Saturday, July 20th, 2019

ഇംഗ്ലീഷ് വസന്തത്തിന് കാതോര്‍ത്ത് കണ്ണൂര്‍

ക്രൊയേഷ്യയേക്കാള്‍ ഇംഗ്ലണ്ടിനാണ് ഫുട്‌ബോളിന്റെ നാടായ കണ്ണൂരില്‍ ഏറെ ആരാധകരുള്ളത്.

Published On:Jul 11, 2018 | 10:45 am

കണ്ണൂര്‍:  റഷ്യന്‍ ലോകകപ്പിന്റെ ഫൈനലില്‍ കൊമ്പുകോര്‍ക്കുന്ന ടീമുകളുടെ ചിത്രം ഇന്ന് രാത്രിയോടെ പൂര്‍ണമാവും. രാത്രി 11.30ന് മോസ്‌കോയിലെ ലുഷ്‌നികി സ്‌റ്റേഡിയത്തില്‍ നടക്കുന്ന രണ്ടാം സെമിഫൈനലില്‍ ഇംഗ്ലീഷ് വസന്തം വിരിയണേ എന്നാണ് കണ്ണൂരിന്റെ പ്രാര്‍ത്ഥന. ക്രൊയേഷ്യയാണ് യൂനിയന്‍ ജാക്കിന്റെ നാടായ ഇംഗ്ലണ്ടിന്റെ എതിരാളി.
സൂപ്പര്‍ സ്‌ട്രൈക്കര്‍ ഹാരി കെയ്‌നിന്റെ നായകത്വത്തില്‍ ഇംഗ്ലണ്ട് അഞ്ചു പതിറ്റാണ്ട് കാലത്തെ കിരീടവരള്‍ച്ചക്ക് വിരാമമിടുകയെന്ന ലക്ഷ്യത്തോടെയാണ് കളത്തിലിറങ്ങുന്നത്. ഗ്രൂപ് റൗണ്ടില്‍ ബെല്‍ജിയത്തിനു പിറകില്‍ രണ്ടാമതായെങ്കിലും നോക്കൗട്ട് ഘട്ടത്തില്‍ കൊളംബിയയെയും സ്വീഡനെയും കീഴടക്കിയെത്തുന്ന ഗാരത് സൗത്ത്‌ഗേറ്റിന്റെ ടീം പതിവില്‍നിന്ന് വ്യത്യസ്തമായി വമ്പന്‍ താരങ്ങളുടെ പകിട്ടില്ലാതെയാണ് ലോകകപ്പിനെത്തിയത്. കെയ്‌നിനെ കൂടാതെ ഡെലെ അലി, കീറണ്‍ ട്രിപ്പിയര്‍, ഹാരി മഗ്വയര്‍, ജോര്‍ഡന്‍ പിക്‌ഫോര്‍ഡ്, റഹീം സ്‌റ്റെര്‍ലിങ്, ജെസെ ലിന്‍ഗാര്‍ഡ് തുടങ്ങിയ യുവതാരങ്ങളുടെയും ജോര്‍ഡന്‍ ഹെന്‍ഡേഴ്‌സണ്‍, ആഷ്‌ലി യങ് തുടങ്ങിയ പരിചയസമ്പന്നരുടെയും കരുത്തിലാണ് ഇംഗ്ലണ്ടിന്റെ സെമി പ്രവേശനം.
ഗ്രൂപ് ഘട്ടത്തില്‍ എല്ലാ കളികളും ജയിച്ച് ഒന്നാമതായ ക്രൊയേഷ്യ നോക്കൗട്ട് റൗണ്ടില്‍ ഡെന്മാര്‍ക്കിനെയും റഷ്യയെയും കീഴടക്കിയാണ് സെമിയിലെത്തിയത്. മധ്യനിരയിലെ എന്‍ജിന്‍ ലൂക മോഡ്രിചിന്റെ നായകത്വത്തില്‍ ഇവാന്‍ റാകിടിച്ച്, ഇവാന്‍ പെരിസിച്, മാരിയോ മന്‍സൂകിച്, ഡെജാന്‍ ലോവ്‌റന്‍, ഡോമഗോജ് വിദ, സിമെ വ്രിസാലിച്, ഡാനിയേല്‍ സുബാസിച് തുടങ്ങിയ ഒരുപിടി താരങ്ങളില്‍ വിശ്വാസമര്‍പ്പിച്ചാണ് ക്രൊയേഷ്യന്‍ കോച്ച് സ്ലാറ്റ്‌കോ ഡാലിചിന്റെ പടപ്പുറപ്പാട്.
ക്രൊയേഷ്യയേക്കാള്‍ ഇംഗ്ലണ്ടിനാണ് ഫുട്‌ബോളിന്റെ നാടായ കണ്ണൂര്‍ ഏറെ ആരാധകരുള്ളത്. അതുകൊണ്ട് തന്നെ റഷ്യയില്‍ ഇന്ന് ഇംഗ്ലീഷ് വസന്തം വിരിയണമെന്നാണ് കണ്ണൂരുകാരുടെ പ്രാര്‍ത്ഥന. അങ്ങിന വരുമ്പോള്‍ ഒരു ഇംഗ്ലീഷ് ഫ്രഞ്ച് പോരാട്ടമാണ് ആരാധകര്‍ സ്വപ്‌നം കാണുന്നത്.

 

LIVE NEWS - ONLINE

  • 1
    12 mins ago

    വിന്‍ഡീസ് പര്യടനത്തിനില്ല; ധോണി രണ്ടുമാസം സൈന്യത്തോടൊപ്പം

  • 2
    19 mins ago

    ഭരണകക്ഷി വിദ്യാര്‍ത്ഥി സംഘടനകളുടെ ഇടപെടല്‍ പരീക്ഷയുടെ വിശ്വാസ്യത നശിപ്പിച്ചു: കേന്ദ്ര മന്ത്രി മുരളീധരന്‍

  • 3
    3 hours ago

    കാണാതായ നാല് മത്സ്യത്തൊഴിലാളികളെ കണ്ടെത്തി

  • 4
    3 hours ago

    സിഒടി നസീര്‍ വധശ്രമം; ഷംസീര്‍ എംഎല്‍എ എത്തിയത് പോലീസ് തെരയുന്ന വാഹനത്തില്‍

  • 5
    4 hours ago

    തെരച്ചിലില്‍ മത്സ്യത്തൊഴിലാളികളെയും ഉള്‍പ്പെടുത്തണം: ഉമ്മന്‍ചാണ്ടി

  • 6
    4 hours ago

    സോന്‍ഭദ്ര സന്ദര്‍ശിക്കാനെത്തിയ എപിമാര്‍ കസ്റ്റഡിയില്‍

  • 7
    5 hours ago

    വിദ്യാര്‍ത്ഥികളെ നിര്‍ബന്ധിച്ച് സമരങ്ങള്‍ക്കിറക്കുന്നത് തടയും: മന്ത്രി ജലീല്‍

  • 8
    5 hours ago

    വിദ്യാര്‍ത്ഥികളെ നിര്‍ബന്ധിച്ച് സമരങ്ങള്‍ക്കിറക്കുന്നത് തടയും: മന്ത്രി ജലീല്‍

  • 9
    5 hours ago

    കെ.എസ്.ആര്‍.ടി.സി ബസുകള്‍ കൂട്ടിയിടിച്ച് യാത്രക്കാര്‍ക്ക് പരിക്കേറ്റു