Monday, June 18th, 2018

കാപ്പി കുടിക്കുന്നവര്‍ക്ക് സന്തോഷ വാര്‍ത്ത

        കാപ്പി കുടിക്കുന്നവര്‍ക്ക് സന്തോഷവാര്‍ത്ത. കാപ്പി ക്യാന്‍സറിന് കാരണമാവില്ലെന്നാണ് പുതിയ പഠനറിപ്പോര്‍ട്ട്. ക്യാന്‍സറിന് കാരണമായേക്കാവുന്ന പദാര്‍ഥങ്ങളുടെ പട്ടികയില്‍ നിന്നാണ് കാപ്പിയെ ലോകാരോഗ്യ സംഘടന ഒഴിവാക്കിയിരിക്കുന്നത്. എന്നാല്‍, ചൂടു കൂടുതലുള്ള പദാര്‍ഥങ്ങള്‍ ക്യാന്‍സറിന് കാരണമാകുമെന്നതില്‍ മാറ്റമില്ലെന്ന് ഐ.എ.ആര്‍.സി (ഇന്റര്‍നാഷണല്‍ ഏജന്‍സി ഓഫ് റിസര്‍ച്ച് ഓണ്‍ ക്യാന്‍സര്‍) വ്യക്തമാക്കി. കാപ്പി ക്യാന്‍സര്‍ വരാന്‍ സാധ്യതയുണ്ടെന്ന 25 വര്‍ഷം മുന്‍പത്തെ പഠനറിപ്പോര്‍ട്ടിനെ ലോകാരോഗ്യ സംഘടനയുടെ പുതിയ പഠനമാണ് അപ്രസക്തമാകുന്നത്. മൂത്രസഞ്ചിയിലെ ക്യാന്‍സറിന് കാരണമാകുമെന്ന കണ്ടെത്തലിനെത്തുടര്‍ന്നാണ് ക്യാന്‍സറിന് കാരണമാക്കുന്ന … Continue reading "കാപ്പി കുടിക്കുന്നവര്‍ക്ക് സന്തോഷ വാര്‍ത്ത"

Published On:Jul 4, 2016 | 10:45 am

Coffee Full Image

 

 

 

 

