Monday, June 17th, 2019

പരാജിതന്റെ കണ്ണുനീര്‍ ആഘോഷിക്കരുത്-ഗ്രിന്‍സ്മാന്‍, കവാനി കളിച്ചില്ല, ഏകനായി അലഞ്ഞ് സുവാരസ്

നടകീയ രംഗങ്ങള്‍ക്ക് സാക്ഷിയായ മത്സരം

Published On:Jul 7, 2018 | 8:43 am

മോസ്‌കോ: റഷ്യന്‍ ലോകകപ്പിലെ ആദ്യ മത്സരമായ ഫ്രാന്‍സ് -ഉറുഗ്വെ പോരാട്ടം നാടകീയമായ രംഗങ്ങള്‍ക്കൊണ്ട്് ഏറെ ശ്രദ്ധേയമായി.
ഫ്രാന്‍സിന്റെ ലോകോത്തര സ്‌ട്രൈക്കര്‍ ഗ്രിന്‍സ്മാന്റെ സ്്‌പോര്‍ട്‌സ്മാന്‍ സ്പിരിറ്റും ഉറുഗ്വന്‍ സ്‌ട്രൈക്കര്‍ സുവാരസ് ഗോളടി യന്ത്രമായ തന്റെ കൂട്ടുകാരന്‍ എഡിന്‍സണ്‍ കവാനിയില്ലാതെ ഏകനായി അലഞ്ഞ് തിരിയുന്നതും ഫ്രാന്‍സ്-ഉറൂഗ്വെ മത്സരത്തിലെ ശ്രദ്ധേയ നിമിഷങ്ങളായി.
ലാറ്റിനമേരിക്കന്‍ ശക്തികളായ ഉറുഗ്വെയുടെ വിജയമോഹങ്ങളെ തട്ടിത്തെറിപ്പിച്ച് ഫ്രഞ്ച്പട രണ്ടാം ഗോള്‍ നേടിയപ്പോള്‍ അത് ആഘോഷിക്കാതെ ആര്‍ത്ത് വിളിച്ച ആരാധകര്‍ക്ക് നടുവിലൂടെ ശാന്തനായി ഗ്രിന്‍സ്മാന്‍ നടന്നകന്നത് ലോകം ശ്രദ്ധിച്ചു. ഉറുഗ്വെയന്‍ താരങ്ങളുമായുള്ള സൗഹൃദത്തിന്റെ ആഴം വ്യക്തമാക്കുന്നതായിരുന്നു താരത്തിന്റെ ശരീരഭാഷ.
61-ാം മിനിറ്റിലാണ് 12 വര്‍ഷങ്ങള്‍ക്ക്‌ശേഷം ഫ്രാന്‍സിനെ സെമിയിലെത്തിച്ച ഗ്രീസ്മാന്റെ ഗോള്‍. ബോക്‌സിനു പുറത്തുവച്ച് ടോലിസോയുടെ പാസ് ബോക്‌സിനോടു ചേര്‍ന്നുനിന്ന ഗ്രീസ്മാന്റെ കാലിലെത്തി. എന്നാല്‍ ഗ്രീസ്മാന്റെ അടി നേരിട്ട് ഗോള്‍കീപ്പര്‍ ഫെര്‍ണാണ്ടോ മുസ്‌ലേരയുടെ കൈകളിലേക്കായിരുന്നു. എന്നാല്‍, പന്ത് തട്ടിത്തെറിപ്പിക്കാന്‍ ശ്രമിച്ച മുസ്‌ലേരക്ക് പിഴച്ചു. വഴുതി സ്വന്തം വലയില്‍.
‘പ്രെഫഷണല്‍ ഫുട്‌ബോള്‍ കരിയറിന്റെ തുടക്കകാലത്ത് പിന്തുണ നല്‍കിയത് ഒരു ഉറുഗ്വെയക്കാരനായിരുന്നു. ഫുട്‌ബോളിലെ നല്ലതും ചീത്തയുമായ വശങ്ങള്‍ അദ്ദേഹം തനിക്ക് കാട്ടിത്തന്നു. ആ ബഹുമാനത്തോടെ, ഗോള്‍നേട്ടം ആഘോഷിക്കുന്നത് ഉചിതമല്ലെന്നു കരുതി. പരാജിതന്റെ കണ്ണീരുകൊണ്ടല്ല വിജയം ആഘോഷിക്കേണ്ടതെന്നും ഗ്രിന്‍സ്മാന്‍ പറഞ്ഞു.
സ്റ്റാര്‍ സ്‌ട്രൈക്കര്‍ കവാനിയില്ലാതെയാണ് ഉറുഗ്വെ ഇന്നലെ ഫ്രാന്‍സിനെതിരെകളിക്കാനിറങ്ങിയത്. ഉറൂഗ്വെയുടെ ഇതുവരെയുള്ള വിജയം സുവാരസ്-കവാനി കൂട്ടുകെട്ടിന്റെ മികവിലായിരുന്നു. ഇന്നലെ ബോക്‌സിലെക്ക് പലതവണ പന്തുമായി സുവാരസ് വട്ടമിട്ടു പറന്നെങ്കിലും കവാനിയെപോലുള്ള ശക്തനായ ഫിനിഷറുടെ അഭാവത്തില്‍ പല നല്ല അവസരങ്ങളും പാഴാവുകയായിരുന്നു. സുവാരസിന്റെ നീക്കങ്ങള്‍ നന്നായി അറിയാവുന്ന കവാനിയുടെ അഭാവം പരിഹരിക്കാന്‍ പകരക്കാരനായി ടീമിലെത്തിയ താരത്തിനും കഴിഞ്ഞില്ല. അങ്ങിനെ ക്വാര്‍ട്ടര്‍ വരെയെത്തിയ ഉറൂഗ്വെയും കണ്ണീരോടെ മടങ്ങി.

 

LIVE NEWS - ONLINE

  • 1
    5 hours ago

    ജെ.പി. നഡ്ഡ ബി.ജെ.പി. ദേശീയ വര്‍ക്കിങ് പ്രസിഡന്റ്; അമിത് ഷാ അധ്യക്ഷനായി തുടരും

  • 2
    7 hours ago

    സൈനിക വാഹനം സ്ഫോടനത്തില്‍ തകര്‍ന്നു

  • 3
    8 hours ago

    മമതയുമായി ഡോക്ടര്‍മാരുടെ സംഘടനകള്‍ നടത്തിയ ചര്‍ച്ച വിജയം: ഡോക്ടര്‍മാരുടെ സമരം പിന്‍വലിച്ചു

  • 4
    11 hours ago

    തലശ്ശരേിയിലെ ബി.ജെ.പി നേതാവ് എം.പി.സുമേഷ് വധശ്രമക്കേസില്‍ ആറ് സി.പി.എം പ്രവര്‍ത്തകര്‍ കുറ്റക്കാര്‍

  • 5
    12 hours ago

    പശ്ചിമ ബംഗാളിലെ സമരം ചെയ്യുന്ന ഡോക്ടര്‍മാരുമായി മമത ഇന്ന് ചര്‍ച്ച നടത്തും

  • 6
    14 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 7
    15 hours ago

    സര്‍ക്കാറിന് തിരിച്ചടി; ഖാദര്‍ കമ്മറ്റി റിപ്പോര്‍ട്ട് ഹൈക്കോടതി സ്‌റ്റേ ചെയ്തു

  • 8
    15 hours ago

    ഡോക്ടര്‍മാരുടെ പണിമുടക്ക് പൂര്‍ണം; രോഗികള്‍ വലഞ്ഞു

  • 9
    16 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി