Wednesday, February 20th, 2019

ഞായറാഴ്ച വരെ മഴ കനക്കും; താഴ്ന്ന പ്രദേശങ്ങള്‍ വെള്ളത്തിനടിയില്‍

മഴയോടൊപ്പം ശക്തമായ കാറ്റുമുണ്ട്്. വൈദ്യുതി, ഫോണ്‍ ബന്ധങ്ങള്‍ ചിലയിടത്ത് താറുമാറായി.

Published On:Jun 21, 2018 | 10:49 am

കണ്ണൂര്‍: കാലവര്‍ഷം കനത്തതോടെ ജില്ലയില്‍ പനി ബാധിതരുടെ എണ്ണവും കൂടുന്നു. വിവിധ ആശുപത്രികളിലായി നൂറുകണക്കിനാളുകളാണ് പനിക്ക് ചികിത്സതേടിയെത്തിയത്. ഡെങ്കിപ്പനിയെന്ന് സംശയിക്കുന്നവരും ഇക്കൂട്ടത്തിലുണ്ട്്. ഇതര സംസ്ഥാന തൊഴിലാളികള്‍ താമസിക്കുന്നയിടങ്ങളില്‍ മലേരിയയുണ്ടോയെന്ന പരിശോധനക്ക് ആരോഗ്യവകുപ്പ് രംഗത്തുണ്ട്.
ജില്ലയില്‍ മഴയുടെ അളവ് കൂടി. ഇന്നലെ മാത്രം കണ്ണൂരില്‍ 48.6 എം എം, തലശ്ശേരി 73 എം എം, തളിപ്പറമ്പ് 56.4 എം എം മഴയാണ് ലഭിച്ചത്. ഞായറാഴ്ച വരെ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മഴയോടൊപ്പം ശക്തമായ കാറ്റുമുണ്ട്്. വൈദ്യുതി, ഫോണ്‍ ബന്ധങ്ങള്‍ ചിലയിടത്ത് താറുമാറായി.
തലശ്ശേരി കുയ്യാലി റെയില്‍വെ ഗേറ്റിന് സമീപം ഗുഡ്‌ഷെഡ് റോഡ് വെള്ളംകയറി വാഹനഗതാഗതം തടസ്സപ്പെട്ടു. ഇവിടെ ഓവുചാല്‍ വൃത്തിയാക്കാത്തതാണ് വെള്ളം റോഡില്‍ കെട്ടിനില്‍ക്കുന്നതിനിടയാക്കുന്നത്. തുടര്‍ച്ചയായ മഴകാരണം താഴ്ന്ന പ്രദേശങ്ങളെല്ലാം വെള്ളത്തിനടിയിലാണ്. വെള്ളപ്പൊക്കം കാരണം വീട്ടുകാര്‍ മറ്റ് സ്ഥലങ്ങളിലെ ബന്ധുവീടുകളില്‍ അഭയം തേടി.
കണ്ണൂര്‍ താണയില്‍ സയ്യിദിന്റെ ഉടമസ്ഥതയിലുള്ള വീട്ടുപരിസരത്ത് മലിനജലം കെട്ടിനില്‍ക്കുകയാണ്. ഓവുചാല്‍ നിര്‍മാണവുമായി ബന്ധപ്പെട്ട് പലതവണ അധികൃതര്‍ക്ക് പരാതി നല്‍കിയിട്ടും യാതൊരു നടപടിയും എടുക്കാത്തതിനാലാണ് വെള്ളം വീട്ടുമുറ്റത്ത് തളം കെട്ടി നില്‍ക്കുന്നതെന്ന് വീട്ടുകാര്‍ പറയുന്നു. വളപട്ടണം തങ്ങള്‍ വയലിലും വെള്ളപ്പൊക്കമുണ്ട്. സ്‌കൂളിലേക്കും വീടുകളിലേക്കും ഇതുവഴി പോകാന്‍ പറ്റാത്ത സ്ഥിതിയാണുള്ളത്. അധികൃതര്‍ തിരിഞ്ഞുനോക്കുന്നില്ലത്രെ.
മഴ കനത്തതോടെ വഴിയരികിലെ മരങ്ങള്‍ കടപുഴകി വീഴുന്നത് പതിവായി. അപകടഭീഷണി ഉയര്‍ത്തുന്ന ഒട്ടേറെ മരങ്ങള്‍ പലയിടത്തുമുണ്ട്്. അതിനിടെ വഴിവിളക്കുകളെല്ലാം മിഴിയടച്ച നിലയിലാണ്. ചിലയിടത്ത് അറ്റകുറ്റപണികള്‍ നടത്താതെ വിളക്കുകാലില്‍ ബഹുവര്‍ണ പരസ്യബോര്‍ഡുകള്‍ സ്ഥാപിച്ച് കരാറുകാരന്‍ ലക്ഷങ്ങള്‍ കൈക്കലാക്കുമ്പോള്‍ വഴിവിളക്കിന് വൈദ്യുത ചാര്‍ജ് ഇനത്തില്‍ ലക്ഷങ്ങള്‍ കെ എസ് ഇ ബിക്ക് നല്‍കി ത്രിതല പഞ്ചായത്തുകള്‍ കൈകഴുകുകയാണ്. കരാറുകാരനെ സഹായിക്കുന്ന നിലപാടാണ് പലയിടത്തും സ്വീകരിക്കുന്നതെന്ന് ആക്ഷേപമുണ്ട്്. കുഴികളും വെള്ളക്കെട്ടുകളും രൂപപ്പെട്ടതോടെ ഇരുള്‍ നിറഞ്ഞ റോഡിലൂടെയുള്ള യാത്ര വാഹനയാത്രികര്‍ക്ക്് പേടിസ്വപ്‌നമായി.

 

LIVE NEWS - ONLINE

  • 1
    2 hours ago

    വിഷം കഴിച്ച് വീടിന് തീ വെച്ച് മധ്യവയസ്‌കന്‍ മരിച്ചു

  • 2
    3 hours ago

    വീരമൃത്യുവരിച്ച ജവാന്മാരുടെ വീടുകള്‍ രാഹുലും പ്രിയങ്കയും സന്ദര്‍ശിച്ചു

  • 3
    4 hours ago

    പീതാംബരനെ ഏഴുദിവസത്തെ പോലീസ് കസ്റ്റഡിയില്‍വിട്ടു

  • 4
    7 hours ago

    കൊലപാതകത്തിന് പാര്‍ട്ടി നിര്‍ദേശിച്ചിട്ടില്ല: കോടിയേരി

  • 5
    7 hours ago

    അയോധ്യ ഭൂമി തര്‍ക്കകേസ്; സുപ്രീംകോടതി 26ന് വാദം കേള്‍ക്കും

  • 6
    10 hours ago

    റോഡപകടങ്ങളിലെ മരണ നിരക്ക് കുറക്കാന്‍ ബോധവല്‍കരണം

  • 7
    11 hours ago

    കരിപ്പൂര്‍ വിമാനത്താവളത്തില്‍ 719 ഗ്രാം സ്വര്‍ണം പിടികൂടി

  • 8
    11 hours ago

    വസന്തകുമാറിന്റെ കുടുംബത്തിന് 25 ലക്ഷം രൂപയും വീടും ഭാര്യക്ക് ജോലിയും

  • 9
    11 hours ago

    പിതാംബരന്‍ മറ്റാര്‍ക്കോ വേണ്ടി കുറ്റം ഏറ്റെടുത്തു: ഭാര്യ മഞ്ജു