Thursday, January 17th, 2019

ജിഎസ്ടി,ഹോട്ടലുകളില്‍ നികുതി വകുപ്പ് ഉദ്യോഗസ്ഥരുടെ പരിശോധന

പുതിയ രീതിയില്‍ ബില്ല് നല്‍കേണ്ടതിനെപ്പറ്റി വിശദീകരിക്കും. ആദ്യഘട്ടത്തില്‍ കര്‍ശന നടപടിയുണ്ടാവില്ല.

Published On:Jul 6, 2017 | 10:26 am

കണ്ണൂര്‍: ഹോട്ടലുകളില്‍ ചരക്ക് സേവനനികുതി പിരിക്കുന്നതുമായി ബന്ധപ്പെട്ട തട്ടിപ്പ് തടയാന്‍ വാണിജ്യ നികുതി വകുപ്പ് ഉദ്യോഗസ്ഥര്‍ ഹോട്ടലുകളില്‍ പരിശോധന നടത്തും.
ഹോട്ടലുകള്‍ സന്ദര്‍ശിച്ച് ചരക്ക് സേവന നികുതിയുടെ പശ്ചാത്തലത്തില്‍ പുതിയ രീതിയില്‍ ബില്ല് നല്‍കേണ്ടതിനെപ്പറ്റി വിശദീകരിക്കും. ആദ്യഘട്ടത്തില്‍ കര്‍ശന നടപടിയുണ്ടാവില്ല.
പ്രധാന കേന്ദ്രങ്ങളിലെ പ്രധാന ഹോട്ടലുകളിലും ഭക്ഷണശാലകളിലുമാണ് ഉദ്യോഗസ്ഥരെത്തുക. ഇതിന് വാണിജ്യനികുതി ഉദ്യോഗസ്ഥന്മാര്‍ക്ക് നിര്‍ദ്ദേശം നല്‍കിയിട്ടുണ്ട്.
മുമ്പ് സര്‍വ്വീസ് ടാക്‌സ് ഈടാക്കാതിരുന്ന പലഹോട്ടലുകളും അരശതമാനം നികുതിമാത്രമാണ് നല്‍കിയിരുന്നത്. എന്നാല്‍ പുതിയ രീതിയില്‍ ഇതില്‍ വ്യത്യാസമുണ്ട്. 20 ലക്ഷം വരെ വാര്‍ഷിക വിറ്റുവരവുള്ള ഹോട്ടലുകള്‍ക്ക് നികുതിയില്ല.
20 മുതല്‍ 75 ലക്ഷം വരെയുള്ളവര്‍ക്ക് 5 ശതമാനം, അതിനുമുകളില്‍ 12 ശതമാനം, ഹോട്ടല്‍ എ സിയാണെങ്കില്‍ 18 ശതമാനം എന്നിങ്ങനെയാണ് നികുതി. ഈ രീതിയില്‍ നികുതി നിശ്ചയിക്കുന്നത് വ്യാപാരികളെ പരിചയപ്പെടുത്തും. നല്‍കുന്ന ബില്ലിന്റെ സീരിയല്‍ നമ്പര്‍ കൃത്യമായി നല്‍കണം. ജി എസ് ടി നമ്പറും നികുതി നിരക്കും സ്ഥാപനത്തില്‍ കൃത്യമായ വിവരം ബില്ലിലുണ്ടാവണം. ഇത് ഹോട്ടലുകള്‍ ചെയ്യുന്നുണ്ടെന്ന് ഉറപ്പാക്കും. കൃത്യമായ ബില്ല് നല്‍കാതെ നികുതി വെട്ടിപ്പിന് വരെ വഴിയൊരുക്കുന്ന രീതിയില്‍ ചില ഹോട്ടലുകള്‍ പ്രവര്‍ത്തിക്കുന്നതായി പരാതി ഉയര്‍ന്നതിന്റെ പശ്ചാത്തലത്തിലാണ് വാണിജ്യനികുതി വിഭാഗത്തിന്റെ നടപടി. അതിനിടെ ജി എസ് ടിയെ മറികടക്കാന്‍ വന്‍കിട ഹോട്ടലുകള്‍ പുതിയ വഴികള്‍ തേടുന്നുണ്ട്. ഹോട്ടല്‍ മുറികളുടെ വാടകയില്‍ ജി എസ് ടി മൂന്ന് സ്ലാബുകളിലായാണ് ഈടാക്കുന്നത്. 999 രൂപ വരെയുള്ള മുറികള്‍ക്ക് നികുതിയില്ല. 1000 മുതല്‍ 2499 വരെ 12 ശതമാനം. 2500 മുതല്‍ 7499 വരെ 18 ശതമാനം, 7500 മുതല്‍ 28 ശതമാനം എന്നിങ്ങനെയാണിത്. നേരത്തെ 5000 രൂപയ്ക്ക് മുകളിലുള്ള മുറികള്‍ക്കെല്ലാം 28 ശതമാനമായിരുന്നു ജി എസ് ടി തീരുമാനിച്ചിരുന്നത്. ഹോട്ടലുടമകളുടെ അഭ്യര്‍ത്ഥനമാനിച്ചാണ് ഇത് പരിഷ്‌ക്കരിച്ചത്. ഇത് മറികടക്കുന്നതിനുള്ള വഴികളാണ് ഇപ്പോള്‍ ഹോട്ടലുടമകള്‍ തേടുന്നത്. ഉയര്‍ന്ന വാടക തൊട്ടുതാഴെയുള്ള സ്ലാബിലേക്ക് കുറിച്ചുകൊണ്ട് ജി എസ് ടി കുറയ്ക്കുക എന്നതാണ് ഇതിലൊന്ന്. ജി എസ് ടിയുമായി ബന്ധപ്പെട്ട് പ്രമുഖ ഹോട്ടലുകളില്‍ മുന്നറിയിപ്പ് ബോര്‍ഡുകള്‍ പ്രദര്‍ശിപ്പിച്ചുതുടങ്ങിയിട്ടുണ്ട്. ജി എസ് ടി നടപ്പിലാക്കിയതിനാല്‍ ഭക്ഷണത്തിന് നിശ്ചിത ശതമാനം ടാക്‌സ് അടക്കണമെന്ന നിദ്ദേശമാണ് നോട്ടീസിലുള്ളത്.
നോണ്‍ എ സി വിഭാഗത്തില്‍ 12 ശതമാനവും എ സി വിഭാഗത്തില്‍ 18 ശതമാനവും നികുതി ഈടാക്കുമെന്ന് നോട്ടീസില്‍ നിര്‍ദ്ദേശിച്ചിട്ടുണ്ട്. ഉപഭോക്താക്കളും ഹോട്ടല്‍ ജീവനക്കാരും തമ്മില്‍ ഭക്ഷണവില വര്‍ദ്ധനവിനെക്കുറിച്ച് തര്‍ക്കം ഉടലെടുത്തതോടെയാണ് നോട്ടീസ് പതിക്കാന്‍ തീരുമാനിച്ചത്. പുതിയ വില വിവര പട്ടിക വൈകാതെ ഹോട്ടലുകളില്‍ പ്രദര്‍ശിപ്പിക്കും. നിലവില്‍ ചില എ സി ഹോട്ടലുകളില്‍ 140 രൂപയുടെ ബിരിയാണി കഴിച്ചാല്‍ ജി എസ് ടി പ്രകാരം 165 രൂപ കൊടുക്കണം. നോണ്‍ എ സിയില്‍ ആണെങ്കില്‍ 16 രൂപ അധികം നല്‍കണം. അസംസ്‌കൃത സാധനങ്ങളുടെ വില കുറയാത്തിടത്തോളം കാലം ഹോട്ടലുകളില്‍ ഭക്ഷണവില കുറയ്ക്കാന്‍ കഴിയില്ലെന്ന് വ്യാപാരികള്‍ പറയുന്നു.

