Tuesday, September 25th, 2018

ആദ്യ ഹജജ് വിമാനം ഓഗസ്റ്റ് ഒന്നിന്

നെടുമ്പാശ്ശേരിയില്‍നിന്ന് ഓഗസ്റ്റ് 15 വരെയാണ് ഹാജിമാരുടെ യാത്ര ക്രമീകരിച്ചിരിക്കുന്നത്.

Published On:Jun 7, 2018 | 9:33 am

കോഴിക്കോട്: സംസ്ഥാന ഹജ്ജ് കമ്മിറ്റി മുഖേനയുള്ള ഹജ്ജ് തീര്‍ഥാടകരുടെ ആദ്യസംഘം ഓഗസ്റ്റ് ഒന്നിന് രാവിലെ 5.35ന് പുറപ്പെടും. നെടുമ്പാശ്ശേരിയില്‍നിന്ന് ഓഗസ്റ്റ് 15 വരെയാണ് ഹാജിമാരുടെ യാത്ര ക്രമീകരിച്ചിരിക്കുന്നത്. ആദ്യദിനം വൈകീട്ട് 5.30നാണ് രണ്ടാമത്തെ സര്‍വിസ്. ഓരോ വിമാനത്തിലും പുറപ്പെടുന്നവരുടെ വിശദാംശങ്ങള്‍ ഹജ്ജ് കമ്മിറ്റി വളന്റിയര്‍മാര്‍ മുഖേന തീര്‍ഥാടകരെ അറിയിക്കും.
പരമാവധി 410 പേര്‍ക്ക് സഞ്ചരിക്കാവുന്ന വിമാനങ്ങളാണ് ഇക്കുറി ഹജ്ജ് സര്‍വിസിന് ഉപയോഗിക്കുന്നത്. മൊത്തം 29 സര്‍വിസുകളാണ് ഇക്കുറിയുണ്ടാകുക. നാല് ദിവസം മൂന്ന് വിമാനങ്ങളും ആറ് ദിവസം രണ്ട് വിമാനവും അഞ്ച് ദിവസങ്ങളില്‍ ഓരോ വിമാനം വീതവുമാണ് സര്‍വിസ് നടത്തുക. സെപ്റ്റംബര്‍ 12 മുതല്‍ 25 വരെയുള്ള തീയതികളിലാണ് തീര്‍ഥാടകരുടെ മടക്കയാത്ര ക്രമീകരിച്ചിരിക്കുന്നത്. നെടുമ്പാശ്ശേരിയില്‍നിന്ന് ജിദ്ദയിലേക്കും തിരിച്ച് മദീനയില്‍നിന്ന് നെടുമ്പാശ്ശേരിയിലേക്കുമാണ് യാത്ര നിശ്ചയിച്ചിരിക്കുന്നത്.
നേരത്തെ, ജൂലൈ 29 മുതല്‍ ഓഗസ്റ്റ് 15 വരെയും തിരിച്ച് സെപ്റ്റംബര്‍ അഞ്ച് മുതല്‍ 25 വരെയുമായിരുന്നു യാത്ര തീയതി നിശ്ചയിച്ചിരുന്നത്. സൗദി എയര്‍ലൈന്‍സിനാണ് ഈ വര്‍ഷത്തെ ഹജ്ജ് സര്‍വിസിന്റെ കരാര്‍. ജൂലൈ 31 മുതല്‍ ഹജ്ജ് ക്യാമ്പിന്റെ പ്രവര്‍ത്തനം സിയാല്‍ അക്കാദമിയില്‍ ആരംഭിക്കും. കേരളം, ലക്ഷദ്വീപ്, മാഹി എന്നിവിടങ്ങളില്‍ നിന്നായി 12,000ത്തോളം തീര്‍ഥാടകരാണ് ഇത്തവണ നെടുമ്പാശ്ശേരി വഴി പുറപ്പെടുക.

LIVE NEWS - ONLINE

  • 1
    1 min ago

    ലൂക്ക മോഡ്രിച് ഫിഫ സൂപ്പര്‍ താരം

  • 2
    13 mins ago

    കാറപകടത്തില്‍ ബാലഭാസ്‌കറിന്റെ മകള്‍ മരിച്ചു

  • 3
    12 hours ago

    സിസ്റ്റര്‍ ലൂസിക്കെതിരായ നടപടി പിന്‍വലിച്ചു

  • 4
    14 hours ago

    സ്പെഷ്യല്‍ പ്രോട്ടക്ഷന്‍ ഗ്രൂപ്പുമായി ബന്ധപ്പെട്ട് രാഹുല്‍ഗാന്ധി ഉന്നയിച്ച ആരോപണം തള്ളി കേന്ദ്രസര്‍ക്കാര്‍

  • 5
    14 hours ago

    കെ.എസ്.ആര്‍.ടി.സി ബസ്സില്‍ ബൈക്ക് ഇടിച്ച് ഒരാള്‍ മരിച്ചു

  • 6
    19 hours ago

    മിനിലോറി ടിപ്പറിലിടിച്ച് ഡ്രൈവര്‍ മരിച്ചു; ഒരാള്‍ക്ക് പരിക്ക്

  • 7
    19 hours ago

    പറന്നുയരുന്നു പുതിയ ചരിത്രത്തിലേക്ക്…

  • 8
    20 hours ago

    ഗോവയില്‍ രണ്ട് മന്ത്രിമാര്‍ രാജിവെച്ചു

  • 9
    21 hours ago

    കന്യാസ്ത്രീ പീഡനം; ബിഷപ്പിന് ജാമ്യം നല്‍കരുതെന്ന് പോലീസ്