Wednesday, January 23rd, 2019

കാലവര്‍ഷം കനത്തു; മലബാറില്‍ ആറിടത്ത് ഉരുള്‍ പൊട്ടല്‍ ഒരു മരണം

വയനാട്ടില്‍ മരണം കടപുഴകി വീണും മണ്ണിടിഞ്ഞും ഗതാഗതം സ്തംഭിച്ചു

Published On:Jun 14, 2018 | 9:39 am

കോഴിക്കോട്‌\വയനാട്: കനത്ത മഴയെ തുടര്‍ന്ന് കോഴിക്കോട് ജില്ലയിലെ അഞ്ചിടത്തും മലപ്പുറം ജില്ലയിലെ എവടണ്ണയിലും ഉരുള്‍പൊട്ടല്‍. താമരശ്ശേരി, കട്ടിപ്പാറ പഞ്ചായത്തിലെ കരിഞ്ചോലയിലുണ്ടായ ഉരുള്‍ പൊട്ടലില്‍ ഒരു മരണം. അബ്ദുല്‍ സലീമിന്റെ മകള്‍ ദില്‍നയാണ് മരിച്ചത്.
കോഴിക്കോട് ജില്ലയിലെ കക്കയം, മങ്കയം, പുല്ലൂരാംപാറ, ഈങ്ങാപ്പാറ, കട്ടിപ്പാറ എന്നിവടങ്ങളിലാണ് ഉരുള്‍പൊട്ടിയത്. മലപ്പുറം എവടണ്ണയില്‍ ഉരുള്‍പൊട്ടലിനെ തുടര്‍ന്ന് വീടുകളും കൃഷിയും ഒഴുകി പോയി. കാരശ്ശേരി തണ്ണിപ്പടിയിലും കക്കയം അങ്ങാടിക്ക് സമീപവും ബാലുശ്ശേരി മങ്കയത്തും ഉരുള്‍പൊട്ടിയിട്ടുണ്ട്. പുഴകള്‍ കരകവിഞ്ഞ് ഒഴുകുകയാണ്. കട്ടിപ്പാറയില്‍ നിരവധി വീടുകള്‍ തകര്‍ന്നു. വീടുകളില്‍ കുടുങ്ങി കിടക്കുന്നവരെ രക്ഷപ്പെടുത്താന്‍ നാട്ടുകാരുടെയും അഗ്‌നിശമന സേനയുടെയും നേതൃത്വത്തില്‍ ശ്രമങ്ങള്‍ തുടരുകയാണ്. ഒഴുക്കില്‍പ്പെട്ട ഒരു കുടുംബത്തെ നാട്ടുകാര്‍ രക്ഷപ്പെടുത്തി. രണ്ടു വീടുകള്‍ പൂര്‍ണമായും മണ്ണിനടിയിലാണെന്നാണ്പ്രാഥമിക വിവരം.
കരിഞ്ചോലയിലെ ഉരുള്‍പൊട്ടലില്‍ ഒഴുക്കില്‍പ്പെട്ട ഒരു കുടുംബത്തെ രക്ഷപ്പെടുത്തി. ഇവര്‍ താമസിച്ചിരുന്ന താല്‍കാലിക ഷെഡും വളര്‍ത്തു മൃഗങ്ങളും ഒലിച്ചു പോയി. ഈങ്ങാപ്പുഴ, നെല്ലാപ്പളി, പുനൂര്‍ എന്നിവിടങ്ങളില്‍ ഗതാഗതം തടസപ്പെട്ടു. പുതുപ്പാടി പാറശ്ശേരി പ്രദേശം വെള്ളത്തിനടിയിലായി. വാഴ അടക്കമുള്ള കൃഷികള്‍ നശിച്ചു. ബാലുശ്ശേരി മങ്കയത്ത് ഉരുള്‍പൊട്ടലില്‍ നിരവധി വീടുകള്‍ തകര്‍ന്നു. ജില്ലാ കലക്ടര്‍ ആവശ്യപ്പെട്ടതിനെ തുടര്‍ന്ന് ദേശീയ ദുരന്തനിവാരണസേന ഇന്ന് കോഴിക്കോട് എത്തും.
വയനാട് ജില്ലയിലെ ലക്കിടിയില്‍ മരം കടപുഴകി വീണ് ഒരാള്‍ക്ക് പരിക്കേറ്റു. ഒമ്പതാം വളവില്‍ മണ്ണിടിഞ്ഞ് വീണും മരം കടപുഴകി വീണും ഗതാഗതം സ്തംഭിച്ചു. താമരശ്ശേരിയിലെ പുഴയുടെ തീരങ്ങളില്‍ താമസിക്കുന്നവരും യാത്രക്കാരും ജാഗ്രത പാലിക്കണമെന്ന് ജില്ലാ അധികൃതര്‍ നിര്‍ദേശം നല്‍കിയിട്ടുണ്ട്.

 

LIVE NEWS - ONLINE

  • 1
    3 hours ago

    ഐ.എസ്സുമായി ബന്ധമുണ്ടെന്ന് സംശയിക്കുന്ന ഒമ്പതുപേര്‍ മഹാരാഷ്ട്രയില്‍ അറസ്റ്റിലായി

  • 2
    6 hours ago

    ചിലര്‍ക്ക് കുടുംബമാണ് പാര്‍ട്ടി, ബി.ജെ.പിക്ക് പാര്‍ട്ടിയാണ് കുടുംബം; മോദി

  • 3
    9 hours ago

    മികച്ച സ്ഥാനാര്‍ത്ഥികളെ തേടി നെട്ടോട്ടം; പന്ന്യനും കാനവും മത്സരരംഗത്തില്ല

  • 4
    10 hours ago

    സ്ഥാനാര്‍ത്ഥി നിര്‍ണയം: രാഹുലിന്റെ ഇടപെടല്‍ ശക്തമാകുന്നു

  • 5
    10 hours ago

    പരിശീലനവും ബോധവല്‍കരണവും വേണം

  • 6
    11 hours ago

    പ്രിയങ്ക ഗാന്ധി എ.ഐ.സി.സി ജനറല്‍ സെക്രട്ടറി

  • 7
    12 hours ago

    മുഖ്യമന്ത്രീ…സുരക്ഷക്കും ഒരു മര്യാദയുണ്ട്: ചെന്നിത്തല

  • 8
    13 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍

  • 9
    13 hours ago

    ഐഎസുമായി ബന്ധം: ഒമ്പത് പേര്‍ അറസ്റ്റില്‍