Tuesday, September 25th, 2018

പ്രധാന നഗരങ്ങളിലേക്ക് സൂപ്പര്‍ ഡീലക്‌സ് ബസ് സര്‍വീസ്

          ആലപ്പുഴ: തിരുവനന്തപുരത്തു നിന്നു പ്രധാന നഗരങ്ങളിലേക്ക് അര മണിക്കൂര്‍ ഇടവിട്ടു സൂപ്പര്‍ ഡീലക്‌സ് ബസ് സര്‍വീസ് ആരംഭിക്കാന്‍ കെഎസ്ആര്‍ടിസി പദ്ധതിയിടുന്നു. ഇതേക്കുറിച്ചു പഠിക്കാന്‍ പ്രത്യേക സമിതിയെ ചുമതലപ്പെടുത്തി. തിരുവനന്തപുരത്തു നിന്ന് എറണാകുളം, കോട്ടയം, തൃശൂര്‍, പാലക്കാട്, കോഴിക്കോട്, കാസര്‍കോട്, സുല്‍ത്താന്‍ ബത്തേരി എന്നിവിടങ്ങളിലേക്കായിരിക്കും സൂപ്പര്‍ ഡീലക്‌സ് സര്‍വീസുകള്‍. ദേശീയപാത 47ലും 17ലും എംസി റോഡിലുമായി പകലും രാത്രിയും ഓരോ അര മണിക്കൂറിലും ഒരു ബസ് എന്ന തരത്തില്‍ സര്‍വീസ് ക്രമീകരിക്കും. … Continue reading "പ്രധാന നഗരങ്ങളിലേക്ക് സൂപ്പര്‍ ഡീലക്‌സ് ബസ് സര്‍വീസ്"

Published On:Feb 6, 2014 | 12:38 pm

KSRTC SUPER DELUXE BUS

 

 

 

 

 
ആലപ്പുഴ: തിരുവനന്തപുരത്തു നിന്നു പ്രധാന നഗരങ്ങളിലേക്ക് അര മണിക്കൂര്‍ ഇടവിട്ടു സൂപ്പര്‍ ഡീലക്‌സ് ബസ് സര്‍വീസ് ആരംഭിക്കാന്‍ കെഎസ്ആര്‍ടിസി പദ്ധതിയിടുന്നു. ഇതേക്കുറിച്ചു പഠിക്കാന്‍ പ്രത്യേക സമിതിയെ ചുമതലപ്പെടുത്തി.
തിരുവനന്തപുരത്തു നിന്ന് എറണാകുളം, കോട്ടയം, തൃശൂര്‍, പാലക്കാട്, കോഴിക്കോട്, കാസര്‍കോട്, സുല്‍ത്താന്‍ ബത്തേരി എന്നിവിടങ്ങളിലേക്കായിരിക്കും സൂപ്പര്‍ ഡീലക്‌സ് സര്‍വീസുകള്‍. ദേശീയപാത 47ലും 17ലും എംസി റോഡിലുമായി പകലും രാത്രിയും ഓരോ അര മണിക്കൂറിലും ഒരു ബസ് എന്ന തരത്തില്‍ സര്‍വീസ് ക്രമീകരിക്കും.
ആദ്യഘട്ടത്തില്‍ ജില്ലാ ആസ്ഥാനങ്ങളില്‍ മാത്രം സ്‌റ്റോപ്പുകളുള്ള ബസുകള്‍ക്ക് ഓണ്‍ലൈന്‍ റിസര്‍വേഷന്‍ സൗകര്യം നല്‍കും. ഇരുന്നു മാത്രമുള്ള യാത്രയാണ് അനുവദിക്കുക എന്നതിനാല്‍ സൂപ്പര്‍ എക്‌സ്പ്രസിനേക്കാള്‍ ഉയര്‍ന്ന നിരക്കു നല്‍കേണ്ടി വരും. സ്‌റ്റോപ്പുകളും യാത്രാസമയവും കുറവായിരിക്കും. തിരുവനന്തപുരത്തു നിന്നു കാസര്‍കോട്ടേക്കു 12 മണിക്കൂറും കൊച്ചിയിലേക്ക് അഞ്ചു മണിക്കൂറും കൊണ്ട് ഓടിയെത്തുകയാണു ലക്ഷ്യം.
ദീര്‍ഘദൂര സര്‍വീസുകളുടെ ശൃംഖലയുണ്ടാക്കി, ലാഭകരമായി നടത്തുന്ന കര്‍ണാടക സ്‌റ്റേറ്റ് ട്രാന്‍സ്‌പോര്‍ട്ട് കോര്‍പറേഷനെ മാതൃകയാക്കിയാണു സൂപ്പര്‍ ഡീലക്‌സ് ശൃംഖല. 200 ബസുകളുടെ ശൃംഖലയ്ക്കാണു രൂപം നല്‍കുക. ഇതിനായി 400 കോടി രൂപ വായ്പ എടുക്കാമെന്നും അവ 15 വര്‍ഷം കൊണ്ട് അടച്ചു തീര്‍ക്കാമെന്നും പദ്ധതിരേഖ നിര്‍ദേശിക്കുന്നു.
അന്തര്‍ സംസ്ഥാന സര്‍വീസുകള്‍ക്കായി കെഎസ്ആര്‍ടിസി 10 വോള്‍വോ മള്‍ട്ടി ആക്‌സില്‍ ബസുകള്‍ കൂടി വാങ്ങും. ഇവ ഉപയോഗിച്ചു കോഴിക്കോട്, പാലക്കാട്, തൃശൂര്‍ ഡിപ്പോകളില്‍ നിന്നു ബാംഗ്ലൂരിലേക്കു സര്‍വീസ് നടത്തും. ഒരു ദിവസംകൊണ്ട് പോയിമടങ്ങി വരാമെന്നതിനാല്‍ ഈ റൂട്ടുകളില്‍ നിന്ന് ഒരു ബസ് കൊണ്ടു ബാംഗ്ലൂര്‍ സര്‍വീസ് ഓടിക്കാന്‍ സാധിക്കും. തിരുവനന്തപുരത്തു നിന്നു ബാംഗ്ലൂര്‍ സര്‍വീസ് നടത്താന്‍ രണ്ടു ബസുകളും ഒരു സ്‌പെയര്‍ ബസും വേണം. ഒരു കോടി രൂപയോളം വിലയുള്ള മൂന്നു ബസുകള്‍ ഒരു ഷെഡ്യൂളിനായി നീക്കിവയ്ക്കുന്നതു നഷ്ടമായതിനാല്‍ പുതിയ വോള്‍വോ ബാംഗ്ലൂര്‍ സര്‍വീസില്‍ നിന്നു തിരുവനന്തപുരത്തെ ഒഴിവാക്കും. എന്നാല്‍, നിലവിലുള്ള ഒരു തിരുവനന്തപുരം – ബാംഗ്ലൂര്‍ സര്‍വീസ് നിലനിര്‍ത്തുമെന്നും കെ എസ് ആര്‍ടിസി വൃത്തങ്ങള്‍ അറിയിച്ചു.