കാപ്പി കുടിക്കുന്നവര്‍ക്ക് സന്തോഷവാര്‍ത്ത. കാപ്പി ക്യാന്‍സറിന് കാരണമാവില്ലെന്നാണ് പുതിയ പഠനറിപ്പോര്‍ട്ട്. ക്യാന്‍സറിന് കാരണമായേക്കാവുന്ന പദാര്‍ഥങ്ങളുടെ പട്ടികയില്‍ നിന്നാണ് കാപ്പിയെ ലോകാരോഗ്യ സംഘടന ഒഴിവാക്കിയിരിക്കുന്നത്. എന്നാല്‍, ചൂടു കൂടുതലുള്ള പദാര്‍ഥങ്ങള്‍ ക്യാന്‍സറിന് കാരണമാകുമെന്നതില്‍ മാറ്റമില്ലെന്ന് ഐ.എ.ആര്‍.സി (ഇന്റര്‍നാഷണല്‍ ഏജന്‍സി ഓഫ് റിസര്‍ച്ച് ഓണ്‍ ക്യാന്‍സര്‍) വ്യക്തമാക്കി. കാപ്പി ക്യാന്‍സര്‍ വരാന്‍ സാധ്യതയുണ്ടെന്ന 25 വര്‍ഷം മുന്‍പത്തെ പഠനറിപ്പോര്‍ട്ടിനെ ലോകാരോഗ്യ സംഘടനയുടെ പുതിയ പഠനമാണ് അപ്രസക്തമാകുന്നത്.
മൂത്രസഞ്ചിയിലെ ക്യാന്‍സറിന് കാരണമാകുമെന്ന കണ്ടെത്തലിനെത്തുടര്‍ന്നാണ് ക്യാന്‍സറിന് കാരണമാക്കുന്ന പദാര്‍ത്ഥങ്ങളുടെ പട്ടികയില്‍ കാപ്പിയെ ഉള്‍പ്പെടുത്തിയിരുന്നത്. കഴിഞ്ഞ ഏതാനും വര്‍ഷങ്ങളായി ഇതുമായി ബന്ധപ്പെട്ട് പഠനങ്ങള്‍ നടന്നുവരികയായിരുന്നു. മനുഷ്യനിലും മൃഗങ്ങളിലുമായി നടത്തിയ 1000 ത്തിലധികം ശാസ്ത്രീയ പഠനങ്ങള്‍ അടിസ്ഥാനമാക്കിയാണ് ലോകാരോഗ്യ സംഘടന പുതിയ നിഗമനത്തിലെത്തിച്ചേര്‍ന്നത്. എന്നാല്‍ കാപ്പി ക്യാന്‍സറിനു കാരണമാവുന്നു എന്ന് കണ്ടെത്താന്‍ ഇതു വരെ സാധിച്ചിട്ടില്ല.
എന്നാല്‍, വെള്ളം, കാപ്പി, ചായ, തുടങ്ങി 65 ഡിഗ്രി സെല്‍ഷ്യസിന് മുകളില്‍ ചൂടുള്ള ഏത് പാനീയവും അന്നനാളത്തിലെ ക്യാന്‍സറിന് കാരണമാകുന്നുണ്ടെന്നാണ് പുതിയ പഠനം വ്യക്തമാക്കുന്നു. അമിതചൂടുള്ള ഭക്ഷണം കഴിക്കുന്നതും അപകടകരമാണ്. കഴിഞ്ഞ വര്‍ഷം ലിയോണ്‍ ആസ്ഥാനമാക്കി പ്രവര്‍ത്തിക്കുന്ന അന്താരാഷ്ട്ര ക്യാന്‍സര്‍ ഗവേഷണകേന്ദ്രം നടത്തിയ പഠനത്തില്‍ അസംസ്‌കൃത മാംസം ക്യാന്‍സറിന് കാരണമായേക്കാം എന്ന് കണ്ടെത്തിയിരുന്നു. മദ്യപാനവും പുകവലിയും ഒഴിവാക്കുകയാണ് ക്യാന്‍സറിനെ പ്രതിരോധിക്കുന്നതിനുള്ള പ്രധാനമാര്‍ഗ്ഗമെന്നും വിദഗ്ധര്‍ പറയുന്നു.

LIVE NEWS - ONLINE

  • 1
    1 min ago

    ഫഹദ് വധം; പ്രതിക്ക് ജീവ പര്യന്തം

  • 2
    8 mins ago

    കഞ്ചിക്കോട് കോച്ച് ഫാക്ടറി ഉപേക്ഷിച്ചിട്ടില്ല: മന്ത്രി പീയൂഷ് ഗോയല്‍

  • 3
    1 hour ago

    ഇനിയെങ്കിലും നിര്‍ത്തുമോ ഈ അടിമപ്പണി

  • 4
    3 hours ago

    മഴക്കാലത്ത് വാഹനങ്ങള്‍ക്ക് വേണം സംരക്ഷണം

  • 5
    3 hours ago

    കരിഞ്ചോലയിലെ തടയണ നിര്‍മിച്ചതിനെ കുറിച്ച് അന്വേഷിക്കും: മുഖ്യമന്ത്രി

  • 6
    4 hours ago

    കുഴുപ്പിള്ളി ബീച്ചില്‍ കാണാതായ യുവാക്കളുടെ മൃതദേഹങ്ങള്‍ കണ്ടെത്തി

  • 7
    5 hours ago

    കാലവര്‍ഷക്കെടുതി നേരിടുന്നതില്‍ സര്‍ക്കാര്‍ സമ്പൂര്‍ണ പരാജയം: ചെന്നിത്തല

  • 8
    5 hours ago

    കാലവര്‍ഷക്കെടുതി നേരിടുന്നതില്‍ സര്‍ക്കാര്‍ സമ്പൂര്‍ണ പരാജയം: ചെന്നിത്തല

  • 9
    5 hours ago

    അമ്പരന്ന ജനം വിഡ്ഡികളായി, മരിച്ചില്ല; കഴിച്ചത് മദ്യം