Wednesday, December 12th, 2018

സിസി ടിവി തുണയായി; അന്തര്‍സംസ്ഥാന പോക്കറ്റടി വീരന്‍ പിടിയില്‍

കേരളത്തിനകത്തും പുറത്തും നിരവധി മോഷണ കേസുകളില്‍ പ്രതിയാണ് ഇയാള്‍.

Published On:Apr 9, 2018 | 11:15 am

കൂത്തുപറമ്പ്: പാനൂരിലെ വ്യാപാരിയുടെ പോക്കറ്റടിച്ച അന്തര്‍ സംസ്ഥാന മോഷ്ടാവ് കൂത്തുപറമ്പ് പോലീസിന്റെ പിടിയിലായി. തില്ലങ്കേരി പനക്കാട് തെരുവിലെ കുന്നോത്ത് ഭാസ്‌കര (43) നാണ് പിടിയിലായത്. പാനൂരിലെ വ്യാപാരിയും സാമൂഹിക പ്രവര്‍ത്തകനുമായ ഒ ടി നവാസിന്റെ പോക്കറ്റടിച്ച കേസിലാണ് ഭാസ്‌കരന്‍ പിടിയിലായത്.
ഇക്കഴിഞ്ഞ 4ന് വൈകുന്നരം 7 മണിയോടെയാണ് കേസിനാസ്പദമായ സംഭവം. മട്ടന്നൂരിലേക്ക് പോകാനായി കൂത്തുപറമ്പ് ബസ് സ്റ്റാന്റില്‍ നിന്നും ഇരിട്ടി ബസില്‍ കയറവെയാണ് സ്റ്റാന്റില്‍ നിലയുറപ്പിച്ചിരുന്ന ഭാസ്‌കരന്‍ നവാസിന്റെ പോക്കറ്റടിക്കുന്നത്. 26,500 രൂപ, എ ടി എം, കാര്‍ഡ്, ലൈസന്‍സ്, പാന്‍, ആധാര്‍ കാര്‍ഡുകള്‍ തുടങ്ങിയവയടങ്ങിയ പഴ്‌സാണ് കവര്‍ച്ച ചെയ്തത്. നവാസിന്റെ പരാതിയില്‍ അന്വേഷണം തുടങ്ങിയ കൂത്തുപറമ്പ് എസ് ഐ കെ വി നിഷിത്തും സംഘവും ബസ് സ്റ്റാന്റിലെ സി സി ടി വി ദൃശ്യങ്ങള്‍ പരിശോധിച്ചാണ് മോഷ്ടാവിനെ തിരിച്ചറിഞ്ഞത്. തുടര്‍ന്ന് ഭാസ്‌കരന്റെ തില്ലങ്കേരിയിലെ വീട്ടില്‍ നടത്തിയ പരിശോധനയില്‍ പഴ്‌സും പണവും കണ്ടെത്തുകയായിരുന്നു.
കേരളത്തിനകത്തും പുറത്തും നിരവധി മോഷണ കേസുകളിലും പോക്കറ്റടിക്കേസിലും ഇയാള്‍ പ്രതിയാണെന്ന് പൊലീസിന്റെ അന്വേഷണത്തില്‍ വ്യക്തമായിട്ടുണ്ട്. ഒരു കേസില്‍ വടകര കോടതിയില്‍ ഹാജരായി മടങ്ങി വരുംവഴിയാണ് കൂത്തുപറമ്പില്‍ നിന്നും ഇയാള്‍ പോക്കറ്റടിച്ചത്. ഇയാളെ കോടതിയില്‍ ഹാജരാക്കി. പിടികൂടിയ സംഘത്തില്‍ എസ് ഐ കെ വി നിഷിത്ത്, സീനിയര്‍ സിവില്‍ പോലീസ് ഓഫീസര്‍മാരായ അനില്‍കുമാര്‍, സൗജത്ത്, സിവില്‍ പോലീസ് ഓഫീസര്‍മാരായ രാജേഷ്, സുധി, പ്രവീന്ദ്രന്‍ എന്നിവരാണ് ഉണ്ടായത്.

 

LIVE NEWS - ONLINE

  • 1
    3 hours ago

    വനിതാ മതിലില്‍ സര്‍ക്കാര്‍ ജീവനക്കാരെ നിര്‍ബന്ധിച്ച് പങ്കെടുപ്പിക്കില്ലെന്ന് ധനമന്ത്രി

  • 2
    5 hours ago

    ശബരിമലയിലെ നിരോധനാജ്ഞ നീട്ടി

  • 3
    6 hours ago

    കമല്‍നാഥ് മധ്യപ്രദേശ് മുഖ്യമന്ത്രിയായേക്കും

  • 4
    9 hours ago

    ശബരിമലയിലെ ബാരിക്കേഡുകള്‍ പൊളിച്ചു നീക്കണം: ഹൈക്കോടതി

  • 5
    11 hours ago

    ഗ്രാമീണരെ അവഗണിച്ചത് കേന്ദ്ര സര്‍ക്കാറിന് വിനയായി

  • 6
    13 hours ago

    ആലുവ കൂട്ടക്കൊല; പ്രതി ആന്റണിയുടെ വധശിക്ഷ ജീവ പര്യന്തമാക്കി

  • 7
    14 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 8
    14 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 9
    14 hours ago

    മധ്യപ്രദേശില്‍ തന്ത്രങ്ങള്‍ മെനഞ്ഞ് ബിജെപിയും; ഗവര്‍ണറെ കാണും