Saturday, January 19th, 2019

യുവാവ് പെട്രോളൊഴിച്ച് തീ കൊളുത്തിയ ധനകാര്യ സ്ഥാപന ഉടമ മരിച്ചു

മുഖത്ത് മുളക്‌പൊടി വിതറിയ ശേഷം പെട്രോളൊഴിച്ച് തീ കൊളുത്തുകയായിരുന്നു.

Published On:Jul 14, 2018 | 12:17 pm

കോഴിക്കോട്: താമരശ്ശേരി പുതുപ്പാടി കൈതപ്പൊയിലില്‍ യുവാവ് പെട്രോള്‍ ഒഴിച്ചു തീകൊളുത്തിയതിനെ തുടര്‍ന്ന് ഗുരുതരമായി പൊള്ളലേറ്റ സ്വകാര്യ പണമിടപാട് സ്ഥാപന ഉടമ മരിച്ചു. മലബാര്‍ ഫിനാന്‍സിയേഴ്‌സ് ഉടമ കുപ്പായക്കോട് ഒളവങ്ങരയിലെ പി.ടി കുരുവിള എന്ന സജി (52) ആണ് മരിച്ചത്. ഇന്നലെ ഉച്ചക്ക് രണ്ടേകാലോടെയാണ് കുരുവിളക്ക് നേരെ ആക്രമണം നടന്നത്. ആലപ്പുഴ വള്ളിക്കുന്നം സ്വദേശി സുധീഷ് കുമാറാണ് കൊലപാതകം നടത്തിയതെന്ന് പോലീസ് പറഞ്ഞു.തൃശൂര്‍ സ്വദേശിയാണെന്ന് ഇയാള്‍ സ്ഥാപന ഉടമയെ തെറ്റിധരിപ്പിച്ചുവെന്നും പോലീസ് കണ്ടെത്തി. ഇയാളുടെ വീട്ടില്‍ പോലീസ് പരിശോധന നടത്തിവരികയാണ്.
പണമിടപാട് സ്ഥാപനത്തിലെത്തിയ യുവാവ് കുരുവിളയുടെ മുഖത്തേക്ക് മുളക് പൊടി വിതറിയ ശേഷം കയ്യില്‍ കരുതിയ പെട്രോള്‍ ഒഴിച്ച് തീകൊളുത്തുകയായിരുന്നു. മേലാസകലം പൊള്ളലേറ്റ കുരുവിള ഒന്നാംനിലയില്‍ പ്രവര്‍ത്തിക്കുന്ന കെട്ടിടത്തില്‍ നിന്ന് വെപ്രാളത്തില്‍ താഴേക്ക് ചാടി മഴ വെള്ളത്തില്‍ വീഴുകയായിരുന്നു. ഓടിക്കൂടിയ നാട്ടുകാര്‍ ഇദ്ദേഹത്തെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. തീവ്രപരിചരണ വിഭാഗത്തില്‍ കഴിയവെ കുരുവിള ഇന്നലെ രാത്രി ബന്ധുക്കളോട് സംസാരിച്ചു. എന്നാല്‍ പുലര്‍ച്ചെ നാലോടെ നിലവിഷളാവുകയും മരണം സംഭവിക്കുകയുമായിരുന്നു.
സ്ഥാപനത്തിലെത്തിയ ആലപ്പുഴ സ്വദേശിയായ യുവാവ് രണ്ട് ലക്ഷം രൂപ വായ്പ ചോദിച്ചിരുന്നുവത്രെ. രണ്ട് ദിവസം മുമ്പായിരുന്നു സംഭവമെന്ന് കുരുവിള അടുത്ത സുഹൃത്തുക്കളോടും കുടുംബാംഗങ്ങളോടും പറഞ്ഞിരുന്നു. എന്നാല്‍ മതിയായ രേഖകള്‍ നല്‍കാന്‍ തയ്യാറാകാത്തതിനാല്‍ പണം നല്‍കിയിരുന്നില്ല. തുടര്‍ന്നാണ് ആക്രമണം ഉണ്ടായത്. പണം നല്‍കാത്ത വൈരാഗ്യമാണ് കൊലപാതകത്തിന് പിന്നിലെന്നാണ് സംശയിക്കുന്നത്. കെട്ടിടത്തിന്റെ മുകളില്‍ പ്രവര്‍ത്തിക്കുന്ന സ്ഥാപനത്തില്‍ സംഭവം നടക്കുമ്പോള്‍ കുരുവിള മാത്രമെ ഉണ്ടായിരുന്നുള്ളു. തീകൊളുത്തിയ ഉടനെ അക്രമി ഓടി രക്ഷപ്പെട്ടിരുന്നു. സ്ഥാപനത്തിനകത്ത് തീ പടര്‍ന്ന് നാശനഷ്ടങ്ങള്‍ സംഭവിച്ചിട്ടുണ്ട്. ചുവന്ന ടീ ഷര്‍ട്ട് ധരിച്ച് ബൈക്കിലാണ് അക്രമി എത്തിയതെന്ന് സമീപത്തെ കടക്കാര്‍ തിരിച്ചറിഞ്ഞിട്ടുണ്ട്. മാത്രമല്ല അക്രമിയുടെ ഫോട്ടോ രണ്ട് ദിവസം മുമ്പ് ബാങ്കിലെത്തിയപ്പോള്‍ കുരുവിള എടുത്ത് വെച്ചിരുന്നു. അക്രമിയുടേതെന്ന് കരുതുന്ന ഹെല്‍മറ്റും കോട്ടും കെട്ടിടത്തിന്റെ പിറക് വശത്ത്‌നിന്ന് കണ്ടെത്തിയിട്ടുണ്ട്. കുരുവിള പോലീസിനോട് നല്‍കിയ മൊഴിയിലും സുധീഷാണ് തീകൊളുത്തിയതെന്ന് പറഞ്ഞിട്ടുണ്ട്. സംഭവം നടന്നയുടനെ രക്ഷപ്പെട്ട പ്രതിക്കുവേണ്ടിയുള്ള തെരച്ചില്‍ ഊര്‍ജിതമാക്കിയിട്ടുണ്ടെന്ന് പോലീസ് പറഞ്ഞു.

 

LIVE NEWS - ONLINE

  • 1
    1 hour ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 2
    3 hours ago

    മോദി ഇന്ത്യയെ തകര്‍ത്തു: മമത

  • 3
    7 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 4
    7 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 5
    7 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 6
    8 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 7
    8 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 8
    9 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍

  • 9
    10 hours ago

    സ്‌കൂട്ടറില്‍ മിനിവാന്‍ ഇടിച്ച് സെക്യൂരിറ്റി ജീവനക്കാരന്‍ മരിച്ചു