Friday, October 19th, 2018

നടിയെ ആക്രമിച്ച കേസ്; സി.ബി.ഐ അന്വേഷണം ആവശ്യപ്പെട്ട് ദിലീപിന്റെ ഹരജി

ഹരജി അടുത്ത ദിവസം കോടതി പരിഗണിക്കും.

Published On:Jun 13, 2018 | 4:40 pm

കൊച്ചി: നടിയെ ആക്രമിച്ച കേസില്‍ സി.ബി.ഐ അന്വേഷണം ആവശ്യപ്പെട്ട് നടന്‍ ദിലീപ് ഹൈക്കോടതിയില്‍ ഹരജി നല്‍കി. സംസ്ഥാന പോലീസിന്റെ അന്വേഷണത്തില്‍ അതൃപ്തി രേഖപ്പെടുത്തി അഭിഭാഷകന്‍ മുഖേനയാണ് ഹരജി നല്‍കിയത്.
സംസ്ഥാന പോലീസ് അന്വേഷണം പക്ഷപാതപരമായിരുന്നെന്നും പ്രതിയുടെ മൊഴിയുടെ അടിസ്ഥാനത്തിലാണ് തന്നെ പ്രതി ചേര്‍ത്തിരിക്കുന്നതെന്നും ദിലീപ് ഹരജിയില്‍ പറയുന്നു. തനിക്കെതിരെ കാര്യമായ തെളിവുകളില്ല. പോലീസ് അന്വേഷണത്തില്‍ വിശ്വാസമില്ല. സി.ബി.ഐ അന്വേഷിച്ചാല്‍ മാത്രമെ സത്യം പുറത്തുവരികയുള്ളൂ. അതുകൊണ്ട് കേന്ദ്ര ഏജന്‍സിയെ കൊണ്ട് അന്വേഷിപ്പിക്കണമെന്നും ദിലീപ് ഹരജിയില്‍ ആവശ്യപ്പെടുന്നു. ഹരജി അടുത്ത ദിവസം കോടതി പരിഗണിക്കും.
എന്നാല്‍ ദിലീപിന്റെ നീക്കം വിചാരണ നീട്ടാനുള്ള തന്ത്രമാണെന്നാണ് അന്വേഷണം സംഘവും പ്രോസിക്യൂഷനും വിലയിരുത്തുന്നത്. കേസുമായി ബന്ധപ്പെട്ട ചില ഹരജികള്‍ പരിഗണിക്കുന്നതിന് പ്രത്യേക കോടതി വേണമെന്നാവശ്യപ്പെട്ടു കൊണ്ട് നടിയടക്കമുള്ളവര്‍ ജില്ലാ കോടതിയെ സമീപിച്ചിരുന്നു. ഇതിന്റെ വിധി 18ാം തീയതി വരികയാണ്. അങ്ങനെ വന്നാല്‍ 18ന് ശേഷം തന്നെ കേസ് വിചാരണ നടപടിയിലേക്ക് പോകാന്‍ കോടതി നിര്‍ദേശിക്കും. ഈ സാഹചര്യത്തില്‍ വിചാരണ നടക്കുന്നത് ഒഴിവാക്കുക എന്ന ഉദ്ദേശത്തോടുകൂടിയാണ് ദിലീപിന്റെ നീക്കം.

 

LIVE NEWS - ONLINE

  • 1
    2 hours ago

    പഞ്ചാബില്‍ ട്രെയിന്‍ ഇടിച്ച് 50 പേര്‍ മരിച്ചു

  • 2
    3 hours ago

    ശബരിമലയിലെ നിരോധനാജ്ഞ തിങ്കളാഴ്ച വരെ നീട്ടി

  • 3
    4 hours ago

    ആര്‍എസ്എസിന്റെ അജണ്ട മനസ്സിലാക്കാതെ സര്‍ക്കാര്‍ പ്രവര്‍ത്തിക്കുന്നുവെന്ന് ചെന്നിത്തല

  • 4
    6 hours ago

    ബി.ജെ.പിയും കോണ്‍ഗ്രസും റിവ്യൂ ഹരജി നല്‍കണം: കോടിയേരി

  • 5
    7 hours ago

    രഹ്ന ഫാത്തിമ മുസ്ലിം നാമധാരി മാത്രമം; കുഞ്ഞാലിക്കുട്ടി

  • 6
    8 hours ago

    ദിലീപ് അമ്മയില്‍ നിന്ന് രാജിവെച്ചു: മോഹന്‍ലാല്‍

  • 7
    9 hours ago

    ആചാരാനുഷ്ഠാനങ്ങള്‍ക്ക് ഭംഗം വരുന്ന നടപടികള്‍ ഉപേക്ഷിക്കണം

  • 8
    10 hours ago

    വിശ്വാസികളുടെ വികാരം വ്രണപ്പെടുത്തി; പോലീസ് പരാജം; ചെന്നിത്തല

  • 9
    10 hours ago

    വിശ്വാസികളുടെ വികാരം വ്രണപ്പെടുത്തി; പോലീസ് പരാജം; ചെന്നിത്തല