Sunday, July 21st, 2019

ചര്‍ച്ചക്ക് പോയത് ഇരുവിഭാഗവും ക്ഷണിച്ചതിനാലെന്ന് കെ സുധാകരന്‍

പാര്‍ട്ടി വിലക്കിയിരുന്നെങ്കില്‍ ഒരിക്കലും താന്‍ പോകില്ലായിരുന്നു. പാര്‍ട്ടിക്കെതിരായ താന്‍ ഒരിക്കലും പ്രവര്‍ത്തിക്കില്ല. ഒളിച്ച് ആരും കാണാതെയല്ല താന്‍ ചര്‍ച്ചക്ക് പോയത്.

Published On:Jul 6, 2017 | 12:02 pm

കണ്ണൂര്‍: നെഹ്‌റു കോളജ് അധികൃതരുമായി ചര്‍ച്ചക്ക പോയതിനെ ന്യായീകരിച്ച് കെ സുധാകരന്‍. പാര്‍ട്ടി തന്നോട് ഒന്നും പറയാത്തതിനാലാണ് താന്‍ ചര്‍ച്ചക്ക് പോയത്. പാര്‍ട്ടി വിലക്കിയിരുന്നെങ്കില്‍ ഒരിക്കലും താന്‍ പോകില്ലായിരുന്നു. പാര്‍ട്ടിക്കെതിരായ താന്‍ ഒരിക്കലും പ്രവര്‍ത്തിക്കില്ല. ഒളിച്ച് ആരും കാണാതെയല്ല താന്‍ ചര്‍ച്ചക്ക് പോയത്. ചര്‍ച്ചയില്‍ ഇടപെട്ടത് തികച്ചും നിഷ്പക്ഷമായാണ്. ഇരുവിഭാഗവും ക്ഷണിച്ചിട്ടാണ് ചര്‍ച്ചക്ക് പോയത്. മര്‍ദ്ദനത്തിന് ഇരയായ വിദ്യാര്‍ത്ഥി ഷഹീറിന്റെ പ്രധാന ബന്ധുക്കളും സുഹൃത്തും തനിക്കൊപ്പം അവിടെയുണ്ടായിരുന്നു. ബാഹ്യസമ്മര്‍ദ്ദമുണ്ടായെങ്കില്‍ അവര്‍ വരുമോയെന്നും സുധാകരന്‍ ചോദിച്ചു. ചര്‍ച്ചയില്‍ നെഹ്‌റു കോളജിന്റെ വിദ്യാര്‍ത്ഥി വിരുദ്ധ നിലപാടിനെതിരെ ശക്തമായ വിമര്‍ശനം ഉന്നയിച്ചിട്ടുണ്ട്. നെഹ്‌റു കോളജ് ഉടമ കൃഷ്ണദാസ് കോണ്‍ഗ്രസ് പ്രവര്‍ത്തകനാണ്. നെഹ്‌റുവിന്റെ പേരില്‍ കോളജ് സ്ഥാപിക്കാന്‍ അദ്ദേഹം ഏറെ ത്യാഗം സഹിച്ചിട്ടുണ്ടെന്നും സുധാകരന്‍ പറഞ്ഞു.
കെ സുധാകരന് രാഷ്ട്രീയമുണ്ട്. അതുകൊണ്ട് കോണ്‍ഗ്രസുകാരന് വേണ്ടി താന്‍ ചര്‍ച്ചക്ക് പോകും. എന്നാല്‍ സിപിഎം കുടുംബമായിട്ട് കൂടി മുഖ്യമന്ത്രി പിണറായി വിജയന്‍ എന്തുകൊണ്ടാണ് ജിഷ്ണുവിന്റെ കുടുംബത്തെ കാണാന്‍ പോകാതിരുന്നത്. ഇക്കാര്യം മഹിജ പറയാത്തത് എന്തുകൊണ്ടാണെന്നും സുധാകരന്‍ ചോദിച്ചു.

LIVE NEWS - ONLINE

  • 1
    1 min ago

    കണ്ണൂര്‍ ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി

  • 2
    1 hour ago

    ഷീലാ ദീക്ഷിതിന്റെ മൃതദേഹം ഔദ്യോഗിക ബഹുമതികളോടെ സംസ്‌കരിച്ചു

  • 3
    4 hours ago

    മത്സ്യത്തൊഴിലാളികള്‍ കടലില്‍ പോകരുതെന്ന് മുന്നറിയിപ്പ്

  • 4
    9 hours ago

    ഷീല ദീക്ഷിതിന്റെ സംസ്‌കാരം ഇന്ന്

  • 5
    10 hours ago

    എയര്‍ ഇന്ത്യയിലെ നിയമനങ്ങളും സ്ഥാനക്കയറ്റവും നിര്‍ത്തിവെക്കാന്‍ സര്‍ക്കാര്‍ നിര്‍ദേശം

  • 6
    12 hours ago

    കനത്ത മഴ: ഒരു മരണംകൂടി

  • 7
    13 hours ago

    കലാലയങ്ങളില്‍ പെരുമാറ്റച്ചട്ടം കൊണ്ടുവരണമെന്ന് ഗവര്‍ണര്‍

  • 8
    1 day ago

    ഷീല ദീക്ഷിത് കോണ്‍ഗ്രസ് പാര്‍ട്ടിയുടെ മാനസപുത്രി; രാഹുല്‍ ഗാന്ധി

  • 9
    1 day ago

    ഇന്‍ഡൊനീഷ്യന്‍ ഓപ്പണ്‍; പി.വി.സിന്ധു ഫൈനലില്‍