Monday, June 24th, 2019

വയനാട്ടില്‍ കര്‍ഷകര്‍ ഇഞ്ചിക്കൃഷി ഉപേക്ഷിക്കുന്നു

  കല്‍പറ്റ: ഇഞ്ചികൃഷിയുടെ കലവറയായ വയനാട്ടില്‍ കൃഷി നശിക്കുന്നതായി കണക്കുകള്‍ സൂചിപ്പിക്കുന്നു. സ്ഥലലഭ്യതക്കുറവും തൊഴിലാളിക്ഷാമവും അമിത കൂലിച്ചെലവുമാണ് ജില്ലയില്‍ ഇഞ്ചിക്കൃഷി കുറയാന്‍ കാരണം. 2007നു ശേഷം ജില്ലയില്‍ കൃഷി പത്തിലൊന്നായി കുറഞ്ഞെന്നാണു കണക്ക്. സീസണില്‍ 10 ലോഡോളം ഇഞ്ചി കയറ്റിപ്പോയിരുന്ന സ്ഥാനത്ത് ഇപ്പോള്‍ ഒരു ലോഡ് പോലും പോകുന്നില്ലെന്നു വ്യാപാരികള്‍ പറയുന്നു. ഇടത്തരം കര്‍ഷകര്‍ നേരത്തേ തന്നെ പ്രതികൂല അവസ്ഥയില്‍ കൃഷി നിര്‍ത്തിയിരുന്നു. പലരും കൂട്ടായി കര്‍ണാടകയിലെ ചാമരാജ് നഗര്‍, ഹാസന്‍, ഷിമോഗ, കുടക് എന്നിവിടങ്ങളിലേക്കു കൃഷി … Continue reading "വയനാട്ടില്‍ കര്‍ഷകര്‍ ഇഞ്ചിക്കൃഷി ഉപേക്ഷിക്കുന്നു"

Published On:Sep 30, 2013 | 5:02 pm

 

കല്‍പറ്റ: ഇഞ്ചികൃഷിയുടെ കലവറയായ വയനാട്ടില്‍ കൃഷി നശിക്കുന്നതായി കണക്കുകള്‍ സൂചിപ്പിക്കുന്നു. സ്ഥലലഭ്യതക്കുറവും തൊഴിലാളിക്ഷാമവും അമിത കൂലിച്ചെലവുമാണ് ജില്ലയില്‍ ഇഞ്ചിക്കൃഷി കുറയാന്‍ കാരണം. 2007നു ശേഷം ജില്ലയില്‍ കൃഷി പത്തിലൊന്നായി കുറഞ്ഞെന്നാണു കണക്ക്. സീസണില്‍ 10 ലോഡോളം ഇഞ്ചി കയറ്റിപ്പോയിരുന്ന സ്ഥാനത്ത് ഇപ്പോള്‍ ഒരു ലോഡ് പോലും പോകുന്നില്ലെന്നു വ്യാപാരികള്‍ പറയുന്നു. ഇടത്തരം കര്‍ഷകര്‍ നേരത്തേ തന്നെ പ്രതികൂല അവസ്ഥയില്‍ കൃഷി നിര്‍ത്തിയിരുന്നു. പലരും കൂട്ടായി കര്‍ണാടകയിലെ ചാമരാജ് നഗര്‍, ഹാസന്‍, ഷിമോഗ, കുടക് എന്നിവിടങ്ങളിലേക്കു കൃഷി വ്യാപിപ്പിക്കുകയായിരുന്നു.
രണ്ടു വര്‍ഷം മുന്‍പ് ഇഞ്ചിക്കു വന്‍ വിലത്തകര്‍ച്ച നേരിട്ടതോടെ ഒട്ടേറെ കര്‍ഷകര്‍ കൃഷി തന്നെ ഉപേക്ഷിച്ചു. ലക്ഷങ്ങള്‍ മുടക്കി കൃഷിയിറക്കിയവര്‍ക്കു ചാക്കിന് 1000 രൂപയെങ്കിലും ലഭിക്കേണ്ട സ്ഥാനത്ത് 400 രൂപയാണ് ലഭിച്ചിരുന്നത്. അന്നു പലരും കിട്ടിയ വിലയ്ക്ക് ഇഞ്ചി പറിച്ചൊഴിവാക്കിയും കൃഷി ഉപേക്ഷിച്ചും പാട്ടത്തിനുള്ള പണം കൊടുത്തും തിരികെപ്പോരുകയായിരുന്നു.
എന്നാല്‍ കഴിഞ്ഞ വര്‍ഷം ഈ സമയത്ത് ഇഞ്ചിക്ക് 60 കിലോ ചാക്കിന് 1800 രൂപ ലഭിച്ചിരുന്നു. ഈ വര്‍ഷം മാര്‍ച്ചില്‍ ചാക്കിന് 2600 രൂപയെത്തി. മേയില്‍ ചരിത്രത്തിലാദ്യമായി ജില്ലയില്‍ ഇഞ്ചി ചാക്കിന് 5000 രൂപയെത്തി. ഇതിനു മുന്‍പ് 2009ല്‍ ലഭിച്ച 3000 രൂപയായിരുന്നു ഉയര്‍ന്ന വില. ഏതാനും വര്‍ഷമായി ഇഞ്ചിക്കൃഷിയില്‍ മുന്‍പന്തിയിലുള്ള കര്‍ണാടകയില്‍ കൃഷി കുറഞ്ഞതായിരുന്നു വില ഉയരാന്‍ കാരണമായത്. ഇപ്പോള്‍ ജില്ലയില്‍ ഒരു ചാക്ക് ഇഞ്ചിക്ക് 2700 രൂപയാണു വില.

LIVE NEWS - ONLINE

  • 1
    2 hours ago

    കേസ് ഒത്തുതീര്‍പ്പാക്കാന്‍ ശ്രമിച്ചിട്ടില്ലെന്ന് കോടിയേരി ബാലകൃഷ്ണന്‍

  • 2
    3 hours ago

    ചര്‍ച്ച പരാജയം: അന്തര്‍ സംസ്ഥാന ബസുകളുടെ സമരം തുടരും

  • 3
    5 hours ago

    ദമ്പതികള്‍ കഴുത്തറുത്ത് കൊല്ലപ്പെട്ട നിലയില്‍ കണ്ടെത്തി

  • 4
    7 hours ago

    കാസര്‍കോട്ട് പശുക്കടത്ത് ആരോപിച്ച് മര്‍ദനം

  • 5
    8 hours ago

    അബ്ഹ വിമാനത്താവള ആക്രമണത്തില്‍ മലയാളിക്ക് പരിക്ക്

  • 6
    9 hours ago

    സി.ഒ.ടി. നസീര്‍ വധശ്രമക്കേസ്: രണ്ടുപ്രതികള്‍ കീഴടങ്ങി

  • 7
    10 hours ago

    അബ്ദുള്ളക്കുട്ടി മോദിയുമായി കൂടിക്കാഴ്ച നടത്തി

  • 8
    10 hours ago

    മഞ്ചേശ്വരം തെരഞ്ഞെടുപ്പ്; എതിര്‍പ്പുണ്ടെങ്കില്‍ അറിയിക്കണം: ഹൈക്കോടതി

  • 9
    11 hours ago

    കോടിയേരി സ്ഥാനം ഒഴിയണമെന്ന് ചെന്നിത്തല