Monday, September 25th, 2017

ഗുര്‍മീത് സിംഗ് കേസില്‍ വിധി പറഞ്ഞ ജഡ്ജിക്ക് കര്‍ശന സുരക്ഷയൊരുക്കും

ഗുര്‍മീത് കുറ്റക്കാരനാണെന്ന് കോടതി വിധിച്ചതിനെ തുടര്‍ന്ന് ഡല്‍ഹിയിലും ഹരിയാനയിലുമുണ്ടായ വ്യാപക അക്രമ സംഭവങ്ങളില്‍ 30പേര്‍ കൊല്ലപ്പെട്ടിരുന്നു.

Published On:Aug 26, 2017 | 10:08 am

ന്യൂഡല്‍ഹി: ദേരാ സച്ചാ സൗദാ തലവനും ആള്‍ ദൈവവുമായ റാം റഹീം സിംഗിനെ കുറ്റക്കാരനെന്ന് കണ്ടെത്തിയ സി.ബി.ഐ പ്രത്യേക കോടതി ജഡ്ജി ജഗദീപ് സിംഗിന് ഉന്നതതല സുരക്ഷയൊരുക്കാന്‍ കേന്ദ്ര സര്‍ക്കാര്‍ ഹരിയാന സര്‍ക്കാരിനോട് നിര്‍ദ്ദേശിച്ചു. സി.ആര്‍.പി.എഫ്, സി.ഐ.എസ്.എഫ് തുടങ്ങിയ കേന്ദ്ര ഏജന്‍സികള്‍ സുരക്ഷാച്ചുമതല ഏറ്റെടുക്കണോയന്ന് രഹസ്യാന്വേഷണ സൂചനകള്‍ വിലയിരുത്തിയശേഷം ആഭ്യന്തരമന്ത്രാലയം അന്തിമ തീരുമാനം എടുക്കും. തിങ്കളാഴ്ചയാണ് ഗുര്‍മീതിന് ശിക്ഷ വിധിക്കുന്നത്.
2000ല്‍ പഞ്ചാബ് യൂണിവേഴ്‌സിറ്റി നിന്ന് നിയമബിരുദം നേടിയ സിംഗ് ജുഡിഷ്യല്‍ സര്‍വീസില്‍ വരുന്നതിന് മുമ്പ് പഞ്ചാബ്,ഹരിയാന കോടതികളില്‍ അഭിഭാഷകനായി ജോലി നോക്കി. പൊതുവേ മിതഭാഷിയായ സിംഗ് പക്ഷേ, കോടതിയില്‍ എത്തിയാല്‍ ശക്തമായ വാദപ്രതിവാദങ്ങള്‍ നടത്താറുണ്ട്. സിവില്‍, ക്രിമിനല്‍ കേസുകളാണ് സിംഗ് വാദിച്ചു വന്നത്. 2016 സെപ്തംബറില്‍ അപകടത്തില്‍പെട്ട ഗുരുതര പരിക്കേറ്റ് റോഡില്‍ കിടന്ന നാല് പേരെ ആശുപത്രിയിലെത്തിച്ചും വാര്‍ത്തകളില്‍ നിറഞ്ഞിരുന്നു സിംഗ്. അഡിഷണല്‍ ജില്ലാ ജഡ്ജി ആയിരുന്ന ജഗദീപ് സിംഗ് കഴിഞ്ഞ വര്‍ഷമാണ് സി.ബി.ഐ കോടതി ജഡ്ജിയായി നിയമിതനായത്. 2012ല്‍ ഹരിയാന ജുഡിഷ്യല്‍ സര്‍വീസില്‍ ചേര്‍ന്ന സിംഗിനെ ആദ്യം സോനാപതിലാണ് നിയമിച്ചത്.
അതിനിടെ ഗുര്‍മീത് ബലാത്സംഗക്കേസില്‍ കുറ്റക്കാരനാണെന്ന് കോടതി വിധിച്ചതിനെ തുടര്‍ന്ന് ഡല്‍ഹിയിലും ഹരിയാനയിലുമുണ്ടായ വ്യാപക അക്രമ സംഭവങ്ങളില്‍ 30പേര്‍ കൊല്ലപ്പെടുകയും 250 പേര്‍ക്ക് പരിക്കേല്‍ക്കുകയും ചെയ്തിരുന്നു.

 

LIVE NEWS - ONLINE

  • 1
    23 mins ago

    കാവ്യയെ അറസ്റ്റ് ചെയ്യില്ല; നാദിര്‍ഷയുടെ ജാമ്യഹരജി ഒക്ടോബര്‍ നാലിന് തീര്‍പ്പാക്കും

  • 2
    44 mins ago

    പിവി സിന്ധുവിന് പത്മഭൂഷണ്‍ ശുപാര്‍ശ

  • 3
    44 mins ago

    ലോകത്തെ ഭാരമേറിയ വനിത ഇമാന്‍ അന്തരിച്ചു

  • 4
    47 mins ago

    കേരളത്തില്‍ ബിജെപി പ്രവര്‍ത്തകര്‍ ആക്രമിക്കപ്പെടുന്നുവെന്ന് അമിത് ഷാ

  • 5
    47 mins ago

    കാവ്യക്ക് മുന്‍കൂര്‍ ജാമ്യം വേണ്ടെന്ന് ഹൈക്കോടതി

  • 6
    49 mins ago

    നാദിര്‍ഷയുടെ ജാമ്യഹര്‍ജി ഒക്ടോബറിലേക്ക് മാറ്റി

  • 7
    1 hour ago

    ലോകത്തെ ഭാരമേറിയ വനിത ഇമാന്‍ അന്തരിച്ചു

  • 8
    2 hours ago

    നടിയെ ആക്രമിച്ച കേസില്‍ സുനിക്കും കൂട്ടുപ്രതികള്‍ക്കും ജാമ്യമില്ല

  • 9
    2 hours ago

    നടിയെ ആക്രമിച്ച കേസില്‍ സുനിക്കും കൂട്ടുപ്രതികള്‍ക്കും ജാമ്യമില്ല