Friday, May 25th, 2018

ഡയപ്പര്‍ റാഷ് എങ്ങനെ പരിഹരിക്കാം?…

ഡയപ്പര്‍ റാഷ് കണ്ടാല്‍ പിന്നെ കുഞ്ഞിന് ഒരു കാരണവശാലും ഡയപ്പര്‍ ധരിപ്പിക്കരുത്

Published On:Feb 6, 2018 | 12:06 pm

കുട്ടികളില്‍ കാണുന്ന പ്രശ്‌നമാണ് ഡയപ്പര്‍ റാഷ്. കുട്ടികളില്‍ ഡയപ്പര്‍ ഉപയോഗിക്കുമ്പോള്‍ അത് ശരീരത്തിന്റെ ഭാഗത്ത് ചുവന്ന തടിപ്പുകള്‍ ഉണ്ടാക്കുന്നു. ആദ്യം ഇതിന്റെ ഭാഗമായി ചുവന്ന നിറത്തിലുള്ള കുരുക്കളാണ് ഉണ്ടാവുന്നത്. പിന്നീട് കൂടുതല്‍ പ്രശ്‌നമുണ്ടാക്കുന്നു, ഇതാണ് ഡയപ്പര്‍ റാഷ്. ഡയപ്പര്‍ റാഷ് കണ്ടാല്‍ പിന്നെ കുഞ്ഞിന് ഒരു കാരണവശാലും ഡയപ്പര്‍ ധരിപ്പിക്കരുത്. കാരണം കുഞ്ഞിന് ഇത് ആരോഗ്യപ്രശ്‌നവും അസ്വസ്ഥതയും ഉണ്ടാക്കും.
കുഞ്ഞിന്റെ ആരോഗ്യകാരത്തില്‍ ഒരുപാട് ശ്രദ്ധിക്കേണ്ടതാണ്. അതു കൊണ്ടു തന്നെ ഡയപ്പര്‍ വാങ്ങിക്കുമ്പോള്‍ അമ്മമാര്‍ ശ്രദ്ധിക്കണം. കൂടാതെ മൂന്നോ നാലോ മണിക്കൂര്‍ കൂടുമ്പോള്‍ ഡയപ്പറുകള്‍ മാറ്റേണ്ടത് അത്യാവശ്യമാണ്. അല്ലെങ്കില്‍ അത് കുഞ്ഞുങ്ങളില്‍ ഗുരുതരമായ ആരോഗ്യ പ്രശ്നങ്ങള്‍ ഉണ്ടാക്കും. കുഞ്ഞിന്റെ കാലുകള്‍ക്കിടയിലാണ് ഡയപ്പര്‍ റാഷ് കാണുന്നതെങ്കില്‍ ഡയപ്പര്‍ മുറുക്കിക്കെട്ടുന്നത് മൂലമാണ് ഇത്തരത്തില്‍ ഉണ്ടാകുന്നതെന്ന് മനസിലാക്കാം. കുട്ടികളിലെ ഡയപ്പര്‍ റാഷ് പരിഹരിക്കാന്‍ ചില വഴികളുണ്ട്.
ഒലീവ് ഓയില്‍ ഉപയോഗിക്കുന്നത് കുട്ടികളിലെ ഡയപ്പര്‍ റാഷിന് ഉത്തമ പരിഹാരം നല്‍കുന്ന ഒന്നാണ്. ഇത് കുഞ്ഞിന്റെ ചര്‍മ്മം മൃദുവാകാനും സഹായിക്കുന്നു. അതുപോലെ വെളിച്ചെണ്ണ ഉപയോഗിക്കുന്നതും നല്ലതാണ്. വെളിച്ചെണ്ണ അല്‍പം എടുത്ത് റാഷസ് ഉള്ള ഭാഗങ്ങളില്‍ തേച്ച് പിടിപ്പിക്കുക. ഇത് റാഷസ് മാറ്റുന്നു. അല്‍പം കറ്റാര്‍ വാഴ നീര് എടുത്ത് ഇത് ഡയപ്പര്‍ റാഷ് ഉള്ള സ്ഥലത്ത് തേച്ച് പിടിപ്പിക്കാം. ഇത്തരത്തില്‍ ചെയ്യുന്നത് എല്ലാ തരത്തിലും കുട്ടികളില്‍ ഉണ്ടാവുന്ന ചര്‍മ്മ അലര്‍ജിയെ ചെറുക്കുന്നു.
ഡയപ്പര്‍ റാഷ് ഉള്ള സ്ഥലങ്ങളില്‍ അല്‍പം മുലപ്പാല്‍ തേച്ച് പിടിപ്പിക്കുന്നതും ഗുണം ചെയ്യും. ചര്‍മ്മ പ്രശ്നങ്ങളില്‍ നിന്ന് കുഞ്ഞുങ്ങളെ രക്ഷിക്കുന്ന ഏറ്റവും മികച്ച വഴിയാണിത്. ഡയപ്പര്‍ കുട്ടിക്ക് വലിയ പ്രശ്‌നമാണ് ഉണ്ടാക്കുന്നതെങ്കില്‍ ഡയപ്പര്‍ ഉപയോഗിക്കുന്നതിനു പകരം തുണി ഉപയോഗിക്കാം. ഇത് കുട്ടികളില്‍ അസ്വസ്ഥത ഉണ്ടാക്കില്ല, കുഞ്ഞിന്റെ ആരോഗ്യത്തിന് പ്രശ്‌നമുണ്ടാക്കില്ല. കുട്ടികളെ ചൂടുവെള്ളത്തില്‍ കുളിപ്പിക്കുന്നത് ഡയപ്പര്‍ റാഷ് പോലുള്ള പ്രശ്നങ്ങള്‍ക്ക് വളരെയധികം പരിഹാരം നല്‍കുന്നു. ഇളം ചൂടുവെള്ളത്തില്‍ കുളിക്കുന്നത് ഫംഗസ് അണുബാധയേയും ഇല്ലാതാക്കുന്നു.

