Sunday, November 18th, 2018

ഡുക്കാട്ടി പനിഗല്‍ വി 4 വീണ്ടും ഇന്ത്യയിലേക്ക്!

ഇത്തവണ എത്രവേണമെങ്കിലും ബുക്കിങ് എടുക്കാനാണ് കമ്പനിയുടെ നിര്‍ദേശം

Published On:Apr 23, 2018 | 2:45 pm

ജനുവരിയിലായിരുന്നു ഡുക്കാട്ടിയുടെ സൂപ്പര്‍ബൈക്ക് പനിഗല്‍ വി 4 ഇന്ത്യയിലേക്ക് എത്തിയത്. 20.53 ലക്ഷമായിരുന്നു വില. ഇന്ത്യയ്ക്കുവേണ്ടി ആകെ 20 എണ്ണം മാത്രമാണ് കമ്പനി ഇറക്കിയത്. എന്നാല്‍, ആദ്യ ആഴ്ചയില്‍ തന്നെ ഇവയെല്ലാം വിറ്റുപോയി. എന്നാല്‍ കമ്പനി വീണ്ടും ഇന്ത്യക്കായി ഈ സൂപ്പര്‍ബൈക്കിനെ കൊണ്ടുവരികയാണ്. ഇത്തവണ എത്രവേണമെങ്കിലും ബുക്കിങ് എടുക്കാനാണ് കമ്പനിയുടെ നിര്‍ദേശം.
കഴിഞ്ഞ ജനുവരിയില്‍ ഡുക്കാട്ടി പനിഗലിന്റെ രണ്ടു മോഡലുകളാണ് ഇന്ത്യയിലേക്ക് കൊണ്ടുവന്നത്. വിഫോറും വിഫോര്‍ എസും. ഇതില്‍ വിഫോറിന് 20.53 ലക്ഷവും വി ഫോര്‍ എസിന് 25.29 ലക്ഷവുമാണ് വിലയിട്ടത്. 13,000 ആര്‍.പി.എമ്മില്‍ 211 bhp കരുത്തും 10,000 ആര്‍.പി.എമ്മില്‍ പരമാവധി 124 Nm tourqm ഉത്പാദിപ്പിക്കുന്നു. റൈഡിങ്ങിന്റെ സുഖത്തിനായി സ്ട്രീറ്റ്, സ്പോര്‍ട്ട്, റേസ് എന്നീ മൂന്ന് മോഡുകളുണ്ട്. 198 കിലോഗ്രാമാണ് ഭാരം. ഇറ്റാലിയന്‍ നിര്‍മാതാക്കളുടെ ആദ്യ ഫോര്‍ സിലിണ്ടര്‍ റോഡ് ലീഗല്‍ സൂപ്പര്‍ബൈക്കാണിത്.
പൂര്‍ണമായും അലൂമിനിയത്തിലാണ് ഷാസി. ക്രമീകരിക്കാവുന്ന 43 മില്ലീമീറ്റര്‍ ഷോവ ബി.പി.ഫോര്‍ ഫോര്‍ക്കുകള്‍ മുന്നിലും സാക്സ് മോണോഷോക്ക് പിന്നിലും സുഖയാത്ര ഉറപ്പു വരുത്തുന്നു. ക്രമീകരിക്കാവുന്ന 43 മില്ലീമീറ്റര്‍ ഓലിന്‍സ് നിക്സ് 30 ഫ്രണ്ട് ഫോര്‍ക്കുകളാണ് പാനിഗാലെ വിഫോര്‍ എസില്‍. ബ്രേക്കിങ്ങിലും കുഴികളിലും വാഹനത്തിന്റെ സ്ഥിരത നിലനിര്‍ത്താനുള്ള സാങ്കേതികവിദ്യയും ഫോര്‍ക്കുകളിലുണ്ട്. ഇവയ്ക്ക് എ.ബി.എസ്. ഉണ്ടായിരിക്കും. എല്‍.ഇ.ഡി. ഡേടൈം റണ്ണിങ് ലൈറ്റുകള്‍ക്കൊപ്പമുള്ള ഇരട്ട എല്‍.ഇ.ഡി. ഹെഡ് ലാമ്പുകളാണ് ഈ സൂപ്പര്‍ബൈക്കിന്റെ പ്രധാന സവിശേഷത.

LIVE NEWS - ONLINE

  • 1
    3 hours ago

    അമേരിക്കയില്‍ 16കാരന്റെ വെടിയേറ്റ് തെലങ്കാന സ്വദേശി കൊല്ലപ്പെട്ടു

  • 2
    4 hours ago

    തലശ്ശേരിയില്‍ വീട്ടമ്മയുടെ ദേഹത്ത് ചുവന്ന പെയിന്റ് ഒഴിച്ചു

  • 3
    5 hours ago

    നടന്‍ കെ.ടി.സി അബ്ദുള്ള അന്തരിച്ചു

  • 4
    5 hours ago

    കെ. സുരേന്ദ്രനെ 14 ദിവസത്തേക്ക് റിമാന്‍ഡ് ചെയ്തു

  • 5
    18 hours ago

    ശബരിമല തീര്‍ഥാടകരുടെ വാഹനം മറിഞ്ഞ് രണ്ടുപേര്‍ മരിച്ചു

  • 6
    19 hours ago

    കെ.പി ശശികലയ്ക്ക് ജാമ്യം

  • 7
    23 hours ago

    ശശികല കോടതിയിലേക്ക്; ജാമ്യത്തിലിറങ്ങിയ ശേഷം ശബരിമലയ്ക്ക് പോകാന്‍ അനുമതി

  • 8
    1 day ago

    ശശികലയുടെ അറസ്റ്റ് നിയമവിരുദ്ധമെന്ന് ശ്രീധരന്‍ പിള്ള

  • 9
    1 day ago

    ശശികലുടെ അറസ്റ്റ്: ഹിന്ദുഐക്യ വേദിയുടെ നേതൃത്വത്തില്‍ റാന്നി പോലീസ് സ്റ്റേഷന് മുന്നില്‍ പ്രതിഷേധം