തിരു: സ്‌കൂള്‍ തുറന്ന് രണ്ടുമാസം കഴിഞ്ഞു, ഓണപ്പരീക്ഷയടുത്തു പാഠപുസ്തകവിതരണം ഇന്നും പൂര്‍ത്തിയായിട്ടില്ല. പുസ്തകങ്ങള്‍ ലഭിക്കാത്തതിനാല്‍ സ്‌കൂള്‍ അധികൃതര്‍ എ ഇ ഒമാര്‍ മുഖേന ഡിഡി ഓഫീസുകളെ ശരണംപ്രാപിച്ചിട്ടും ഗുണമൊന്നുമുണ്ടായില്ല. ഇപ്പോള്‍ പാഠപുസ്തക വിതരണച്ചുമതല വിദ്യാഭ്യാസ വകുപ്പിനല്ലെന്നും. കെ ബി പി എസില്‍നിന്ന് പുസ്തകങ്ങള്‍ സ്‌കൂള്‍ സൊസൈറ്റികളില്‍ എത്തിച്ചാണ് സര്‍ക്കാര്‍ എയ്ഡഡ് സ്‌കൂളുകളില്‍ വിതരണം ചെയ്യുന്നതെന്നും സ്വകാര്യ കൊറിയര്‍ സര്‍വീസ് വഴിയാണ് പുസ്തകങ്ങള്‍ സ്‌കൂളുകളിലെത്തിക്കുതെന്നുമാണ് അന്വേഷിച്ചപ്പോള്‍ അറിയുവാന്‍ കഴിഞ്ഞത്. കഴിഞ്ഞ വര്‍ഷം തപാല്‍ വകുപ്പിനായിരുന്നു വിതരണച്ചുമതല. അന്ന് വിതരണം … Continue reading "ഓണപ്പരീക്ഷ അടുത്തു; കുട്ടികള്‍ പാഠപുസ്തകങ്ങളും കാത്ത്"
Wednesday, November 21st, 2018
flash news
Wed 21
ഓണപ്പരീക്ഷ അടുത്തു; കുട്ടികള്‍ പാഠപുസ്തകങ്ങളും കാത്ത്
Published On:Jul 31, 2013 | 11:31 am
തിരു: സ്‌കൂള്‍ തുറന്ന് രണ്ടുമാസം കഴിഞ്ഞു, ഓണപ്പരീക്ഷയടുത്തു പാഠപുസ്തകവിതരണം ഇന്നും പൂര്‍ത്തിയായിട്ടില്ല. പുസ്തകങ്ങള്‍ ലഭിക്കാത്തതിനാല്‍ സ്‌കൂള്‍ അധികൃതര്‍ എ ഇ ഒമാര്‍ മുഖേന ഡിഡി ഓഫീസുകളെ ശരണംപ്രാപിച്ചിട്ടും ഗുണമൊന്നുമുണ്ടായില്ല.
ഇപ്പോള്‍ പാഠപുസ്തക വിതരണച്ചുമതല വിദ്യാഭ്യാസ വകുപ്പിനല്ലെന്നും. കെ ബി പി എസില്‍നിന്ന് പുസ്തകങ്ങള്‍ സ്‌കൂള്‍ സൊസൈറ്റികളില്‍ എത്തിച്ചാണ് സര്‍ക്കാര്‍ എയ്ഡഡ് സ്‌കൂളുകളില്‍ വിതരണം ചെയ്യുന്നതെന്നും സ്വകാര്യ കൊറിയര്‍ സര്‍വീസ് വഴിയാണ് പുസ്തകങ്ങള്‍ സ്‌കൂളുകളിലെത്തിക്കുതെന്നുമാണ് അന്വേഷിച്ചപ്പോള്‍ അറിയുവാന്‍ കഴിഞ്ഞത്. കഴിഞ്ഞ വര്‍ഷം തപാല്‍ വകുപ്പിനായിരുന്നു വിതരണച്ചുമതല. അന്ന് വിതരണം കുറേക്കൂടി കാര്യക്ഷമമായി നടന്നിരുന്നു.
സംസ്ഥാനത്തെ ഒരു ജില്ലയില്‍പ്പോലും പാഠപുസ്തകവിതരണം ഈ വര്‍ഷം ഇതുവരെ പൂര്‍ത്തിയായിട്ടില്ല. ഒന്ന് മുതല്‍ എട്ട് വരെ ക്ലാസ്സുകളിലെ പാഠപുസ്തകങ്ങള്‍ സൗജന്യമായാണ് വിതരണംചെയ്യുന്നത്. സപ്തംബര്‍ നാലിന് ഓണപ്പരീക്ഷ ആരംഭിക്കാനിരിക്കെ ഇനിയും പുസ്തകങ്ങള്‍ കിട്ടാത്തത് വിദ്യാര്‍ഥികളിലും അധ്യാപകരിലും ആശങ്ക വര്‍ധിപ്പിക്കുന്നു. പലരും പഴയ പുസ്തകങ്ങളെ ആശ്രയിച്ചാണ് പഠിക്കുന്നത്.
കെബിപിഎസ് വെബ്‌സൈറ്റിലും മാര്‍ഗനിര്‍ദേശങ്ങള്‍ നല്‍കിയിരുന്നു. ഒന്നാംഘട്ടവിതരണം ഓണ്‍ലൈന്‍ രജിസ്‌ട്രേഷന്‍ മുഖേനയായിരുന്നു. ഇന്റന്റ് ലഭിച്ച പ്രകാരം പുസ്തകങ്ങള്‍ നല്‍കിയിട്ടുണ്ട്. എന്നാല്‍, ഈ ഘട്ടത്തില്‍ പുസ്തകങ്ങള്‍ സ്‌കൂളുകളിലെത്തിച്ചുനല്‍കേണ്ട ചുമതല കെബിപിഎസിന് ഇല്ല. അതത് ജില്ലയിലെ ഡിപ്പോയിലെത്തി ഹെഡ്മാസ്റ്റര്‍മാര്‍ വാങ്ങുകയാണ് ചെയ്യേണ്ടത്. ഡി പി ഐയെയും വിദ്യാഭ്യാസമന്ത്രിയുടെ സെക്രട്ടറിയെയും വിവരം അറിയിച്ചിട്ടുണ്ട്.