 

LIVE NEWS - ONLINE

  • 1
    11 hours ago

    അമ്മയുടെ കാമുകന്‍ അഞ്ച് വയസുകാരനെ കൊലപ്പെടുത്തി

  • 2
    13 hours ago

    കെഎസ്ആര്‍ടിസി പണിമുടക്ക് മാറ്റിവെച്ചു

  • 3
    16 hours ago

    കെഎസ്ആര്‍ടിസി പണിമുടക്കില്‍ മാറ്റമില്ലെന്ന് സംയുക്ത സമരസമിതി

  • 4
    16 hours ago

    വിട്ടു നിന്നത് കുമ്മനത്തിന്റെ അവസ്ഥ ഉണ്ടാകാതിരിക്കാന്‍: ശ്രീധരന്‍ പിള്ള

  • 5
    19 hours ago

    ദൈവത്തിന്റെ നാട് ഭരിക്കുന്നത് ദൈവവിശ്വാസമില്ലാത്തവര്‍: ഒ രാജഗോപാല്‍

  • 6
    19 hours ago

    വൈദ്യുതി നിരക്ക് വര്‍ധന ഉപഭോക്താക്കള്‍ക്ക് ഇരുട്ടടി

  • 7
    20 hours ago

    ചര്‍ച്ച പരാജയം; ഇന്ന് അര്‍ധരാത്രിമുതല്‍ കെഎസ്ആര്‍ടിസി സമരം

  • 8
    20 hours ago

    വേദനയോടെ സാമുവല്‍ കുറിക്കുന്നു…

  • 9
    20 hours ago

    വിജയിച്ചാല്‍ കേരളത്തിന് ചരിത്രത്തിലാദ്യമായി സെമിഫൈനലിലെത്താം