Saturday, September 22nd, 2018

ഗൗരി ലങ്കേഷ് വധം; അറസ്റ്റിലായ പ്രതിക്ക് ശ്രീരാമസേനയുമായി ബന്ധം

കര്‍ണാടകയിലെ വിജയാപുരം സ്വദേശിയാണ് അറസ്റ്റിലായ പ്രതി.

Published On:Jun 14, 2018 | 9:46 am

ബംഗളൂരു: കൊല്ലപ്പെട്ട പ്രമുഖ മാധ്യമപ്രവര്‍ത്തക ഗൗരി ലങ്കേഷിനു നേരെ വെടിയുതിര്‍ക്കുകയും കഴിഞ്ഞ ദിവസം കര്‍ണാടക പോലീസ് അറസ്റ്റു ചെയ്യുകയും ചെയ്ത പരശുറാം വാഗ്‌മോറെയെക്ക് ശ്രീരാമസേന അടക്കമുള്ള ഹിന്ദു സംഘടനകളുമായി ബന്ധം. ശ്രീരാമസേനയുടെ തലവന്‍ പ്രമോദ് മുത്തലിക്കും വാഗ്‌മോറെയും ഒരുമിച്ച് നില്‍ക്കുന്ന ചിത്രം പുറത്ത് വന്നതോടെയാണ് ഇക്കാര്യം വ്യക്തമായത്. വര്‍ഷങ്ങള്‍ക്ക് മുമ്പെടുത്ത ചിത്രം ഇപ്പോള്‍ സോഷ്യല്‍ മീഡിയയില്‍ തരംഗമായിരിക്കുകയാണ്.
അതേസമയം, തനിക്ക് വാഗ്‌മോറെയുമായി ബന്ധമുണ്ടെന്ന ആരോപണങ്ങള്‍ പ്രമോദ് മുത്തലിക്ക് തള്ളി. ഹിന്ദു മതവും സംസ്‌കാരം സംരക്ഷിക്കാന്‍ പ്രവര്‍ത്തിക്കുന്ന ആളായ തനിക്കൊപ്പം പലരും ഫോട്ടോ എടുക്കാറുണ്ടെന്നും അവരെയൊന്നും താന്‍ അറിയണമെന്നില്ലെന്നും മുത്തലിക്ക് പറഞ്ഞു. വാഗ്‌മോറെയും അത്തരത്തില്‍ ഒരാള്‍ മാത്രമാണ്. തന്നോടൊപ്പം നിന്ന് ഫോട്ടോ എടുത്തത് കൊണ്ടുമാത്രം അയാളെ താന്‍ അറിയണമെന്നില്ലെന്നും മുത്തലിക് വിശദീകരിച്ചു.
ഇതേസമയം, 2012ല്‍ സിന്ദഗിയിലെ തഹസില്‍ദാര്‍ ഓഫീസിന് മുന്നില്‍ പാക്കിസ്ഥാന്‍ പതാക ഉയര്‍ത്തിയ കേസില്‍ വാഗ്‌മോറിനെ അറസ്റ്റ് ചെയ്തിരുന്നു. ശ്രീരാമസേന പ്രവര്‍ത്തകന്‍ എന്നായിരുന്നു ഇയാള്‍ അന്ന് അവകാശപ്പെട്ടത്.
മറാത്തി സംസാരിക്കുന്ന വാഗ്‌മോറിനെ മഹാരാഷ്ട്രയില്‍ നിന്നാണ് പ്രത്യേക അന്വേഷണ സംഘം പിടികൂടിയത്. കര്‍ണാടകയിലെ വിജയാപുരം സ്വദേശിയാണിയാള്‍.

 

LIVE NEWS - ONLINE

  • 1
    52 mins ago

    ബിഷപ് ഫ്രാങ്കോ മുളക്കലിനെ ഇന്ന് കോടതിയില്‍ ഹാജരാക്കും

  • 2
    1 hour ago

    യുവതി വാഹനാപകടത്തില്‍ മരിച്ചു

  • 3
    1 hour ago

    കന്യാസ്ത്രീകള്‍ സമരം ചെയ്തില്ലെങ്കിലും സര്‍ക്കാര്‍ നടപടി സ്വീകരിക്കും: എം.എ.ബേബി

  • 4
    1 hour ago

    കോടിയേരിക്ക് മാനസികം: പിഎസ് ശ്രീധരന്‍ പിള്ള

  • 5
    1 hour ago

    കണ്ണൂര്‍ വിമാനത്താവളം സിഐഎസ്എഫ് സുരക്ഷ ഏറ്റെടുക്കും

  • 6
    1 hour ago

    ലഹരി വിപത്തുകള്‍ക്കെതിരെ മുന്നറിയിപ്പുമായി ‘ഫോളോയിംഗ്’

  • 7
    2 hours ago

    ബിഷപ്പിന്റെ അറസ്റ്റ്; ക്രൈസ്തവ സഭയെ ഒന്നടങ്കം അവഹേളിക്കരുത്: മുല്ലപ്പള്ളി

  • 8
    2 hours ago

    മരക്കാറില്‍ കീര്‍ത്തി സുരേഷ് നായികയായേക്കും

  • 9
    2 hours ago

    സൗദി ദേശീയ ദിനം; വന്‍ ഓഫറുമായി കമ്പനികള്‍