Thursday, April 25th, 2019

മലദ്വാരത്തില്‍ ഒളിപ്പിച്ച് സ്വര്‍ണം കടത്താന്‍ യുവാക്കള്‍ക്ക് പ്രത്യേക പരിശീലനം

        സ്വര്‍ണക്കത്തുമായി ബന്ധപ്പെട്ട് വിമാനത്താവളങ്ങളിലെ പരിശോധനയില്‍നിന്നു രക്ഷപ്പെടാന്‍ യുവാക്കള്‍ക്ക് പ്രത്യേക പരിശീലനം നല്‍കുന്ന സംഘം പ്രവര്‍ത്തിക്കുന്നതായി സൂചന. മലദ്വാരത്തില്‍ സ്വര്‍ണം കടത്താനാണ് പ്രത്യേക പരിശീലനം നല്‍കുന്നത്. കാസര്‍കോട് അടക്കമുള്ള മലബാര്‍ മേഖലയില്‍ ഇത്തരം പരിശീലനം നല്‍കുന്ന സംഘങ്ങള്‍ പ്രവര്‍ത്തിക്കുന്നുണ്ട്. തമിഴ്‌നാട്ടിലെ ശിവഗംഗയിലും തിരുനല്‍വേലിയുംവച്ച് പരിശീലനം നേടിയവര്‍ കേരളത്തിലെ വിമാനത്താവളങ്ങള്‍ വഴി സ്വര്‍ണം കടത്തിയതായി കസ്റ്റംസ്, ഡി.ആര്‍.ഐ. വിഭാഗങ്ങള്‍ക്കു വിവരം ലഭിച്ചു. തമിഴ്‌നാട്ടിലെ ശ്രീലങ്കന്‍ വംശജരാണു മലയാളികള്‍ അടക്കമുള്ളവര്‍ക്കു പരിശീലനം നല്‍കുന്നത്. രണ്ടാഴ്ചയാണ് പരിശീലനം. … Continue reading "മലദ്വാരത്തില്‍ ഒളിപ്പിച്ച് സ്വര്‍ണം കടത്താന്‍ യുവാക്കള്‍ക്ക് പ്രത്യേക പരിശീലനം"

Published On:Jun 20, 2014 | 11:37 am

Gold Smuggling Full 9129189

 

 

 

 
സ്വര്‍ണക്കത്തുമായി ബന്ധപ്പെട്ട് വിമാനത്താവളങ്ങളിലെ പരിശോധനയില്‍നിന്നു രക്ഷപ്പെടാന്‍ യുവാക്കള്‍ക്ക് പ്രത്യേക പരിശീലനം നല്‍കുന്ന സംഘം പ്രവര്‍ത്തിക്കുന്നതായി സൂചന. മലദ്വാരത്തില്‍ സ്വര്‍ണം കടത്താനാണ് പ്രത്യേക പരിശീലനം നല്‍കുന്നത്. കാസര്‍കോട് അടക്കമുള്ള മലബാര്‍ മേഖലയില്‍ ഇത്തരം പരിശീലനം നല്‍കുന്ന സംഘങ്ങള്‍ പ്രവര്‍ത്തിക്കുന്നുണ്ട്.
തമിഴ്‌നാട്ടിലെ ശിവഗംഗയിലും തിരുനല്‍വേലിയുംവച്ച് പരിശീലനം നേടിയവര്‍ കേരളത്തിലെ വിമാനത്താവളങ്ങള്‍ വഴി സ്വര്‍ണം കടത്തിയതായി കസ്റ്റംസ്, ഡി.ആര്‍.ഐ. വിഭാഗങ്ങള്‍ക്കു വിവരം ലഭിച്ചു. തമിഴ്‌നാട്ടിലെ ശ്രീലങ്കന്‍ വംശജരാണു മലയാളികള്‍ അടക്കമുള്ളവര്‍ക്കു പരിശീലനം നല്‍കുന്നത്.
രണ്ടാഴ്ചയാണ് പരിശീലനം. ഒറ്റയടിക്കു ഇത്തരത്തില്‍ സ്വര്‍ണം കടത്താന്‍ സാധിക്കില്ലെന്നതിനാല്‍ വേദന സംഹാരിയടക്കമുള്ള മരുന്നുകള്‍ പ്രയോഗിച്ചാണു പരിശീലനം. ദുര്‍ഗന്ധം ഉണ്ടാകാതിരിക്കാന്‍ മരുന്നുണ്ട്.
പരിശീലനത്തിനു പുറമെ പഠന ക്ലാസുമുണ്ട്. സ്വര്‍ണം ഒളിപ്പിച്ചശേഷം ദ്രാവക ഭക്ഷണം കഴിക്കാന്‍ പാടില്ലെന്നതാണു മുഖ്യപാഠം. പരിശീലനം ലഭിച്ചവരെ സ്ഥിരം കാരിയര്‍മാരായി ഉപയോഗിക്കാനാണു കള്ളക്കടത്തു സംഘത്തിന്റെ ലക്ഷ്യം. വന്‍ തുക പ്രതിഫലമായി ഓഫര്‍ ചെയ്യുന്നതിനൊപ്പം പരിശീലനവും സൗജന്യമാണ്.
എല്ലാപ്രാവശ്യവും ഒരേ വിമാനത്താവളത്തിലൂടെ മാത്രംവരാതെ കേരളത്തിലെയും അന്യസംസ്ഥാനങ്ങളിലേയും വിമാനത്താവളങ്ങളിലൂടെയും മാറി മാറി സ്വര്‍ണം കടത്തുകയാണു സംഘം ചെയ്യുന്നത്. ഒളിപ്പിച്ച സ്വര്‍ണം ശരീരത്തിനുള്ളിലായതിനാല്‍ സാധാരണ മെറ്റല്‍ ഡിറ്റക്ടറിലൂടെയുള്ള പരിശോധനയില്‍ ഇവ കണ്ടെത്താനാകില്ലെന്നതാണ് ഇത്തരം നീക്കത്തിന് സംഘത്തെ പ്രേരിപ്പിക്കുന്നത്.

LIVE NEWS - ONLINE

  • 1
    1 hour ago

    മലമ്പനി തടയാന്‍ മുന്‍കരുതല്‍ നടപടി

  • 2
    1 hour ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 3
    3 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 4
    3 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 5
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 6
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 7
    4 hours ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര

  • 8
    5 hours ago

    ദുല്‍ഖര്‍ സല്‍മാന്‍ നിര്‍മാണരംഗത്തേക്ക്

  • 9
    5 hours ago

    അറ്റകുറ്റപ്പണിക്കിടെ വിമാനത്തിന് തീ പിടിച്ചു