Monday, February 18th, 2019

കോണ്‍ഗ്രസ്, സിപിഎം ഭായി ഭായി?

രാജ്യത്തെ പ്രമുഖ രാഷ്ട്രീയ പാര്‍ട്ടികള്‍ക്കെല്ലാം ഏറെ നിര്‍ണായകമാണ് ഈ പൊതുതെരഞ്ഞെടുപ്പ് എന്നത് പരമമായ സത്യമാണ്. ബി ജെ പി, കോണ്‍ഗ്രസ്, സി പി എം എന്നീ രാഷ്ട്രീയകക്ഷികള്‍ക്ക് ഒരുപക്ഷെ നിലനില്‍പ്പിന്റെയും വിശ്വാസ്യതയുടെയും കൂടി വിഷയമാണ്. നരേന്ദ്രമോഡിയുടെ വ്യക്തിപ്രഭാവത്തില്‍ കേന്ദ്രഭരണം പിടിച്ച ബി ജെ പിക്ക് ഭരണത്തുടര്‍ച്ച അഭിമാനവിഷയമാണ്. ബി ജെ പിക്ക് അധികാരം ലഭിക്കാന്‍ ഉതകിയ അവസരങ്ങളുണ്ടാക്കിയ രാഷ്ട്രീയ തീരുമാനങ്ങളും പിഴവുകളും വരുത്തിയ പാര്‍ട്ടി എന്ന നിലയില്‍ കോണ്‍ഗ്രസിനും ഇത് നിലനില്‍പ്പിന്റെ കാര്യമാണ്. സഹോദരി പ്രിയങ്കയെ കൂടി … Continue reading "കോണ്‍ഗ്രസ്, സിപിഎം ഭായി ഭായി?"

