Friday, September 21st, 2018

ദുരിതാശ്വാസത്തിന് പ്രത്യേക ഫണ്ട്: ചെന്നിത്തല നിവേദനം നല്‍കി

പ്രളയ ദുരിതാശ്വാസ ഫണ്ട് പ്രത്യേക അക്കൗണ്ടാക്കി മാറ്റണം.

Published On:Aug 31, 2018 | 4:45 pm

തിരു: പ്രളയ ദുരിതാശ്വാസത്തിനുള്ള ഫണ്ട് മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് മാറ്റി പ്രത്യേക അക്കൗണ്ടിലാക്കാന്‍ സര്‍ക്കാരിന് നിര്‍ദ്ദേശം നല്‍കുക, മുന്നറിയിപ്പില്ലാതെ ഡാമുകള്‍ തുറന്നുവിട്ടതിനെപ്പറ്റി ജുഡിഷ്യല്‍ അന്വേഷണം നടത്തുക തുടങ്ങി നാലിന ആവശ്യങ്ങളുന്നയിച്ച് പ്രതിപക്ഷ നേതാവ് രമേശ് ചെന്നിത്തല ഗവര്‍ണര്‍ ജസ്റ്റീസ് പി.സദാശിവത്തിന് നിവേദനം നല്‍കി.
ലോകത്തിന്റെ എല്ലാഭാഗത്തും നിന്നും ദുരിതാശ്വാസത്തിന്റെ ഭാഗമായി സര്‍ക്കാരിന് ലഭിക്കുന്ന പണം പോകുന്നത് മുഖ്യമന്ത്രിയുടെ ദുരിതാശ്വാസ ഫണ്ടിലേക്കാണ്. അത് കൊണ്ട് ഇത് വകമാറ്റി ചിലവഴിക്കപ്പെടാനുള്ള സാധ്യത വളരെയാണ്. രാഷ്ട്രീയ പരിഗണനയില്ലാതെയും വിവേചനമില്ലാതെയും ഫണ്ട് വിനിയോഗിക്കപ്പെടണം. അതിനായി പ്രളയ ദുരിതാശ്വാസ ഫണ്ട് പ്രത്യേക അക്കൗണ്ടാക്കി മാറ്റണം.
മുന്നറിയിപ്പില്ലാതെ ഡാമുകള്‍ തുറന്നു വിട്ടതിനെക്കുറിച്ച് ജുഡീഷ്യല്‍ അന്വേഷണം നടത്തി വസ്തുതകള്‍ വെളിച്ചത്ത് കൊണ്ട് വരണം. കാലേകൂട്ടി ഡാമുകള്‍ ക്രമമായി തുറന്ന് ജലവിതാനം നിയന്ത്രിക്കാതെ എല്ലാം ഒന്നിച്ചു തുറന്നു വിട്ടതാണ് പ്രളയത്തിനിടായക്കിടത്. ഡാമുകള്‍ തുറന്ന് വിടുന്നതിന് മുമ്പ് വ്യക്തമായ മുന്നറിയിപ്പുകള്‍ നല്‍കുന്നതിലും ജനങ്ങളെ സുരക്ഷിത സ്ഥാനത്തേക്ക് മാറ്റുന്നതിലും സര്‍ക്കാരിന് വന്‍ വീഴ്ചയാണുണ്ടായത്.
പ്രളയ ദുരന്തബാധിതര്‍ക്ക് മതിയായ നഷ്ടപരിഹാരം ഉറപ്പ് നല്‍കുന്നതിനും, അവരെ പുനരധിവസിപ്പിക്കുന്നതിനും ഹൈക്കോടതി ജഡ്ജിയുടെ നേതൃത്വത്തില്‍ ട്രൈബ്യുണില്‍ രൂപീകരിക്കണം. ഭോപ്പാല്‍ ദുരന്തമുണ്ടായപ്പോള്‍ ഇരകള്‍ക്ക് മതിയായ നഷ്ടപരിഹാരം ഉറപ്പ് വരുത്താന്‍ ട്രൈബ്യുണല്‍ രൂപീകരിച്ച മാതൃകയിലായിരിക്കണം ഇത്. മൂന്ന് മാസം മുതല്‍ ആറ് മാസം വരെയായിരിക്കണം ട്രൈബ്യുണലിന്റെ കാലാവധി. ഇതുവഴി എല്ലാ ദുരന്ത ബാധിതര്‍ക്കും അര്‍ഹിക്കുന്ന തരത്തിലുള്ള നഷ്ടപരിഹാരം വിതരണം ചെയ്യാനും പുനരധിവാസം ഉറപ്പാക്കാനുമാകും. കേരള സര്‍ക്കാരിന്റെ കീഴിലുള്ള ദുരന്ത നിവാരണ വകുപ്പ് വലിയ പരാജയമായതിനാല്‍ അത് ഉടന്‍ പുന:സംഘടിപ്പിച്ച് കാര്യക്ഷമമാക്കണമെന്നും നിവേദനത്തില്‍ ആവശ്യപ്പെട്ടു.

 

LIVE NEWS - ONLINE

  • 1
    18 mins ago

    ബിഷപ്പിനെ ഉടന്‍ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയിലേക്ക് എത്തിക്കും

  • 2
    28 mins ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 3
    3 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 4
    4 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 5
    8 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 6
    8 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 7
    9 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി

  • 8
    9 hours ago

    പെട്രോളിന് ഇന്നും വില കൂടി

  • 9
    9 hours ago

    മലയാളികള്‍ ‘ഗ്ലോബല്‍ സാലറി ചലഞ്ചി’ല്‍ പങ്കെടുക്കണം: മുഖ്യമന്ത്രി