ചിന്നക്കട : ഓടിക്കൊണ്ടിരുന്ന ബൈക്കില്‍നിന്ന് യാത്രക്കാരെ പൊലീസ് വലിച്ചിട്ടതായി പരാതി. നിയന്ത്രണം വിട്ട ബൈക്കില്‍നിന്ന് റോഡില്‍ വീണ് ഒരാള്‍ക്ക് പരിക്കേറ്റു. പരിക്കേറ്റ മരുത്തടി സ്വദേശി സാജി (21) നെ ജില്ലാ ആശുപത്രിയില്‍ പ്രവേശിപ്പിച്ചു. ഹെല്‍മറ്റ് പരിശോധനക്കിടെ ചിന്നക്കട ഗ്രൗണ്ടിന് സമീപത്താണ് സംഭവം. ബൈക്കില്‍ വരികയായിരുന്ന സാജ് അനുജന്‍ സിബി എന്നിവരെ പോലീസ് കൈകാണിച്ച് നിര്‍ത്താന്‍ ആവശ്യപ്പെട്ടു. തുടര്‍ന്ന് വശത്തേക്ക് ഒതുക്കി നിര്‍ത്തുന്നതിനിടെ രണ്ട് പോലീസുകാര്‍ ഇരുവരുടെയും ഷര്‍ട്ടില്‍ പിടിക്കുകയായിരുന്നു. തുടര്‍ന്ന് ബൈക്കിന് നിയന്ത്രണം നഷ്ടപ്പെട്ട് തെന്നിവീഴുകയായിരുന്നുവെന്ന് പോലീസ് … Continue reading "ഹെല്‍മറ്റ് പരിശോധനക്കിടെ ബൈക്ക് യാത്രികരെ വലിച്ചിട്ടതായി പരാതി"
Thursday, September 20th, 2018
ഹെല്‍മറ്റ് പരിശോധനക്കിടെ ബൈക്ക് യാത്രികരെ വലിച്ചിട്ടതായി പരാതി
Published On:Mar 29, 2013 | 4:22 pm
ചിന്നക്കട : ഓടിക്കൊണ്ടിരുന്ന ബൈക്കില്‍നിന്ന് യാത്രക്കാരെ പൊലീസ് വലിച്ചിട്ടതായി പരാതി. നിയന്ത്രണം വിട്ട ബൈക്കില്‍നിന്ന് റോഡില്‍ വീണ് ഒരാള്‍ക്ക് പരിക്കേറ്റു. പരിക്കേറ്റ മരുത്തടി സ്വദേശി സാജി (21) നെ ജില്ലാ ആശുപത്രിയില്‍ പ്രവേശിപ്പിച്ചു.
ഹെല്‍മറ്റ് പരിശോധനക്കിടെ ചിന്നക്കട ഗ്രൗണ്ടിന് സമീപത്താണ് സംഭവം. ബൈക്കില്‍ വരികയായിരുന്ന സാജ് അനുജന്‍ സിബി എന്നിവരെ പോലീസ് കൈകാണിച്ച് നിര്‍ത്താന്‍ ആവശ്യപ്പെട്ടു. തുടര്‍ന്ന് വശത്തേക്ക് ഒതുക്കി നിര്‍ത്തുന്നതിനിടെ രണ്ട് പോലീസുകാര്‍ ഇരുവരുടെയും ഷര്‍ട്ടില്‍ പിടിക്കുകയായിരുന്നു. തുടര്‍ന്ന് ബൈക്കിന് നിയന്ത്രണം നഷ്ടപ്പെട്ട് തെന്നിവീഴുകയായിരുന്നുവെന്ന് പോലീസ് കമ്മീഷണര്‍ക്ക് ഇവര്‍ നല്‍കിയ പരാതിയില്‍ പറയുന്നു.
അതേസമയം ഇവരുടെ പരാതി വാസ്തവവിരുദ്ധമാണെന്നാണ് പോലീസിന്റെ ഭാഷ്യം. ചിന്നക്കടയിലെ നിരീക്ഷണ കാമറയിലെ ദൃശ്യങ്ങള്‍ പരിശോധിച്ചതില്‍ ട്രാഫിക് പൊലീസുകാരുടെ ഭാഗത്തുനിന്ന് അതിക്രമം ഉണ്ടായിട്ടില്ലെന്ന് പൊലീസ് പറയുന്നു. കൈകാണിച്ചപ്പോള്‍ നിര്‍ത്താതെ പോകാനൊരുങ്ങിയ ബൈക്ക് തെന്നിവീഴുകയായിരുന്നുവെന്നാണ് പൊലീസ് പറയുന്നത്.