Published On:Feb 8, 2019 | 1:22 pm

രാജ്യത്തെ പ്രമുഖ രാഷ്ട്രീയ പാര്‍ട്ടികള്‍ക്കെല്ലാം ഏറെ നിര്‍ണായകമാണ് ഈ പൊതുതെരഞ്ഞെടുപ്പ് എന്നത് പരമമായ സത്യമാണ്. ബി ജെ പി, കോണ്‍ഗ്രസ്, സി പി എം എന്നീ രാഷ്ട്രീയകക്ഷികള്‍ക്ക് ഒരുപക്ഷെ നിലനില്‍പ്പിന്റെയും വിശ്വാസ്യതയുടെയും കൂടി വിഷയമാണ്. നരേന്ദ്രമോഡിയുടെ വ്യക്തിപ്രഭാവത്തില്‍ കേന്ദ്രഭരണം പിടിച്ച ബി ജെ പിക്ക് ഭരണത്തുടര്‍ച്ച അഭിമാനവിഷയമാണ്. ബി ജെ പിക്ക് അധികാരം ലഭിക്കാന്‍ ഉതകിയ അവസരങ്ങളുണ്ടാക്കിയ രാഷ്ട്രീയ തീരുമാനങ്ങളും പിഴവുകളും വരുത്തിയ പാര്‍ട്ടി എന്ന നിലയില്‍ കോണ്‍ഗ്രസിനും ഇത് നിലനില്‍പ്പിന്റെ കാര്യമാണ്. സഹോദരി പ്രിയങ്കയെ കൂടി കളത്തിലിറക്കി അവസാന തുറുപ്പുമായാണ് കോണ്‍ഗ്രസ് പ്രസിഡന്റ് രാഹുല്‍ ഗാന്ധിയുടെ പടയൊരുക്കം.
ഈ രണ്ട് പാര്‍ട്ടികളേക്കാള്‍ നിര്‍ണായകമാണ് സി പി എമ്മിനെ സംബന്ധിച്ച് ഈ തെരഞ്ഞെടുപ്പ്. രണ്ട് സംസ്ഥാനങ്ങളില്‍ ചെങ്കൊടിയുടെ മേല്‍വിലാസം നഷ്ടപ്പട്ടതിന് ശേഷം വരുന്ന തെരഞ്ഞെടുപ്പാണ് ഇത്. ആണവക്കരാറില്‍ യു പി എക്ക് പിന്തുണ പിന്‍വലിച്ച ശേഷം സി പി എം നടത്തിയ രാഷ്ട്രീയ തീരുമാനങ്ങളിലെ പിഴവുകളും ബി ജെ പിക്ക് വളം വച്ചിട്ടുണ്ട് എന്നതാണ് സത്യം. രാജ്യത്തെ ജനാധിപത്യ, മതേതരകക്ഷികളുടെ പ്ലാറ്റ്‌ഫോം രൂപീകരിക്കാതെ ഒറ്റക്ക് കളത്തിലിറങ്ങിയിട്ട് സി പി എമ്മിന് പ്രത്യേകിച്ച് നേട്ടമുണ്ടാകാനും പോകുന്നില്ല.
കേരളത്തില്‍ മുഖ്യശത്രുക്കളായി പരസ്പരം അവരോധിച്ച് പൊരുതുന്ന സി പി എമ്മും കോണ്‍ഗ്രസും പശ്ചിമ ബംഗാളില്‍ വേറിട്ട രാഷ്ട്രീയപ്രവര്‍ത്തനത്തിന് തുടക്കം കുറിക്കുന്നതാണ് രാജ്യം ഇപ്പോള്‍ ഉറ്റുനോക്കുന്നത്. കോണ്‍ഗ്രസ് പ്രസിഡന്റ് രാഹുല്‍ഗാന്ധിയും സി പി എം ജനറല്‍ സെക്രട്ടറി സീതാറാം യെച്ചൂരിയും ബംഗാളിലെ മത്സരത്തില്‍ ധാരണയിലാകുന്ന കാര്യം സംസാരിച്ചതാണ് പ്രതീക്ഷയേകുന്നത്. എന്നും സി പി എമ്മിലെ ഒരു വിഭാഗം കോണ്‍ഗ്രസ് ബാന്ധവത്തിന് എതിരാണ്. ഇത്തവണ ബംഗാല്‍, ത്രിപുര എന്നിവിടങ്ങളില്‍നിന്നുള്ള മുതിര്‍ന്ന നേതാക്കള്‍ കോണ്‍ഗ്രസ് സഹകരണം എന്ന വിഷയം പ്രത്യേക അജണ്ടയായി നിര്‍ദേശിച്ചിരുന്നു. രാജ്യത്തെ വസ്തുനിഷ്ഠസാഹചര്യങ്ങള്‍ വിലയിരുത്തി രാഷ്ട്രീയപ്രമേയത്തില്‍ മാറ്റം വരുത്തണമെന്ന നിര്‍ദേശവും മുന്നോട്ടുവന്നിട്ടുണ്ട്. ത്രിപുരയെ അപേക്ഷിച്ച് ബംഗാളില്‍ തിരിച്ചുവരവിന്റെ പാതയിലാണ് സി പി എം. ദിവസങ്ങള്‍ക്ക് മുമ്പ് ബംഗാളില്‍ നടത്തിയ മഹാറാലി പാര്‍ട്ടിക്കുണ്ടാക്കിയ ആത്മവിശ്വാസം ചെറുതല്ല. തൃണമൂല്‍ കോണ്‍ഗ്രസിനോടുള്ള എതിര്‍പ്പ് വോട്ടാക്കി മാറ്റുകയെന്നതാണ് ലക്ഷ്യം. അതിന് ഏറ്റവും എളുപ്പമുള്ള മാര്‍ഗം കോണ്‍ഗ്രസുമായി കൈക്കോര്‍ക്കുക എന്നത് തന്നെയാണ്. സി പി എമ്മിനോടുള്ള അതേസമീപനം തൃണമൂല്‍ കോണ്‍ഗ്രസുമായും സ്വീകരിക്കണമെന്ന് ബംഗാള്‍ കോണ്‍ഗ്രസില്‍നിന്നും ആവശ്യമുയര്‍ന്നിട്ടുണ്ട്. ഇത് ആത്മഹത്യാപരമായിരിക്കുമെന്നതാണ് ദേശീയനേതൃത്വത്തിന്റെ വിലയിരുത്തല്‍. രാഷ്ട്രീയനിലപാടുകളില്‍ കോണ്‍ഗ്രസിന് വിശ്വാസ്യതയില്ല എന്നതാണ് ഈ ബാന്ധവത്തില്‍ സി പി എമ്മിനെ അലട്ടുന്ന മുഖ്യവിഷയം. കര്‍ണാടകത്തിലെ രാഷ്ട്രീയ സ്ഥിതിഗതികള്‍ കോണ്‍ഗ്രസിന്റെ ചാഞ്ചാട്ടമനസിന്റെ പ്രതീകമാണ്. പല കോണ്‍ഗ്രസ് നേതാക്കളും ബി ജെ പിയിലേക്കുള്ള പ്രവാഹം തുടരുകയാണ്. ഗോരക്ഷ പോലുള്ള വിഷയങ്ങളില്‍ കോണ്‍ഗ്രസ് വിവിധ സംസ്ഥാനങ്ങളില്‍ സ്വീകരിക്കുന്ന നിലപാടും സി പി എമ്മിന്റെ പുരോഗമനവീക്ഷണത്തിന് വിരുദ്ധമാണ്. ഭരണഘടനയെ ആക്രമിക്കാനും ജനാധിപത്യത്തിന്റെ പരമോന്നത സമിതികള്‍ കൈയ്യടക്കാനും സംഘപരിവാറിന് സാധിച്ച സാഹചര്യത്തില്‍ മറ്റ് യോജിപ്പില്ലായ്്മകള്‍ പിന്തള്ളി ഒരുമിച്ചില്ലെങ്കില്‍ നിലനില്‍പ്പ് അപകടത്തിലാവുമെന്ന് ഈ കക്ഷികളുടെ നേതൃത്വം തിരിച്ചറിഞ്ഞിട്ടുണ്ട്.

 

LIVE NEWS - ONLINE

  • 1
    11 mins ago

    പാലക്കാട് പെട്രോള്‍ പമ്പിന് തീപ്പിടിച്ചു

  • 2
    1 hour ago

    പുല്‍വാമയില്‍ ഏറ്റുമുട്ടല്‍; നാല് സൈനികര്‍ക്ക് വീരമൃത്യു

  • 3
    2 hours ago

    കാസര്‍കോട് രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ വെട്ടേറ്റുമരിച്ചു; സംസ്ഥാനത്ത് ഇന്ന് ഹര്‍ത്താല്‍

  • 4
    15 hours ago

    പയ്യന്നൂര്‍ വെള്ളൂരില്‍ വാഹനാപകടം: രണ്ടു പേര്‍ മരിച്ചു

  • 5
    18 hours ago

    പുല്‍വാമ ഭീകരാക്രമണം: വ്യാജ ചിത്രങ്ങള്‍ പ്രചരിപ്പിക്കരുതെന്ന് സി.ആര്‍.പി.എഫ്

  • 6
    23 hours ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 7
    1 day ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 8
    1 day ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 9
    2 days ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി