Wednesday, January 23rd, 2019

സ്വത്തു തട്ടിയെടുത്ത കേസില്‍ അഭിഭാഷക കീഴടങ്ങി

മുന്‍കൂര്‍ ജാമ്യാപേക്ഷ ഹൈക്കോടതി തള്ളിയതിനെ തുടര്‍ന്നാണ് ഇരുവരും തളിപ്പറമ്പ് ഡിവൈ എസ് പി മുമ്പാകെ കീഴടങ്ങിയത്.

Published On:Aug 18, 2017 | 10:18 am

കണ്ണൂര്‍: സഹകരണ ഡപ്യൂട്ടി രജിസ്ട്രാറും തളിപ്പറമ്പ് സ്വദേശിയുമായിരുന്ന ബാലകൃഷ്ണന്റെ കോടികള്‍ വിലവരുന്ന സ്വത്തു തട്ടിയെടുത്തെന്ന കേസില്‍ മുഖ്യപ്രതികളായ പയ്യന്നൂരിലെ അഭിഭാഷക കെ വി ശൈലജയും ഭര്‍ത്താവ് പി കൃഷ്ണകുമാറും കീഴടങ്ങി. തളിപ്പറമ്പ് ഡിവൈ എസ് പി മുമ്പാകെയാണ് ഇരുവരും കീഴടങ്ങിയത്. ഇവരുടെ മുന്‍കൂര്‍ ജാമ്യാപേക്ഷ കഴിഞ്ഞ ദിവസം ഹൈക്കോടതി തള്ളിയിരുന്നു. ഒളിവിലായിരുന്ന ഇവര്‍ക്കായി പോലീസ് വ്യാപകമായി തെരച്ചില്‍ നടത്തിവരികയായിരുന്നു. കേസിലെ മറ്റൊരു പ്രതിയും ശൈലജയുടെ സഹോദരിയുമായ ജാനകിയെ നേരത്തെ പോലീസ് അറസ്റ്റു ചെയ്തിരുന്നു.
ബാലകൃഷ്ണന്റെ കേദേശം അഞ്ഞൂറു കോടിയോളം രൂപ മതിപ്പു വിലവരുന്ന സ്വത്തുക്കളെ കുറിച്ച് മനസ്സിലാക്കിയ ശൈലജ സഹോദരി ജാനകി ബാലകൃഷ്ണനെ വിവാഹം കഴിച്ചിരുന്നെന്ന വ്യാജരേഖകളുണ്ടാക്കി സ്വത്ത് തട്ടിയെടുത്തെന്നാണ് കേസ്. 2011ല്‍ അസുഖബാധിതനായി തിരുവനന്തപുരത്ത് ആശുപത്രിയില്‍ പ്രവേശിപ്പിക്കപ്പെട്ട ബാലകൃഷ്ണനെ ശൈലജയും ഭര്‍ത്താവും ചേര്‍ന്ന് ചികിത്സക്കെന്ന് പറഞ്ഞ് കോഴിക്കോട്ടേക്ക് കൊണ്ടുവരുന്നതിനിടെ മരണമടയുകയായിരുന്നു. കൊടുങ്ങല്ലൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ആശുപത്രിയില്‍ എത്തുന്നതിനു മുമ്പെ മരണപ്പെട്ടെന്ന് ആശുപത്രി അധികൃതര്‍ അറിയിക്കുകയായിരുന്നു. ബന്ധുക്കളെന്ന് വിശ്വസിപ്പിച്ച് മൃതദേഹം ആശുപത്രിയില്‍ നിന്ന് ഏറ്റുവാങ്ങിയ ഇരുവരും ഷൊര്‍ണൂരിലെ ശാന്തിതീരത്ത് സംസ്‌കരിച്ചു. പിന്നീട് നാട്ടിലെത്തിയ ശേഷം ജാനകി 1980ല്‍ തന്നെ ബാലകൃ്ഷണനെ വിവാഹം കഴിച്ചെന്ന വ്യാജരേഖയുണ്ടാക്കി. വിവാഹ ക്ഷണക്കത്തും ഫോട്ടോയും വ്യാജമായി സൃഷ്ടിച്ചിരുന്നു. തുടര്‍ന്ന് തിരുവനന്തുപരത്തുണ്ടായിരുന്ന ബാലകൃഷ്ണന്റെ സ്വത്തുക്കള്‍ സഹോദരി ജാനകിയുടെ പേരിലേക്കും പിന്നീട് അഭിഭാഷകയുടെ പേരിലേക്കും മാറ്റിയെന്നും പോലീസ് കണ്ടെത്തി. നാട്ടുകാര്‍ രൂപീകരിച്ച കര്‍മസമിതിയാണ് പരാതിയുമായി പോലീസിനെ സമീപിച്ചത്. താന്‍ ആരെയും വിവാഹം കഴിച്ചിട്ടില്ലെന്ന് ജാനകി പോലീസിന് മൊഴി നല്‍കുകയും ചെയ്തിരുന്നു.

LIVE NEWS - ONLINE

  • 1
    48 mins ago

    ചിലര്‍ക്ക് കുടുംബമാണ് പാര്‍ട്ടി, ബി.ജെ.പിക്ക് പാര്‍ട്ടിയാണ് കുടുംബം; മോദി

  • 2
    3 hours ago

    മികച്ച സ്ഥാനാര്‍ത്ഥികളെ തേടി നെട്ടോട്ടം; പന്ന്യനും കാനവും മത്സരരംഗത്തില്ല

  • 3
    5 hours ago

    സ്ഥാനാര്‍ത്ഥി നിര്‍ണയം: രാഹുലിന്റെ ഇടപെടല്‍ ശക്തമാകുന്നു

  • 4
    5 hours ago

    പരിശീലനവും ബോധവല്‍കരണവും വേണം

  • 5
    6 hours ago

    പ്രിയങ്ക ഗാന്ധി എ.ഐ.സി.സി ജനറല്‍ സെക്രട്ടറി

  • 6
    7 hours ago

    മുഖ്യമന്ത്രീ…സുരക്ഷക്കും ഒരു മര്യാദയുണ്ട്: ചെന്നിത്തല

  • 7
    8 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍

  • 8
    8 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍

  • 9
    9 hours ago

    നരോദ പാട്യ കലാപം: നാലു പ്രതികള്‍ക്ക് ജാമ്യം