Saturday, February 23rd, 2019

തട്ടിപ്പ് കേസില്‍ പതിനഞ്ച് വര്‍ഷത്തിന് ശേഷം വിധി; പ്രതികളെ വെറുതെവിട്ടു

പയ്യന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി വെറുതെ വിട്ടത്.

Published On:May 25, 2018 | 10:48 am

പയ്യന്നൂര്‍: വിജിലന്‍സ് അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ പൊലീസ് ചാര്‍ജ് ചെയ്ത തട്ടിപ്പ് കേസില്‍ പതിനഞ്ച് വര്‍ഷത്തിന് ശേഷം വിധി പറഞ്ഞ കോടതി പ്രതികള്‍ കുറ്റക്കാരല്ലെന്ന് കണ്ട് വെറുതെ വിട്ടു. തിരുമേനി സ്വദേശി സി കെ ജോണി, പഴയങ്ങാടി സ്വദേശിയും പയ്യന്നൂര്‍ ലാന്റ് ട്രിബ്യൂണല്‍ മുന്‍ ജീവനക്കാരനുമായ കല്ലേന്‍ കൃഷ്ണന്‍ എന്നീ പ്രതികളെയാണ് കുറ്റക്കാരല്ലെന്ന് കണ്ട് പയ്യന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി വെറുതെ വിട്ടത്.
1998-2005 കാലയളവില്‍ സ്ഥലത്തിന്റെ വ്യാജ പട്ടയം ലാന്റ് ട്രിബ്യൂണല്‍ ഉദ്യോഗസ്ഥനായിരുന്ന കല്ലേന്‍ കൃഷ്ണന്റെ സഹായത്തോടെ ഒന്നാം പ്രതി ജോണി ഉണ്ടാക്കുകയും പിന്നീട് ഇതു വെച്ച് കെ എസ് എഫ് ഇ, ജില്ലാ ബേങ്ക്, സ്റ്റേറ്റ് ബാങ്ക് ഓഫ് ട്രാവന്‍കൂര്‍ എന്നീ ധനകാര്യ സ്ഥാപനങ്ങളില്‍ നിന്ന് ഇരുപത് ലക്ഷം രൂപയോളം വായ്പ എടുത്ത് വഞ്ചിച്ചുവെന്നാണ് കേസ്. വിജിലന്‍സ് അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ പൊലീസ് രജിസ്റ്റര്‍ ചെയ്ത കേസാണിത്. നീണ്ട വിചാരണക്കൊടുവില്‍ പതിനഞ്ച് വര്‍ഷത്തിന് ശേഷമാണ് പ്രതികളെ വെറുതെ വിട്ടു കൊണ്ടുള്ള വിധിയുണ്ടായത്. പ്രതികള്‍ക്ക് വേണ്ടി അഡ്വ: ടി വി മധുസൂദനന്‍ കോടതിയില്‍ ഹാജരായി.

 

LIVE NEWS - ONLINE

  • 1
    11 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    12 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    13 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    15 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    16 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    18 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    18 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    20 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    20 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം