Friday, July 20th, 2018

കോളറയെ കരുതിയിരിക്കണം

പനിയുടെ പിടിയില്‍ നിന്നും കേരളം രക്ഷപ്പെട്ടു വരുന്നതേ ഉള്ളൂ, ഇതിനിടയിലാണ് കോളറയുടെ വരവ്. കേരളത്തില്‍ പല സ്ഥലങ്ങളിലും കോളറ ബാധിച്ച് ആളുകള്‍ക്ക് മരണം വരെ സംഭവിച്ചിരിക്കുന്നു. ഈ സാഹചര്യത്തില്‍ ജനങ്ങള്‍ ഏറെ ആശങ്കയിലാണ്. എന്നാല്‍ ഇത്ര ആശങ്കപെടാന്‍ മാത്രം കോളറ അപകടകാരിയല്ല. ശ്രദ്ധയോടെ കാര്യങ്ങള്‍ കൈകാര്യം ചെയ്താല്‍ കോളറയെ നേരിടാവുന്നതാണ്. ശ്രദ്ധിക്കേണ്ട കാര്യങ്ങള്‍ 1 ശുദ്ധജലം ലഭ്യമല്ലാത്ത സ്ഥലങ്ങളില്‍ ‘ക്ലോറിനേഷന്‍’ ചെയ്ത കുടിവെള്ളം എത്തിക്കാന്‍ സംവിധാനം വേണം. വീട്ടില്‍ വെള്ളം ശേഖരിച്ചുവെയ്ക്കാന്‍ അധികം വായ്‌വട്ടമില്ലാത്ത പാത്രങ്ങള്‍ ഉപയോഗിക്കുക. … Continue reading "കോളറയെ കരുതിയിരിക്കണം"

Published On:Aug 12, 2017 | 12:49 pm

പനിയുടെ പിടിയില്‍ നിന്നും കേരളം രക്ഷപ്പെട്ടു വരുന്നതേ ഉള്ളൂ, ഇതിനിടയിലാണ് കോളറയുടെ വരവ്. കേരളത്തില്‍ പല സ്ഥലങ്ങളിലും കോളറ ബാധിച്ച് ആളുകള്‍ക്ക് മരണം വരെ സംഭവിച്ചിരിക്കുന്നു. ഈ സാഹചര്യത്തില്‍ ജനങ്ങള്‍ ഏറെ ആശങ്കയിലാണ്. എന്നാല്‍ ഇത്ര ആശങ്കപെടാന്‍ മാത്രം കോളറ അപകടകാരിയല്ല. ശ്രദ്ധയോടെ കാര്യങ്ങള്‍ കൈകാര്യം ചെയ്താല്‍ കോളറയെ നേരിടാവുന്നതാണ്.

ശ്രദ്ധിക്കേണ്ട കാര്യങ്ങള്‍
1 ശുദ്ധജലം ലഭ്യമല്ലാത്ത സ്ഥലങ്ങളില്‍ ‘ക്ലോറിനേഷന്‍’ ചെയ്ത കുടിവെള്ളം എത്തിക്കാന്‍ സംവിധാനം വേണം. വീട്ടില്‍ വെള്ളം ശേഖരിച്ചുവെയ്ക്കാന്‍ അധികം വായ്‌വട്ടമില്ലാത്ത പാത്രങ്ങള്‍ ഉപയോഗിക്കുക. ബക്കറ്റില്‍ ഉപയോഗിക്കുന്ന വെള്ളം ശുദ്ധീകരിക്കാന്‍ ക്ലോറിന്‍ ഗുളികകള്‍ ഉപയോഗിക്കുക (20 ലിറ്ററിന് ഒരു ഗുളിക വീതം). കുടിക്കാന്‍ തിളപ്പിച്ചാറ്റിയ വെള്ളം മാത്രം ഉപയോഗിക്കുക. ദിവസേന ബ്ലീച്ചിങ് പൗഡര്‍ ലായനികൊണ്ട് കിണര്‍ ക്ലോറിനേറ്റ് ചെയ്യുക.