LIVE NEWS - ONLINE

  • 1
    5 mins ago

    വിപണി ആഗോള ഭീകരന്മാര്‍ക്ക്; 28ന് ഔഷധശാലകള്‍ നിശ്ചലമാകും

  • 2
    8 mins ago

    തെരഞ്ഞെടുപ്പില്‍ നിന്ന് ക്രിമിനലുകളെ മാറ്റിനിര്‍ത്താന്‍ നിയമം കൊണ്ടുവരണം: സുപ്രീംകോടതി

  • 3
    19 mins ago

    ബിഷപ്പ് ഫ്രാങ്കോ നല്‍കിയ തെളിവുകള്‍ വ്യാജമെന്ന് പോലീസ്

  • 4
    1 hour ago

    വാഹനാപകടത്തില്‍ വയലിനിസ്റ്റ് ബാലഭാസ്‌കറിനും ഭാര്യക്കും ഗുരുതരം; മകള്‍ മരിച്ചു

  • 5
    2 hours ago

    സര്‍ക്കാര്‍ സഹായമില്ലാതെ അന്താരാഷ്ട്ര ചലച്ചിത്രമേള നടത്തും

  • 6
    2 hours ago

    ലൂക്ക മോഡ്രിച് ഫിഫ സൂപ്പര്‍ താരം

  • 7
    3 hours ago

    പൊന്മുടി അണക്കെട്ടില്‍ ജലനിരപ്പ് ഉയര്‍ന്നു; അണകെട്ട് തുറക്കും

  • 8
    3 hours ago

    വീട്ടമ്മയുടെ തൂങ്ങി മരണം കൊലപാതകം; മകന്റെ സുഹൃത്ത് പിടിയില്‍

  • 9
    3 hours ago

    പോളിടെക്‌നിക്ക് വിദ്യാര്‍ഥിനി ട്രെയിന്‍ തട്ടി മരിച്ച നിലയില്‍ കണ്ടെത്തി