Wednesday, February 20th, 2019

കുട്ടനാട്ടില്‍ വെള്ളക്കെട്ട് തുടരുന്നു

പത്തനംതിട്ട ജില്ലയിലെ അപ്പര്‍ കുട്ടനാട് മേഖലയിലെ നിരണം, കടപ്ര, പെരിങ്ങര പഞ്ചായത്തുകളിലെ വീടുകള്‍ ഇപ്പോഴും വെള്ളത്തിലാണ്.

Published On:Aug 21, 2018 | 9:44 am

ആലപ്പുഴ: പ്രളയക്കെടുതിയില്‍ നിന്ന് സംസ്ഥാനം കരകയറി വരികയാണെങ്കിലും കുട്ടനാട്ടിലെ വെള്ളക്കെട്ട് രൂക്ഷമായി തുടരുന്നു. ഇവിടെ ഏതാണ്ട് പതിനായിരം പേര്‍ കുടുങ്ങിക്കിടക്കുന്നുണ്ട്. എന്നാല്‍ ആരും തന്നെ അപകടാവസ്ഥയിലല്ല. നാലായിരത്തോളം പേര്‍ എടത്വ കോളജിലെ ദുരിതാശ്വാസ ക്യാമ്പിലാണ്. ഹൗസ്‌ബോട്ടുകളില്‍ അഭയം തേടിയവരുമുണ്ട്. കഴിഞ്ഞ 48 മണിക്കൂറില്‍ കുട്ടനാട്ടില്‍ നിന്നു മാത്രം 1.80.000 പേരെയാണ് ഒഴിപ്പിച്ചത്. കിഴക്കന്‍ വെള്ളത്തിന്റെ വരവ് ശക്തമാകുന്നത് കുട്ടനാടിനെ ആശങ്കയിലാക്കുകയാണ്. ഇന്നലെ ജലനിരപ്പ് ഒരടിയോളം ഉയര്‍ന്നു.
കുട്ടനാട്ടില്‍ 200 ഹൗസ് ബോട്ടുകള്‍, 100 മോട്ടോര്‍ ബോട്ടുകള്‍, 50തോളം സ്പീഡ് ബോട്ടുകള്‍, നാല് ജങ്കാര്‍, ബാര്‍ജ്, ജലഗതാഗത വകുപ്പിന്റെ ബോട്ടുകള്‍ എന്നിവ ഉപയോഗിച്ചാണ് രക്ഷാപ്രവര്‍ത്തനം നടത്തിയത്.
പത്തനംതിട്ട ജില്ലയിലെ അപ്പര്‍ കുട്ടനാട് മേഖലയിലെ നിരണം, കടപ്ര, പെരിങ്ങര പഞ്ചായത്തുകളിലെ വീടുകള്‍ ഇപ്പോഴും വെള്ളത്തിലാണ്. അതേസമയം. കുറച്ച് പേരെ മാത്രമെ ഇനി രക്ഷപ്പെടുത്താനുള്ളൂവെന്ന് അത് ഇന്നത്തോടെ പൂര്‍ത്തിയാകുമെന്നും ജില്ലാ കളക്ടര്‍ പറഞ്ഞു. വൈദ്യുതി,വാര്‍ത്താവിനിമയ ബന്ധങ്ങള്‍ പുന:സ്ഥാപിക്കുന്നതിനാണ് മുന്‍ഗണന.
ഇന്ന് പ്രത്യേക മന്ത്രിസഭായോഗം ചേരുന്നുണ്ട്. രക്ഷാപ്രവര്‍ത്തനത്തിന്റെ ആകെയുള്ള വിലയിരുത്തല്‍ മന്ത്രിസഭായോഗത്തില്‍ ഉണ്ടാകും. പുനരധിവാസം അടക്കമുള്ള കാര്യങ്ങളെ കുറിച്ച് ആലോചിക്കാന്‍ ഇന്ന് വൈകിട്ട് നാലിന് സര്‍വകക്ഷി യോഗവും ചേരുന്നുണ്ട്.

 

LIVE NEWS - ONLINE

  • 1
    14 mins ago

    കൊച്ചി നഗരത്തില്‍ വന്‍തീപ്പിടുത്തം

  • 2
    17 mins ago

    പ്രതികളെ പാര്‍ട്ടിയും സര്‍ക്കാരും സംരക്ഷിക്കില്ല: മന്ത്രി ഇ.പി.ജയരാജന്‍

  • 3
    1 hour ago

    ഷംസീര്‍ എംഎല്‍എക്കെതിരെ ആഞ്ഞടിച്ച് ഡീന്‍ കുര്യാക്കോസ്

  • 4
    1 hour ago

    അംബാനി കുറ്റക്കാരന്‍; നാലാഴ്ചക്കകം 453 കോടി അല്ലെങ്കില്‍ ജയില്‍

  • 5
    2 hours ago

    പെരിയ ഇരട്ടക്കൊല പൈശാചികം: വിഎസ്

  • 6
    2 hours ago

    പെരിയ ഇരട്ടക്കൊല; പിതാംബരന്റ സഹായിയായ കണ്ണൂര്‍ സ്വദേശി പിടിയില്‍

  • 7
    3 hours ago

    അമ്മയും കുഞ്ഞും പൊള്ളലേറ്റു മരിച്ചു

  • 8
    3 hours ago

    ചാമ്പ്യന്‍സ് ലീഗ്; ബയറണ്‍-ലിവര്‍പൂള്‍ മത്സരം സമനിലയില്‍

  • 9
    3 hours ago

    പെരിയ ഇരട്ടക്കൊല; വെട്ടിയത് അപമാനത്താലുണ്ടായ നിരാശയില്‍: പീതാംബരന്‍