Thursday, September 20th, 2018

ഡി സിനിമാസ് രേഖകള്‍ ഹാജരാക്കാന്‍ ദിലീപിന് നോട്ടീസ്

തൃശ്ശൂര്‍: ചാലക്കുടിയില്‍ നടന്‍ ദിലീപിന്റെ ഉടമസ്ഥതയിലുള്ള ഡി സിനിമാസ് നിര്‍മിച്ചത് സര്‍ക്കാര്‍ ഭൂമി കയ്യേറിയാണെന്ന പരാതിയില്‍ രേഖകള്‍ ഹാജരാക്കാന്‍ നോട്ടീസ്.ജില്ലാ സര്‍വെ സൂപ്രണ്ടാണ് ദിലീപടക്കം ഏഴു പേര്‍ക്ക് നോട്ടീസ് അയച്ചത്. ഡി സിനിമാസ് അളന്നു തിട്ടപ്പെടുത്താനും റവന്യൂ വകുപ്പ് തീരുമാനിച്ചിട്ടുണ്ട്. ഈ മാസം 27നാണ് കെട്ടിടം അളന്ന് തിട്ടപ്പെടുത്തുക. ദിലീപിന്റെ ഭൂമിയുടെ പരസരത്തുള്ള ആറു പേരാണ് നോട്ടീസ് ലഭിച്ചിട്ടുള്ള മറ്റ് ആറു പേര്‍. സ്ഥലം അളക്കുന്ന സമയത്ത് ദിലീപോ പ്രതിനിധിയോ സ്ഥലത്തുണ്ടായിരിക്കണമെന്നും നോട്ടീസില്‍ നിര്‍ദ്ദേശിച്ചിട്ടുണ്ട്. നേരത്തെ ഉയര്‍ന്ന … Continue reading "ഡി സിനിമാസ് രേഖകള്‍ ഹാജരാക്കാന്‍ ദിലീപിന് നോട്ടീസ്"

