Thursday, September 20th, 2018

കൗമാരക്കാര്‍ക്ക് ലഹരി പടര്‍ത്താന്‍ ചൈനീസ് മിഠായികള്‍

മിഠായികള്‍ ആപ്പിള്‍, കാന്‍ഡി, സ്‌ട്രോബറി രുചികളിലാണ് ലഭ്യമാകുന്നതെങ്കിലും കുട്ടികള്‍ക്ക് വിതരണം ചെയ്യരുതെന്ന് നിര്‍ദേശമുണ്ട്.

Published On:Aug 3, 2017 | 11:10 am

കണ്ണൂര്‍: യുവാക്കളെ ലഹരിയിലേക്ക് ആകര്‍ഷിക്കാന്‍ ഓറല്‍ സ്ട്രിപ്പ് എന്ന മയക്ക് മിഠായികള്‍ വില്‍പ്പനക്കെത്തി. എക്‌സസൈസ് വകുപ്പ് വിവിധ സ്ഥലങ്ങളില്‍ നടത്തിയ പരിശോധനയിലാണ് ഓറല്‍സ്ട്രിപ്പിന്റെ വിപണനം കണ്ടെത്തിയത്. സംസ്ഥാനത്തെ വിവിധ സ്‌കൂളിലെ ലഹരിവിരുദ്ധ ക്ലബുകളില്‍ നിന്ന് ലഭിച്ച പരാതിയെ തുടര്‍ന്നാണ് എക്‌സൈസ് ഉദ്യോഗസ്ഥര്‍ രഹസ്യാന്വേഷണത്തിലൂടെ മയക്ക്മരുന്ന് മിഠായികള്‍ വില്‍പ്പന നടത്തുന്നത് കണ്ടെത്തിയത്.
ചൈനയില്‍ നിന്ന് ഇറക്കുമതി ചെയ്യുന്ന മിഠായികള്‍ മലപ്പുറം-മഞ്ചേരി, മമ്പാട്മൂല, ചമ്പാട് എന്നിവിടങ്ങളില്‍ കണ്ടെത്തിയിട്ടുണ്ട്. ഒരുപ്രമുഖ കടയില്‍ നിന്ന് 1660പാക്കറ്റ് മിഠായികള്‍ എക്‌സൈസ് വകുപ്പ് പിടികൂടി.
മിഠായികള്‍ ആപ്പിള്‍, കാന്‍ഡി, സ്‌ട്രോബറി രുചികളിലാണ് ലഭ്യമാകുന്നത്. കവറുകള്‍ക്ക് മുകളില്‍ എഫ് എസ് എസ് ഐ മുദ്രയുണ്ടെങ്കിലും ഇത് വ്യാജമാണോയെന്ന് സംശയമുണ്ട്. പാക്കറ്റുകളില്‍ ഈ മിഠായികള്‍ കുട്ടികള്‍ക്ക് വിതരണം ചെയ്യരുതെന്ന് എഴുതിയിട്ടുണ്ട്.
മിഠായികള്‍ രുചിച്ചുനോക്കുന്നതിനായി നാവില്‍ വച്ച പലര്‍ക്കും തലകറക്കവും ഛര്‍ദ്ദിയും അനുഭവപ്പെട്ടു. പരിശോധനക്കെത്തിയ എക്‌സൈസ് ഉദ്യോഗസ്ഥന്റെ നാവില്‍ മുറിവ് പറ്റുകയും ചെയ്തു. ഇനി മരുന്ന് ഗുളികകളും ക്യാപ്‌സൂളുകളും ഓറല്‍സ്ട്രിപ്പ് ടെക്‌നോളജി പ്രകാരമാണ് നിര്‍മിക്കുകയെന്ന് വലിയ പ്രചരണം നടക്കുന്നുണ്ടത്രെ. ഈ മിഠായികള്‍ നാവിലിട്ടാല്‍ സെക്കന്റുകള്‍ക്കുള്ളില്‍ അലിയും. എല്‍എസ് എന്ന മയക്ക്മരുന്നിന്റെ ഉപയോഗം വര്‍ധിച്ചുവരുന്ന സാഹചര്യത്തിലാണ് കുട്ടികളെയും യുവാക്കളെയും ആകര്‍ഷിക്കുന്നതിന് ഇത്തരത്തിലുള്ള മിഠായികളുടെ കടന്നുവരവ്. ഇതിന്റെ വില്‍പ്പന പലയിടങ്ങളിലും എക്‌സൈസ് വകുപ്പ് മരവിപ്പിച്ചിരിക്കുകയാണ്.

LIVE NEWS - ONLINE

  • 1
    39 mins ago

    പാര്‍ട്ടി കൂടുതല്‍ ശക്തിപ്പെടും: ചെന്നിത്തല

  • 2
    58 mins ago

    മൂര്‍ത്തികള്‍ക്കായി കൊട്ടിപ്പാടിയ കോലധാരിക്ക് ഇപ്പോള്‍ കൂട്ട് കണ്ണീരും ദുസ്വപ്‌നങ്ങളും

  • 3
    1 hour ago

    ഫെയ്‌സ് ബുക്ക് പ്രണയം യുവാവിനെ തേടി ഭര്‍തൃമതി കതിരൂരില്‍

  • 4
    1 hour ago

    ആര്‍ എസ് എസ് പ്രവര്‍ത്തകനെ വെട്ടിക്കൊന്ന കേസ്; 20 വര്‍ഷം കഴിഞ്ഞിട്ടും വിചാരണക്കെത്തിയില്ല

  • 5
    3 hours ago

    ബെന്നിബെഹനാന്‍ യുഡിഎഫ് കണ്‍വീനര്‍

  • 6
    3 hours ago

    സംസ്ഥാനത്ത് പെട്രോളിന് വീണ്ടും വില വര്‍ധിച്ചു

  • 7
    4 hours ago

    അഭിമന്യു വധം; ക്യാമ്പസ് ഫ്രണ്ട് നേതാവ് കീഴടങ്ങി

  • 8
    4 hours ago

    ജലന്ധര്‍ ബിഷപ്പിനെ ഇന്ന് അറസ്റ്റ് ചെയ്‌തേക്കും

  • 9
    4 hours ago

    സൗദിയില്‍ കാറിടിച്ച് മലയാളി യുവാവ് മരിച്ചു