Thursday, September 20th, 2018

അറബിക്കടലിലെ സുന്ദരി വിളിക്കുന്നു…

വിദേശ ടൂറിസറ്റുകളെ കൂടി ആകര്‍ഷിക്കാനായാല്‍ രാജ്യത്തെ തന്നെ മികച്ച വിനോദ സഞ്ചാര കേന്ദ്രമായി ധര്‍മ്മടം തുരുത്ത് മാറിയേക്കും.

Published On:Aug 12, 2017 | 10:52 am

അറബിക്കടലിലൊരു സുന്ദരിയുണ്ട്… ധര്‍മ്മടം തുരുത്ത്. ആരെയും വശീകരിക്കുന്ന പ്രകൃതി സൗന്ദര്യവും കടലിന്റെ മനോഹാരിതയും അനുഭവിച്ചറിയണമെങ്കില്‍ ഈ തുരുത്തിലെത്തണം. കേരളത്തില്‍ മറ്റൊരിടത്തും കാണാത്ത പ്രത്യേകതകളുള്ള ഈ ദ്വീപിന് അപരിചിതരെപോലും തന്നിലേക്കാകര്‍ഷിക്കാനുള്ള കഴിവുണ്ട്.
മലബാര്‍ തീരങ്ങളുടെ പൂര്‍ണമായ സൗന്ദര്യമാണ് ധര്‍മ്മടം തുരുത്ത്. കണ്ണൂര്‍ ജില്ലയില്‍ തലശ്ശേരിയില്‍ നിന്ന് 4 കിലോമീറ്റര്‍ അകലെ ധര്‍മ്മടം എന്ന കടലോര ഗ്രാമത്തിലാണ് ഈ ദ്വീപുള്ളത്. അറബിക്കടലിന്റെ മടിത്തട്ടിലേക്ക് ചേര്‍ന്നാണ് ഈ ദ്വീപിന്റെ കിടപ്പ്്. അഞ്ച് എക്കറിലായാണ് ഇത് സ്ഥിതിചെയ്യുന്നത്.
നദികളും കടല്‍ത്തീരവും അതിര്‍ത്തികളൊരുക്കുന്ന ധര്‍മ്മടം ദ്വീപ് കേരവൃക്ഷാലംകൃതമാണ്. നിശബ്ദമായ പകലുകളും നിലവില്‍ കുളിച്ച രാത്രികളുമാണ് ധര്‍മ്മടം ദ്വീപിന്റെ പ്രത്യേകത. ചരിത്രപരമായും ധര്‍മ്മടം ദ്വീപിന് പ്രാധാന്യമുണ്ട്. അറക്കല്‍ ആലി രാജയും ഇംഗ്ലീഷുകാരും ഈ ദീപിന്റെ ഉടമസ്ഥാവകാശത്തിനായി പോരാടിയിട്ടുണ്ട്. തുരുത്തിനകത്ത് കൊട്ടാരം നിലനിന്നതായി സൂചനയുണ്ട്. ഇവിടെ ഇപ്പോഴും കാണുന്ന കെട്ടിടാവശിഷ്ടങ്ങള്‍ ഈ വാദത്തിന് ബലമേകുന്നതാണ്.
നരവധി ആളുകള്‍ ഈ ദ്വീപ് സന്ദര്‍ശിക്കാനായി എത്താറുണ്ട്. എന്നാല്‍ വേലിയിറക്ക സമയത്ത് മാത്രമെ ഇവിടേക്ക് പോകുവാന്‍ കഴിയുകയുള്ളൂ. വിനോദസഞ്ചാര കേന്ദ്രം എന്ന പരിവേഷം ചാര്‍ത്തികിട്ടിയ കേരളത്തിന്റെ പല കടലോര മേഖലകള്‍ക്കും അമിതമായ കച്ചവടവല്‍ക്കരണത്തിന്റെ ഫലമായി മനോഹാരിത നഷ്ടപ്പെട്ടപ്പോള്‍ അങ്ങനെയുള്ള യാതൊരു കേടുപാടുകളും ഈ തുരുത്തിന് സംഭവിച്ചിട്ടില്ല. മതിയാ യാത്രാസൗകര്യമൊരുക്കി വിദേശ ടൂറിസറ്റുകളെ ആകര്‍ഷിക്കാനായാല്‍ രാജ്യത്തെ തന്നെ മികച്ച വിനോദ സഞ്ചാര കേന്ദ്രമായി ധര്‍മ്മടം തുരുത്ത് മാറിയേക്കും.

LIVE NEWS - ONLINE

  • 1
    34 mins ago

    ട്രെയിനില്‍ നിന്ന് തെറിച്ചുവീണ യുവാവിന്റെ നില ഗുരുതരം

  • 2
    1 hour ago

    മുത്തലാഖ് തടയിടാന്‍ കേന്ദ്രം

  • 3
    2 hours ago

    പാര്‍ട്ടി കൂടുതല്‍ ശക്തിപ്പെടും: ചെന്നിത്തല

  • 4
    2 hours ago

    ഫെയ്‌സ് ബുക്ക് പ്രണയം യുവാവിനെ തേടി ഭര്‍തൃമതി കതിരൂരില്‍

  • 5
    3 hours ago

    ആര്‍ എസ് എസ് പ്രവര്‍ത്തകനെ വെട്ടിക്കൊന്ന കേസ്; 20 വര്‍ഷം കഴിഞ്ഞിട്ടും വിചാരണക്കെത്തിയില്ല

  • 6
    4 hours ago

    ബെന്നിബെഹനാന്‍ യുഡിഎഫ് കണ്‍വീനര്‍

  • 7
    5 hours ago

    സംസ്ഥാനത്ത് പെട്രോളിന് വീണ്ടും വില വര്‍ധിച്ചു

  • 8
    5 hours ago

    അഭിമന്യു വധം; ക്യാമ്പസ് ഫ്രണ്ട് നേതാവ് കീഴടങ്ങി

  • 9
    5 hours ago

    ജലന്ധര്‍ ബിഷപ്പിനെ ഇന്ന് അറസ്റ്റ് ചെയ്‌തേക്കും