LIVE NEWS - ONLINE

  • 1
    2 mins ago

    തട്ടിപ്പ് കേസില്‍ പതിനഞ്ച് വര്‍ഷത്തിന് ശേഷം വിധി; പ്രതികളെ വെറുതെവിട്ടു

  • 2
    4 mins ago

    ഭര്‍തൃമതിയെ മയക്കി കിടത്തി പീഡിപ്പിച്ചു; യുവാവിനെതിരെ കേസ്

  • 3
    9 mins ago

    ഹൈക്കോടതി നടപടികളില്‍ അതൃപ്തി അറിയിച്ച് ജസ്റ്റിസ് കമാല്‍പാഷ

  • 4
    36 mins ago

    കശ്മീരില്‍ തീവ്രവാദികള്‍ ഒരാളെ കഴുത്തറുത്ത് കൊന്നു

  • 5
    47 mins ago

    ഗ്രൂപ്പ് വീഡിയോ കോള്‍ സംവിധാനവുമായി വാട്‌സ്ആപ്പ് വരുന്നു.!

  • 6
    1 hour ago

    സലാലയില്‍ മെകുനു ചുഴലിക്കാറ്റ് തീരത്തോടടുക്കുന്നു

  • 7
    1 hour ago

    ട്രംപിന്റെ പിന്മാറ്റം ഖേദകരം: ഉത്തര കൊറിയ

  • 8
    1 hour ago

    വൈല്‍ഡ് കാര്‍ഡ് എന്‍ട്രിയുമായി വില്യംസ് സഹോദരിമാര്‍

  • 9
    1 hour ago

    നീരാളിയില്‍ വീരപ്പയായി സുരാജ് വെഞ്ഞാറമൂട്