Monday, July 22nd, 2019

മുക്കുപണ്ടം: മൂന്ന് കോടി തട്ടിയതിന് ബാങ്ക് സെക്രട്ടറിക്കെതിരെ കേസ്

കഴിഞ്ഞ 11 മാസത്തിനിടെയാണ് തട്ടിപ്പ് നടന്നത്. നാല് മാസമായി പ്രദീപന്‍ ഇവിടെ സെക്രട്ടറിയായി തുടരുകയാണ്.

Published On:Aug 12, 2017 | 1:15 pm

കണ്ണൂര്‍: കരിവെള്ളൂരിലെ സഹകരണ സൊസൈറ്റിയില്‍ മുക്കുപണ്ടം പണയം വെച്ച് കോടികള്‍ തട്ടിയ സംഭവത്തില്‍ സെക്രട്ടറിക്കെതിരെ കേസെടുത്തു. സംഘം പ്രസിഡന്റ് കെ വി ഗിരീശന്റെ പരാതിയിലാണ് പോലീസ് കേസെടുത്തത്.
കോണ്‍ഗ്രസ് നിയന്ത്രണത്തിലുള്ള കരിവെള്ളൂര്‍ സോഷ്യല്‍ വെല്‍ഫെയര്‍ കോ-ഓപ്പറേറ്റീവ് സൊസൈറ്റി സെക്രട്ടറി കെ വി പ്രദീപന്‍ കഴിഞ്ഞ 11 മാസത്തിനിടെ 2.98 കോടി രൂപയാണ് മുക്കുപണ്ട പണയത്തിലൂടെ തട്ടിപ്പ് നടത്തിയത്. ഒരേ പേരില്‍ തന്നെ മൂന്നും നാലും പണയങ്ങള്‍ നടന്നതായാണ് പരിശോധനയില്‍ കണ്ടെത്തിയത്.
സഹകരണ വകുപ്പ് ഇന്‍സ്‌പെക്ടര്‍ ഷൈനയുടെ നേതൃത്വത്തിലുള്ള സംഘം ഇന്നലെ ഉച്ചയോടെയാണ് പരിശോധനക്കെത്തിയത്.
കഴിഞ്ഞ ആഗസ്ത് 16ന് പരിശോധന നടന്നപ്പോള്‍ തിരിമറി ഒന്നും കണ്ടെത്തിയിരുന്നില്ല. കഴിഞ്ഞ 11 മാസത്തിനിടെയാണ് തട്ടിപ്പ് നടന്നത്. കഴിഞ്ഞ നാല് മാസമായി പ്രദീപന്‍ ഇവിടെ സെക്രട്ടറിയായി തുടരുകയാണ്. പ്രദീപനെ കൂടാതെ ഒരു ജീവനക്കാരി മാത്രമേ ഇവിടെയുള്ളൂ. മൂന്ന് കോടി രൂപ പ്രവര്‍ത്തനമൂലധനമുള്ള സംഘത്തിലാണ് 2.98 കോടിയുടെ തട്ടിപ്പ് നടന്നത്.
പരിശോധന സമയം പുറത്തേക്ക് പോയ സെക്രട്ടറി തിരിച്ചുവന്നില്ല. ഇദ്ദേഹത്തിന്റെ മൊബൈല്‍ സ്വിച്ച് ഓഫാണ്. രാത്രി ഏറെ വൈകും വരെ നടത്തിയ പരിശോധന റിപ്പോര്‍ട്ട് സഹകരണ വകുപ്പ് ഭരണസമിതിക്ക് കൈമാറിയിട്ടുണ്ട്്. പോലീസ് പരിശോധന തുടരുന്നു.

LIVE NEWS - ONLINE

  • 1
    7 hours ago

    കാസര്‍കോട്, കണ്ണൂര്‍ ജില്ലകളില്‍ ചൊവ്വാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 2
    13 hours ago

    തലസ്ഥാനത്ത് തെരുവ് യുദ്ധം

  • 3
    14 hours ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 4
    14 hours ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍

  • 5
    14 hours ago

    സ്വര്‍ണ വില 240 രൂപ വര്‍ധിച്ചു

  • 6
    15 hours ago

    കര്‍ണാടക; ഇടപെടാനാവില്ലെന്ന് ആവര്‍ത്തിച്ച് സുപ്രീം കോടതി

  • 7
    16 hours ago

    ശൗചാലയവും ഓവുചാലും വൃത്തിയാക്കാനല്ല എം.പിയായത്: പ്രജ്ഞ സിംഗ് ഠാക്കൂര്‍

  • 8
    16 hours ago

    പീഡനക്കേസ്; എഫ്‌ഐ ആര്‍ റദ്ദാക്കണമെന്നാവശ്യപ്പെട്ട് ബിനോയ് ഹൈക്കോടതിയില്‍

  • 9
    17 hours ago

    ഗള്‍ഫില്‍ മത്സ്യ വില ഉയര്‍ന്നു