Saturday, January 19th, 2019

അനധികൃത റേഷന്‍ കാര്‍ഡുകള്‍ വ്യാപകമാവുന്നതായി പരാതി

ഇടുക്കി: ജില്ലയില്‍ അനധികൃത റേഷന്‍ കാര്‍ഡുകള്‍ വ്യാപകമാവുന്നതായി പരാതി. ഇത്തരത്തിലുള്ള കാര്‍ഡുകള്‍ ഉപയോഗപ്പെടുത്തി യഥാര്‍ത്ഥ കാര്‍ഡുടമകള്‍ക്ക് അനുവദിക്കുന്ന റേഷന്‍ അരി തട്ടിയെടുക്കുകയാണത്രെ. ഇടുക്കി ജില്ലയില്‍ ഇത്തരത്തില്‍ 5000 ത്തോളം വരുന്ന വ്യാജ കാര്‍ഡുകള്‍ ഉണ്ടെന്നാണ് സ്‌പെഷല്‍ ബ്രാഞ്ചിന്റെ കണക്ക്. താലൂക്കില്‍ വിതരണത്തിന് എത്തുന്ന റേഷന്‍ സാധനങ്ങള്‍ എഴുതിയെടുക്കാന്‍ വ്യാപകമായി നിര്‍മിച്ചിരിക്കുന്ന വ്യാജകാര്‍ഡുകളാണ് ഉപയോഗിക്കുന്നത്. ഇതാകട്ടെ ബിപിഎല്‍ അന്ത്യോദയാ കാര്‍ഡുകളാണുതാനും. വ്യാജ രേഖകളുടെയും മേല്‍വിലാസങ്ങളുടെയും മറവിലാണ് കടയുടമകള്‍ കാര്‍ഡുകള്‍ സൃഷ്ടിച്ചിരിക്കുന്നത്. കാര്‍ഡുകളില്‍ ഉപയോഗിക്കാനായി പണം നല്‍കി ആളുകളെ സംഘടിപ്പിച്ചാണ് … Continue reading "അനധികൃത റേഷന്‍ കാര്‍ഡുകള്‍ വ്യാപകമാവുന്നതായി പരാതി"

Published On:Oct 8, 2013 | 5:29 pm

ഇടുക്കി: ജില്ലയില്‍ അനധികൃത റേഷന്‍ കാര്‍ഡുകള്‍ വ്യാപകമാവുന്നതായി പരാതി. ഇത്തരത്തിലുള്ള കാര്‍ഡുകള്‍ ഉപയോഗപ്പെടുത്തി യഥാര്‍ത്ഥ കാര്‍ഡുടമകള്‍ക്ക് അനുവദിക്കുന്ന റേഷന്‍ അരി തട്ടിയെടുക്കുകയാണത്രെ. ഇടുക്കി ജില്ലയില്‍ ഇത്തരത്തില്‍ 5000 ത്തോളം വരുന്ന വ്യാജ കാര്‍ഡുകള്‍ ഉണ്ടെന്നാണ് സ്‌പെഷല്‍ ബ്രാഞ്ചിന്റെ കണക്ക്. താലൂക്കില്‍ വിതരണത്തിന് എത്തുന്ന റേഷന്‍ സാധനങ്ങള്‍ എഴുതിയെടുക്കാന്‍ വ്യാപകമായി നിര്‍മിച്ചിരിക്കുന്ന വ്യാജകാര്‍ഡുകളാണ് ഉപയോഗിക്കുന്നത്. ഇതാകട്ടെ ബിപിഎല്‍ അന്ത്യോദയാ കാര്‍ഡുകളാണുതാനും. വ്യാജ രേഖകളുടെയും മേല്‍വിലാസങ്ങളുടെയും മറവിലാണ് കടയുടമകള്‍ കാര്‍ഡുകള്‍ സൃഷ്ടിച്ചിരിക്കുന്നത്.
കാര്‍ഡുകളില്‍ ഉപയോഗിക്കാനായി പണം നല്‍കി ആളുകളെ സംഘടിപ്പിച്ചാണ് ഫോട്ടോകള്‍ എടുത്തത്. വ്യാജ കാര്‍ഡുകള്‍ ഉപയോഗിച്ചു റേഷന്‍ സാധനങ്ങള്‍ എഴുതിയെടുക്കുന്നതു ഭക്ഷ്യവകുപ്പ് ഉദ്യോഗസ്ഥരുടെ അറിവും സമ്മതത്തോടും കൂടി തന്നെയാണത്രേ. ഒരു രൂപാ നിരക്കില്‍ ബിപിഎല്‍ കാര്‍ഡുടമകള്‍ക്ക് പ്രതിമാസം നല്‍കുന്ന 25 കിലോ അരി, എഎവൈ വിഭാഗത്തില്‍പ്പെട്ടവര്‍ക്കു ലഭിക്കേണ്ട 35 കിലോ അരി എന്നിവയാണ് കൂടുതലായും കരിഞ്ചന്തയില്‍ പോകുന്നത്. ഒരു രൂപാ അരി റേഷന്‍ കടയുടമകളില്‍ നിന്നു വാങ്ങാന്‍ അര ഡസനോളം ഏജന്റുമാര്‍ ഈ മേഖലയിലുണ്ട്. ഇതു മായി ബന്ധപ്പെട്ട് കഴിഞ്ഞ ദിവസം രണ്ടു പേര്‍ പിടിയിലായിരുന്നു. ഇവരെ ചോദ്യം ചെയ്തപ്പോഴാണ് റേഷന്‍ കാര്‍ഡ് തട്ടിപ്പ് വ്യക്തമായത്.

LIVE NEWS - ONLINE

  • 1
    7 hours ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 2
    9 hours ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 3
    11 hours ago

    മോദി ഇന്ത്യയെ തകര്‍ത്തു: മമത

  • 4
    14 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 5
    15 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 6
    15 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 7
    16 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 8
    16 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 9
    17 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