Friday, September 21st, 2018

കാട്ടുതീ ; വയനാട്ടില്‍ സഞ്ചാരികള്‍ക്ക് നിരോധനം ഏര്‍പ്പെടുത്തിയേക്കും

      സുല്‍ത്താന്‍ബത്തേരി: വയനാട്ടില്‍ കാട്ടുതീ പ്രതിരോധ പ്രവര്‍ത്തനം ഊര്‍ജിതം. മഴയില്ലാത്തതിനാല്‍ പതിവിന് വിപരീതമായി കാട് ഇപ്പോള്‍തന്നെ ഉണങ്ങിത്തുടങ്ങിയിട്ടുണ്ട്. സൗത്ത് വയനാട് ഡിവിഷനില്‍ ഒന്നുരണ്ടിടങ്ങളില്‍ ഉണ്ടായ ചെറിയ തീപ്പിടിത്തമൊഴിച്ച് കാര്യമായ സംഭവങ്ങളൊന്നും ഇതുവരെ റിപ്പോര്‍ട്ട് ചെയ്തിട്ടില്ല. കുറിച്യാര്‍മലയിലും പുല്‍പ്പള്ളിയിലുമായിരുന്നു തീപ്പിടിത്തങ്ങള്‍. ഉടന്‍തന്നെ തീ കെടുത്തിയതിനാല്‍ വലിയ നാശനഷ്ടങ്ങളുണ്ടായില്ല. വനാതിര്‍ത്തിക്കുള്ളില്‍ അതിക്രമിച്ചുകയറി തീയിടുന്നത് തന്നെയാണ് 99 ശതമാനം കാട്ടുതീക്കും കാരണം, സഞ്ചാരികള്‍ അലക്ഷ്യമായി ഇടുന്ന സിഗററ്റ് കുറ്റികളും തീപ്പെട്ടിക്കൊള്ളികളും ചിലപ്പോഴൊക്കെ കാട്ടുതീക്ക് കാരണമാകാറുണ്ട്. ഈ സാഹചര്യത്തില്‍ വനത്തില്‍ … Continue reading "കാട്ടുതീ ; വയനാട്ടില്‍ സഞ്ചാരികള്‍ക്ക് നിരോധനം ഏര്‍പ്പെടുത്തിയേക്കും"

Published On:Feb 21, 2014 | 1:21 pm

Fire - Forest Full

 

 