2 തുറന്നിട്ടതും പഴകിയതുമായ ഭക്ഷണങ്ങള്‍ കഴിക്കാതിരിക്കുക. ഭക്ഷണപദാര്‍ഥങ്ങള്‍ സൂക്ഷിക്കുന്ന, വില്‍ക്കുന്ന, പാചകം ചെയ്യുന്ന സ്ഥലങ്ങള്‍ ശുചിയായി സൂക്ഷിക്കുക. പഴങ്ങള്‍, പച്ചക്കറികള്‍, കിഴങ്ങുകള്‍ ഇവ ഉപയോഗിക്കുന്നതിന് മുമ്പ് ശരിയായി കഴുകുക. ഭക്ഷണപദാര്‍ഥങ്ങള്‍ എല്ലാ ഭാഗവും ഒരുപോലെ നന്നായി വേവിക്കുക..

3 പുഴകളുടെയോ, തോടുകളുടെയോ, കരകളിലോ വെളിമ്പ്രദേശങ്ങളിലോ മലവിസര്‍ജനം നടത്താതെ ‘സാനിട്ടറി കക്കൂസു’കളില്‍ മാത്രം മലവിസര്‍ജനം നടത്തുക. കക്കൂസുകള്‍ ശുദ്ധജല സ്രോതസ്സുകളില്‍ നിന്ന് നിശ്ചിത അകലത്തിലായിരിക്കണം. ശൗചത്തിന് ശേഷം കൈകള്‍ നന്നായി സോപ്പിട്ട് കഴുകണം.

കോളറയുടെ രോഗലക്ഷണം
വയറിളക്കമാണ് സാധരണ രോഗലക്ഷണം. ശക്തിയായ വയറിളക്കവും തുടര്‍ന്ന് ഛര്‍ദിയുമുണ്ടാകാം. ജലാംശവും ധാതുലവണങ്ങളും നഷ്ടപ്പെടുന്ന രോഗിക്ക് നിര്‍ജലീകരണം കാരണം കണ്ണുകള്‍ കുഴിയിലായി, കവിളൊട്ടി, തൊലി ചുളിയുകയും ചെയ്യും. തുടര്‍ന്ന്, ശരീര താപനില താഴുകയും നാഡിമിടിപ്പിന് വേഗത കൂടുകയും രക്തസമ്മര്‍ദം കുറയുകയും മൂത്രമില്ലാതാവുകയും രോഗി അബോധാവസ്ഥയിലെത്തുകയും ചെയ്യുന്നു. ചികിത്സ ലഭിച്ചില്ലെങ്കില്‍ 24 മണിക്കൂറിനുള്ളില്‍ രോഗി മരണപ്പെടാനും സാധ്യതയുണ്ട്.

 

LIVE NEWS - ONLINE

  • 1
    9 mins ago

    മലബാര്‍ സിമന്റ്‌സ് അഴിമതിക്കേസ്; സി.ബി.ഐക്ക് വിടണമെന്ന ഹരജി തള്ളി

  • 2
    13 mins ago

    മാരുതി സുസുക്കി ആള്‍ട്ടോയുടെ ടാക്സി പതിപ്പ് ഉടന്‍ വരും

  • 3
    15 mins ago

    ലോക്‌സഭയില്‍ ബല പരീക്ഷണം

  • 4
    43 mins ago

    മോദി കേരള ജനതയെ അപമാനിച്ചു: വിഎം സുധീരന്‍

  • 5
    1 hour ago

    ബിജെപിയോട് മൃദുസമീപനമില്ല: ഉമ്മന്‍ചാണ്ടി

  • 6
    1 hour ago

    ബിജെപിയോട് മൃദുസമീപനമില്ല: ഉമ്മന്‍ചാണ്ടി

  • 7
    2 hours ago

    റിയാദില്‍ വേനല്‍ ഉത്സവത്തിന് തടുക്കമായി

  • 8
    2 hours ago

    ഹോക്കിയില്‍ ഇന്ത്യക്ക് ജയം

  • 9
    2 hours ago

    സെയ്ഫ് അലിഖാനും മകള്‍ സാറയും ഒന്നിക്കുന്നു