Tuesday, July 23rd, 2019

പീഡന ശ്രമം: ഡി.വൈ.എഫ്.ഐ നേതാവിനെ പുറത്താക്കി

പാര്‍ട്ടി ഇക്കാര്യം ഔദ്യോഗിമായി വ്യക്തമാക്കിയിട്ടില്ല.

Published On:Sep 5, 2018 | 12:15 pm

തൃശൂര്‍: എം.എല്‍.എ ഹോസ്റ്റലില്‍ വെച്ച് പീഡിപ്പിക്കാന്‍ ശ്രമിച്ചെന്ന വനിത നേതാവിന്റെ പരാതിയില്‍ ഡി.വൈ.എഫ്.ഐ നേതാവിനെതിരെ പാര്‍ട്ടി നടപടി. ഡി.വൈ.എഫ്.ഐ ഇരിങ്ങാലക്കുട ബ്ലോക്ക് ജോ.സെക്രട്ടറി ആര്‍.എല്‍. ജീവന്‍ലാലിനെ ഒരു വര്‍ഷത്തേക്ക് പാര്‍ട്ടിയില്‍ നിന്നും പുറത്താക്കി. പാര്‍ട്ടി ഇക്കാര്യം ഔദ്യോഗിക രീതിയില്‍ വ്യക്തമാക്കിയിട്ടില്ല. അതേസമയം നേതാക്കള്‍ മാധ്യമങ്ങളോട് ജീവന്‍ലാലിനെതിരെ നടപടിയെടുത്തതായി അറിയിച്ചു.
മെഡിക്കല്‍ എന്‍ട്രന്‍സിന് കോച്ചിംഗിന് ചേരാന്‍ തിരുവനന്തപുരത്ത് പോവുകയിരുന്ന യുവതിയൊടൊപ്പം ജീവന്‍ലാല്‍ പോയിരുന്നു. ഇയാള്‍ എം.എല്‍.എ ഹോസ്റ്റലില്‍ നിന്ന് വിളിച്ച് കോച്ചിംഗ് സെന്ററില്‍ സീറ്റ് ശരിയാക്കുകയും ചെയ്തുവത്രെ. എന്നാല്‍ മടങ്ങാന്‍ നേരത്ത് എം.എല്‍.എ ഹോസ്റ്റലില്‍ ബാഗ് എടുക്കാന്‍ ചെന്ന തന്നെ മാനഭംഗപ്പെടുത്താന്‍ ശ്രമിക്കുകയായിരുന്നെന്നാണ് പരാതി. പ്രതികരിച്ചപ്പോള്‍ കരഞ്ഞ് ക്ഷമാപണം നടത്തി. ജൂലൈ 11നായിരുന്നു സംഭവം.
വീട്ടിലെത്തി അമ്മയോട് ഇക്കാര്യം അറിയിച്ചു. പരാതി കൊടുക്കാന്‍ തീരുമാനിച്ചപ്പോള്‍ ഡി.വൈ.എഫ്.ഐ കാട്ടൂര്‍ മേഖല സെക്രട്ടറി വിളിച്ച് ബ്ലോക്ക് സെക്രട്ടറിയെയും ഏരിയ സെക്രട്ടറിയെയും ഇക്കാര്യം അറിയിച്ചിട്ടുണ്ടെന്നും പാര്‍ട്ടി തീരുമാനമെടുക്കുമെന്നും പുറത്തറിയുന്നത് പാര്‍ട്ടിക്ക് ദോഷകരമാണെന്നും അറിയിച്ചു. ഈ സാഹചര്യത്തില്‍ തുടര്‍ നടപടികളിലേക്ക് കടക്കാതിരിക്കുകയായിരുന്നു. എന്നാല്‍ തീരുമാനം ഉണ്ടാവാത്ത സാഹചര്യത്തിലാണ് നിയമപരമായി നീങ്ങുന്നതെന്ന് സി.ഐക്ക് നല്‍കിയ പരാതിയില്‍ പറയുന്നു.

 

LIVE NEWS - ONLINE

  • 1
    8 mins ago

    തലയോട്ടിക്കുള്ളിലെ രക്തസ്രാവം; മന്ത്രി മണിക്ക് ഇന്ന് ശസ്ത്രക്രിയ

  • 2
    29 mins ago

    കശ്മീര്‍ വിഷയത്തില്‍ ആരുടെയും സഹായം വേണ്ട: ഇന്ത്യ

  • 3
    32 mins ago

    വെള്ളക്കെട്ടില്‍ വീണ് ഒരാള്‍ മരിച്ചു

  • 4
    37 mins ago

    ഞാന്‍ പന്ത്രണ്ടാം ക്ലാസുകാരനായ ഗുസ്തിക്കാരന്‍: പൃഥി രാജ്

  • 5
    2 hours ago

    തമിഴ്‌നാട് സ്വദേശികളായ ദമ്പതികള്‍ക്ക് നടുറോഡില്‍ ക്രൂരമര്‍ദനം

  • 6
    15 hours ago

    കാസര്‍കോട്, കണ്ണൂര്‍ ജില്ലകളില്‍ ചൊവ്വാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 7
    20 hours ago

    തലസ്ഥാനത്ത് തെരുവ് യുദ്ധം

  • 8
    21 hours ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 9
    21 hours ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