Published On:Jul 19, 2017 | 9:56 am

തൃശ്ശൂര്‍: ചാലക്കുടിയില്‍ നടന്‍ ദിലീപിന്റെ ഉടമസ്ഥതയിലുള്ള ഡി സിനിമാസ് നിര്‍മിച്ചത് സര്‍ക്കാര്‍ ഭൂമി കയ്യേറിയാണെന്ന പരാതിയില്‍ രേഖകള്‍ ഹാജരാക്കാന്‍ നോട്ടീസ്.ജില്ലാ സര്‍വെ സൂപ്രണ്ടാണ് ദിലീപടക്കം ഏഴു പേര്‍ക്ക് നോട്ടീസ് അയച്ചത്. ഡി സിനിമാസ് അളന്നു തിട്ടപ്പെടുത്താനും റവന്യൂ വകുപ്പ് തീരുമാനിച്ചിട്ടുണ്ട്. ഈ മാസം 27നാണ് കെട്ടിടം അളന്ന് തിട്ടപ്പെടുത്തുക. ദിലീപിന്റെ ഭൂമിയുടെ പരസരത്തുള്ള ആറു പേരാണ് നോട്ടീസ് ലഭിച്ചിട്ടുള്ള മറ്റ് ആറു പേര്‍. സ്ഥലം അളക്കുന്ന സമയത്ത് ദിലീപോ പ്രതിനിധിയോ സ്ഥലത്തുണ്ടായിരിക്കണമെന്നും നോട്ടീസില്‍ നിര്‍ദ്ദേശിച്ചിട്ടുണ്ട്.
നേരത്തെ ഉയര്‍ന്ന പരാതിയില്‍ അന്നത്തെ കലക്ടറായിരുന്ന എം എസ് ജയ അന്വേഷിച്ച് സമര്‍പ്പിച്ച റിപ്പോര്‍ട്ട് ദിലീപിന് അനുകൂലമായിരുന്നു. ഇതിനെതിരെ പരാതിക്കാര്‍ കോടതിയെ സമീപിച്ചിരുന്നു.
ഡി സിനിമാസ് രേഖകള്‍ സങ്കീര്‍ണമാണെന്ന് പ്രതികരിച്ച റവന്യു മന്ത്രി ചന്ദ്രശേഖരന്‍ അടിയന്തരമായി പരിശോധിച്ച് നടപടി കൈക്കൊള്ളാന്‍ ജില്ലാ ഭരണകൂടത്തിന് നിര്‍ദ്ദേശം നല്‍കിയിരുന്നു. ഇതേ തുടര്‍ന്നാണ് ഇപ്പോള്‍ ഭൂമി അളക്കാന്‍ തീരുമാനിച്ചത്.
ചാലക്കുടിയില്‍ ഡി സിനിമാസ് തിയറ്റര്‍ നിര്‍മ്മിച്ചത് കയ്യേറ്റ ഭൂമിയിലാണെന്ന് ചൂണ്ടിക്കാട്ടി സന്തോഷ് എന്നയാള്‍ 2015 ജൂണ്‍ 11ന് ലാന്റ്് റവന്യൂ കമ്മിഷണര്‍ക്ക് പരാതി നല്‍കിയിരുന്നു. ഇത് പരിശോധിക്കാന്‍ അദ്ദേഹം കളക്ടര്‍ക്കു കൈമാറി. എന്നാല്‍ ദിലീപിന് അനുകൂലമായ തീരുമാനമാണ് അന്നത്തെ കളക്ടര്‍ എടുത്തത്. കളക്ടറുടെ തീരുമാനത്തില്‍ പിഴവുണ്ടെന്നു കണ്ട് അത് ലാന്റ് റവന്യൂ കമ്മിഷണര്‍ റദ്ദാക്കി. തുടര്‍ന്ന് വിശദമായ അന്വേഷണം നടത്താന്‍ കളക്ടറോട് ആവശ്യപ്പെട്ടെങ്കിലും നടപടികള്‍ ഇഴഞ്ഞു നീങ്ങുകയായിരുന്നു. സര്‍വേ റിപ്പോര്‍ട്ട് അനുസരിച്ച് വലിയ കോയിത്തമ്പുരാന്‍ കോവിലകത്തിന്റെ പേരിലും കണ്ണമ്പുഴ ഭഗവതി ദേവസ്വത്തിന്റെ പേരിലുമാണ് ഈ ഭൂമി. ഇതില്‍ 35 സെന്റ് തോട് പുറമ്പോക്ക് ആണ്. 17.5 സെന്റ് പലരില്‍ നിന്നായി വാങ്ങിയെന്നാണ് പറയപ്പെടുന്നത്. അവര്‍ക്ക് ഈ ഭൂമി എങ്ങനെ സ്വന്തമായെന്നും എങ്ങനെ ഇത് പോക്കുവരവു ചെയ്ത് കരം അടച്ചെന്നും വ്യക്തമല്ല. ഇതിന്റെ പല രേഖകളും കാണാനില്ല. ശേഷിക്കുന്ന സ്ഥലത്തിന്റെ ഉടമസ്ഥാവകാശം സംബന്ധിച്ചും സംശയം നിലനില്‍ക്കുന്നു.

 

LIVE NEWS - ONLINE

  • 1
    2 hours ago

    ബിഷപ്പിന്റെ അറസ്റ്റ് ഇന്നുമില്ല; ചോദ്യം ചെയ്യല്‍ നാളെയും തുടരും

  • 2
    2 hours ago

    ബിഷപ്പിന്റെ അറസ്റ്റിനായി പോലീസ് നിയമോപദേശം തേടി

  • 3
    5 hours ago

    ജനാധിപത്യ മതേതര മൂല്യങ്ങളില്‍ വിട്ടുവീഴ്ച ഉണ്ടാകില്ല: മുല്ലപ്പള്ളി

  • 4
    5 hours ago

    ഉള്‍പ്പാര്‍ട്ടി ജനാധിപത്യവും അച്ചടക്കവും ഉറപ്പാക്കും: മുല്ലപ്പള്ളി

  • 5
    7 hours ago

    ട്രെയിനില്‍ നിന്ന് തെറിച്ചുവീണ യുവാവിന്റെ നില ഗുരുതരം

  • 6
    8 hours ago

    മുത്തലാഖ് തടയിടാന്‍ കേന്ദ്രം

  • 7
    9 hours ago

    പാര്‍ട്ടി കൂടുതല്‍ ശക്തിപ്പെടും: ചെന്നിത്തല

  • 8
    9 hours ago

    ഫെയ്‌സ് ബുക്ക് പ്രണയം യുവാവിനെ തേടി ഭര്‍തൃമതി കതിരൂരില്‍

  • 9
    9 hours ago

    ആര്‍ എസ് എസ് പ്രവര്‍ത്തകനെ വെട്ടിക്കൊന്ന കേസ്; 20 വര്‍ഷം കഴിഞ്ഞിട്ടും വിചാരണക്കെത്തിയില്ല