Sunday, January 20th, 2019

പോലീസുകാരന്റെ വീടിന് നേരെ ബോംബേറ്; ക്രൈംബ്രാഞ്ച് അന്വേഷണം തുടങ്ങി

പോലീസ് ഡ്രൈവറായിരുന്ന മാങ്ങാട്ടിടത്തെ കെ പി സുനില്‍കുമാറിന്റെ വീടിനുനേരെ ബോംബെറിഞ്ഞ കേസിലാണ് കണ്ണൂര്‍ ക്രൈംബ്രാഞ്ച് അന്വേഷണം തുടങ്ങിയത്.

Published On:Oct 18, 2017 | 10:01 am

കൂത്തുപറമ്പ്: മൂന്ന് വര്‍ഷം മുമ്പ് സിവില്‍ പോലീസ് ഓഫീസറുടെ വീടിനുനേരെ ബോംബേറിയുകയും കാര്‍ കത്തിക്കുകയും ചെയ്ത സംഭവത്തില്‍ ക്രൈംബ്രാഞ്ച് അന്വേഷണം ആരംഭിച്ചു. കൂത്തുപറമ്പ് സ്റ്റേഷനിലെ പോലീസ് ഡ്രൈവറായിരുന്ന മാങ്ങാട്ടിടത്തെ കെ പി സുനില്‍കുമാറിന്റെ വീടിനുനേരെ ബോംബെറിഞ്ഞ കേസിലാണ് കണ്ണൂര്‍ ക്രൈംബ്രാഞ്ച് അന്വേഷണം തുടങ്ങിയത്. ക്രൈംബ്രാഞ്ച് കേസന്വേഷണം ഏറ്റെടുത്തതോടെ അന്വേഷണ സംഘം സുനില്‍കുമാറിന്റെ വീട്ടിലെത്തുകയും സംഭവത്തെക്കുറിച്ച് വീട്ടുകാരില്‍ നിന്നും മൊഴിയെടുക്കുകയും ചെയ്തിട്ടുണ്ട്.
സംഭവം നടന്ന് മൂന്ന് വര്‍ഷവും മൂന്ന് മാസവും പിന്നിട്ടിട്ടും കേസന്വേഷണം എങ്ങുമെത്താത്ത സാഹചര്യത്തില്‍ സുനില്‍കുമാറിന്റെ ഭാര്യ ടി പ്രസീത മുഖ്യമന്ത്രി പിണറായി വിജയനും സംസ്ഥാന പോലീസ് മേധാവി ലോക്‌നാഥ് ബെഹ്‌റക്കും നല്‍കിയ പരാതിയെ തുടര്‍ന്നാണ് കേസന്വേഷണം ക്രൈംബ്രാഞ്ചിന് കൈമാറാന്‍ നടപടി ഉണ്ടായത്.
2014 ജൂലൈ 1നായിരുന്നു സുനില്‍കുമാറിന്റെ മാങ്ങാട്ടിടം ശങ്കരനെല്ലൂരിലെ വീടിനുനേരെ സ്റ്റീല്‍ ബോംബുകളും പെട്രോള്‍ബോംബും എറിഞ്ഞത്. സംഭവ സമയം സുനില്‍കുമാര്‍ കൂത്തുപറമ്പ് സ്റ്റേഷനില്‍ ഡ്യൂട്ടിയിലായിരുന്നു. ശബ്ദം കേട്ട് സുനില്‍കുമാറിന്റെ ഭാര്യ പ്രസീതയും മകളും പുറത്തേക്ക് നോക്കിയപ്പോള്‍ പോര്‍ച്ചിലെ കാറിന്റെ പിറകില്‍ നിന്നും തീ ആളിക്കത്തുന്നത് കണ്ടു. ഉടന്‍ പുറത്തിറങ്ങി വെള്ളമൊഴിച്ച് തീ കെടുത്തിയതിനാല്‍ വന്‍ ദുരന്തമൊഴിവായി. ബോംബേറില്‍ വീടിന്റെ ജനല്‍ ഗ്ലാസുകള്‍ തകരുകയും കാറിനും വീടിന്റെ ചുമരിനും കേടുപാടുകള്‍ സംഭവിക്കുകയും ചെയ്തു.
കേസന്വേഷണത്തിന്റെ ഭാഗമായി നിരവധി പേരില്‍ നിന്നും പോലീസ് മൊഴിയെടുക്കുകയും നിരവധി പേരുടെ മൊബൈല്‍ ഫോണ്‍ കോള്‍ലിസ്റ്റുകള്‍ പരിശോധിക്കുകയും ചെയ്തിരുന്നു. എന്നാല്‍ അന്വേഷണത്തില്‍ പുരോഗതി ഉണ്ടായില്ല. തുടര്‍ന്നാണ് അന്വേഷണം ഊര്‍ജ്ജിതമാക്കണമെന്നാവശ്യപ്പെട്ട് സുനില്‍കുമാറിന്റെ ഭാര്യ പ്രസീത മുഖ്യമന്ത്രിക്ക് പരാതി നല്‍കിയത്.
ഈ അന്വേഷണത്തിലൂടെയെങ്കിലും സംഭവത്തില്‍ ഉള്‍പ്പെട്ട പ്രതികളെ പിടികൂടി മുഖം നോക്കാതെയുള്ള നടപടികള്‍ ഉണ്ടാകുമെന്ന പ്രതീക്ഷയിലാണ് സുനില്‍കുമാറിന്റെ കുടുംബം.

 

 

LIVE NEWS - ONLINE

  • 1
    7 hours ago

    നേപ്പാളും ഭൂട്ടാനും സന്ദര്‍ശിക്കാനുള്ള യാത്രാരേഖയായി ഇനി ആധാറും ഉപയോഗിക്കാം

  • 2
    9 hours ago

    കോട്ടയത്ത് കെ.എസ്.ആര്‍.ടി.സി. ബസ് മറിഞ്ഞ് അയ്യപ്പഭക്തര്‍ക്ക് പരിക്ക്

  • 3
    11 hours ago

    മധ്യപ്രദേശില്‍ ബിജെപി നേതാവിനെ മരിച്ച നിലയില്‍ കണ്ടെത്തി

  • 4
    15 hours ago

    ശബരിമല വിഷയത്തില്‍ ഏത് ചര്‍ച്ചയ്ക്കും തയ്യാറെന്ന് പന്തളം കൊട്ടാരം

  • 5
    15 hours ago

    സാക്കിര്‍ നായിക്കിന്റെ 16.4 കോടി രൂപയുടെ സ്വത്ത് കണ്ടുകെട്ടി

  • 6
    1 day ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 7
    1 day ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 8
    1 day ago

    മോദി ഇന്ത്യയെ തകര്‍ത്തു: മമത

  • 9
    1 day ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം