടിച്ചില്‍ ഉണ്ടായി ഗതാഗതം തടസപ്പെട്ടിട്ടുണ്ട്. മലയോര മേഖലകളിലേക്കുള്ള യാത്രകള്‍ പരമാവധി ഒഴിവാക്കണമെന്നാണ് ജില്ലാ ഭരണകൂടങ്ങളുടെ മുന്നറിയിപ്പ്. പെരിയാറിലും മീനച്ചിലാറിലും ജലനിരപ്പ് ഉയര്‍ന്നിട്ടുണ്ട്. മഴ ശക്തമായതിനാല്‍ എറണാകുളം ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധിയും പ്രഖ്യാപിച്ചിട്ടുണ്ട്.
തിരുവനന്തപുരത്തും കൊല്ലത്തും രണ്ടു ദിവസമായി ശക്തമായ മഴയാണ് പെയ്യുന്നത്. തിരുവനന്തപുരത്ത് മരം കടപുഴകി വീണ് അഞ്ചിടങ്ങളില്‍ ഗതാഗതം തടസപ്പെട്ടു. മഴ ശക്തമായതോടെ പലയിടത്തും കടല്‍ക്ഷോഭമുണ്ടാകുമെന്നും മുന്നറിയിപ്പുണ്ട്. തീരപ്രദേശങ്ങളില്‍ എത്തുന്നവര്‍ വെള്ളത്തില്‍ ഇറങ്ങരുതെന്ന മുന്നറിയിപ്പും അധികൃതര്‍ നല്‍കിയിട്ടുണ്ട്.

LIVE NEWS - ONLINE

  • 1
    4 hours ago

    ഐ.എസ്സുമായി ബന്ധമുണ്ടെന്ന് സംശയിക്കുന്ന ഒമ്പതുപേര്‍ മഹാരാഷ്ട്രയില്‍ അറസ്റ്റിലായി

  • 2
    6 hours ago

    ചിലര്‍ക്ക് കുടുംബമാണ് പാര്‍ട്ടി, ബി.ജെ.പിക്ക് പാര്‍ട്ടിയാണ് കുടുംബം; മോദി

  • 3
    9 hours ago

    മികച്ച സ്ഥാനാര്‍ത്ഥികളെ തേടി നെട്ടോട്ടം; പന്ന്യനും കാനവും മത്സരരംഗത്തില്ല

  • 4
    10 hours ago

    സ്ഥാനാര്‍ത്ഥി നിര്‍ണയം: രാഹുലിന്റെ ഇടപെടല്‍ ശക്തമാകുന്നു

  • 5
    10 hours ago

    പരിശീലനവും ബോധവല്‍കരണവും വേണം

  • 6
    11 hours ago

    പ്രിയങ്ക ഗാന്ധി എ.ഐ.സി.സി ജനറല്‍ സെക്രട്ടറി

  • 7
    12 hours ago

    മുഖ്യമന്ത്രീ…സുരക്ഷക്കും ഒരു മര്യാദയുണ്ട്: ചെന്നിത്തല

  • 8
    13 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍

  • 9
    13 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