 
സുല്‍ത്താന്‍ബത്തേരി: വയനാട്ടില്‍ കാട്ടുതീ പ്രതിരോധ പ്രവര്‍ത്തനം ഊര്‍ജിതം. മഴയില്ലാത്തതിനാല്‍ പതിവിന് വിപരീതമായി കാട് ഇപ്പോള്‍തന്നെ ഉണങ്ങിത്തുടങ്ങിയിട്ടുണ്ട്. സൗത്ത് വയനാട് ഡിവിഷനില്‍ ഒന്നുരണ്ടിടങ്ങളില്‍ ഉണ്ടായ ചെറിയ തീപ്പിടിത്തമൊഴിച്ച് കാര്യമായ സംഭവങ്ങളൊന്നും ഇതുവരെ റിപ്പോര്‍ട്ട് ചെയ്തിട്ടില്ല. കുറിച്യാര്‍മലയിലും പുല്‍പ്പള്ളിയിലുമായിരുന്നു തീപ്പിടിത്തങ്ങള്‍. ഉടന്‍തന്നെ തീ കെടുത്തിയതിനാല്‍ വലിയ നാശനഷ്ടങ്ങളുണ്ടായില്ല.
വനാതിര്‍ത്തിക്കുള്ളില്‍ അതിക്രമിച്ചുകയറി തീയിടുന്നത് തന്നെയാണ് 99 ശതമാനം കാട്ടുതീക്കും കാരണം, സഞ്ചാരികള്‍ അലക്ഷ്യമായി ഇടുന്ന സിഗററ്റ് കുറ്റികളും തീപ്പെട്ടിക്കൊള്ളികളും ചിലപ്പോഴൊക്കെ കാട്ടുതീക്ക് കാരണമാകാറുണ്ട്. ഈ സാഹചര്യത്തില്‍ വനത്തില്‍ അനുവാദംകൂടാതെ പ്രവേശിക്കുന്നവരെ പിടികൂടാന്‍ കര്‍ശന നിരീക്ഷണമാണ് ഏര്‍പ്പെടുത്തിയിരിക്കുന്നത്. കൂടാതെ വേനല്‍ രൂക്ഷമാകുന്ന മാര്‍ച്ച്, ഏപ്രില്‍ മാസങ്ങളില്‍ മുത്തങ്ങ, തോല്‍പ്പെട്ടി വനമേഖലകളിലേക്ക് പ്രവേശിക്കുന്നതിന് സഞ്ചാരികള്‍ക്ക് വിലക്കും ഏര്‍പ്പെടുത്താന്‍ തീരുമാനമായിട്ടുണ്ട്.
വയനാട് വന്യജീവി സങ്കേതത്തില്‍ 34,500ഉം സൗത്ത് വയനാട് ഡിവിഷനില്‍ 29,800ഉം നോര്‍ത്തില്‍ 22,000 ഹെക്ടറും വനഭൂമിയാണ് ജില്ലയിലുള്ളത്.കാട്ടുതീ പ്രതിരോധിക്കാനായി ഫയര്‍ വാച്ചര്‍ താത്കാലിക തസ്തികയിലേക്ക് മുന്നൂറോളം പേരെയാണ് ഇത്തവണ നിയമിച്ചിരിക്കുന്നത്. വിവിധ ഡിവിഷനുകള്‍ക്ക് കീഴിലുള്ള സെക്ഷനുകളിലേക്കും സ്‌റ്റേഷനുകളിലേക്കുമായി ഇവരെ വിഭജിച്ചു നല്‍കി. ഇതോടൊപ്പം സ്ഥിരം വനവികസന സമിതി അംഗങ്ങളും ഉദ്യോഗസ്ഥരും നിര്‍ദിഷ്ട മേഖലകളില്‍ ചുമതലയിലുണ്ടാവും. രാത്രികാവല്‍ ആവശ്യമുള്ളടിത്ത് ഇവര്‍ക്കായി വനാതിര്‍ത്തികളില്‍ ഏറുമാടങ്ങളും നിര്‍മിച്ചിട്ടുണ്ട്.
വയനാട് വന്യജീവി സങ്കേതത്തില്‍ ഇരുനൂറും സൗത്ത്വയനാട്, നോര്‍ത്ത് വയനാട് ഡിവിഷനുകളില്‍ നൂറും കിലോമീറ്ററിലും ഫയര്‍ലൈനുകള്‍ നിര്‍മിച്ചിട്ടുണ്ട്.വനമേഖലയിലെ പ്രതിരോധ പ്രവര്‍ത്തനങ്ങള്‍ക്കൊപ്പം വനാതിര്‍ത്തി ഗ്രാമങ്ങളില്‍ ബോധവത്കരണ പ്രവര്‍ത്തനങ്ങളും വകുപ്പ് നടത്തുന്നുണ്ട്. പ്രദേശ വാസികളെ സംഘടിപ്പിച്ചുള്ള റാലികള്‍, ക്ലാസുകള്‍ എന്നിവയാണ് മുഖ്യമായും നടത്തുന്നത്. കൂടാതെ അതിര്‍ത്തി പ്രദേശങ്ങളിലെ അതാടികളിലും വീടുകളിലും പോസ്റ്ററുകളും സ്റ്റിക്കറുകളും പതിപ്പിച്ച് ജനങ്ങളില്‍ അവബോധമുണ്ടാക്കാനുള്ള ശ്രമവും നടന്നു വരികയാണ്.

LIVE NEWS - ONLINE

  • 1
    9 mins ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 2
    4 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 3
    4 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 4
    5 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി

  • 5
    5 hours ago

    പെട്രോളിന് ഇന്നും വില കൂടി

  • 6
    5 hours ago

    മലയാളികള്‍ ‘ഗ്ലോബല്‍ സാലറി ചലഞ്ചി’ല്‍ പങ്കെടുക്കണം: മുഖ്യമന്ത്രി

  • 7
    6 hours ago

    ക്യാപ്റ്റന്‍ രാജുവിന്റെ സംസ്‌കാരം വൈകീട്ട്

  • 8
    7 hours ago

    തൊടുപുഴയില്‍ സിപിഎം ഏരിയ കമ്മിറ്റി ഓഫീസിന് നേരെ ആക്രമണം

  • 9
    7 hours ago

    കള്ളനോട്ട്: ദമ്പതികളടക്കം 4 പേര്‍ പിടിയില്‍