Tuesday, July 23rd, 2019

ദുരന്തനിവാരണ പ്രവര്‍ത്തനങ്ങള്‍ സൈന്യത്തെ ഏല്‍പിക്കണം: ചെന്നിത്തല

കുടിവെള്ളവും ഭക്ഷണവും മരുന്നുമില്ലാതെ നിരവധിയാളുകളാണ് കഷ്ടപ്പെടുന്നത്.

Published On:Aug 18, 2018 | 12:39 pm

തിരു: ദുരന്തനിവാരണ പ്രവര്‍ത്തനങ്ങള്‍ പൂര്‍ണമായും സൈന്യത്തെ ഏല്‍പിക്കണമെന്ന ആവശ്യം ആവര്‍ത്തിച്ച് പ്രതിപക്ഷ നേതാവ് രമേശ് ചെന്നിത്തല. സംസ്ഥാന സര്‍ക്കാര്‍ ദുരഭിമാനം വെടിഞ്ഞ് രക്ഷാദൗത്യം പൂര്‍ണമായും സൈന്യത്തെ ഏല്‍പിക്കണമെന്ന് ചെന്നിത്തല പറഞ്ഞു. ഇക്കാര്യം സര്‍ക്കാറിനോട് തൊഴുകൈകളോടെ അപേക്ഷിക്കുകയാണെന്നും വാര്‍ത്താ സമ്മേളനത്തില്‍ ചെന്നിത്തല പറഞ്ഞു.
കുടിവെള്ളവും ഭക്ഷണവും മരുന്നുമില്ലാതെ നിരവധിയാളുകളാണ് കഷ്ടപ്പെടുന്നത്. പതിനായിരക്കണക്കിന് ജനങ്ങള്‍ ഒറ്റപ്പെട്ടിരിക്കുന്നു. കേരളം ഒരുമിച്ചു കൈകോര്‍ത്തിട്ടും ജനങ്ങളെ രക്ഷപ്പെടുത്താന്‍ സാധിക്കാത്തത് എന്തുകൊണ്ടാണ് എന്നത് വലിയ ചോദ്യ ചിഹ്നമാണെന്നും ചെന്നിത്തല പറഞ്ഞു.
രക്ഷാപ്രവര്‍ത്തന ചുമതല സൈന്യത്തെ ഏല്‍പിക്കണമെന്ന് പ്രതിപക്ഷം കെടുതി തുടങ്ങിയ ആഗസ്റ്റ് 15 മുതല്‍ തന്നെ സര്‍ക്കാറിനോട് ആവശ്യപ്പെട്ടതാണ്. സൈന്യത്തെ കൂടുതല്‍ വിന്യസിപ്പിക്കണം. കലക്ടര്‍മാരുടെയും തഹസില്‍ദാര്‍മാരുടെയും വില്ലേജ് ഓഫീസര്‍മാരുടെയും പ്രവര്‍ത്തനം മതിയാവില്ലെന്ന് അറിയാവുന്നത് കൊണ്ടാണ് സേനയെ വിളിക്കാന്‍ ആവശ്യപ്പെടുന്നത്. ഇപ്പോഴാണ് സൈന്യത്തിന്റെ പൂര്‍ണ സാന്നിധ്യം ഉണ്ടാകുന്നത്. എന്തുകൊണ്ട് ഇതുവരെ സൈന്യത്തെ വിളിച്ചില്ലെന്ന് അദ്ദേഹം ചോദിച്ചു. എന്നാല്‍, മുഖ്യമന്ത്രി ഈ ആവശ്യത്തെ പുച്ഛിച്ച് തളളുകയാണ് ചെയ്തതെന്നും ചെന്നിത്തല ആരോപിച്ചു.
കേരളം അതിഗുരുതരമായ പ്രളയത്തില്‍ കുടുങ്ങിയിട്ട് നാലു ദിവസം കഴിയുന്നു. സംസ്ഥാനത്ത് ഉടനീളം അതിദയനീയ സാഹചര്യമാണ്. സഹായത്തിനു വേണ്ടി ആയിരങ്ങള്‍ കേഴുകയാണ്. ജനങ്ങളുടെ ആവശ്യങ്ങള്‍ക്ക് മുന്നില്‍ ജനപ്രതിനിധികള്‍ നിസ്സഹായരായി നില്‍ക്കുന്നു. ചെങ്ങന്നൂര്‍, തിരുവല്ല, പന്തളം, റാന്നിയുടെ പലഭാഗങ്ങള്‍, ആറന്മുള, ആലുവ, പറവൂര്‍, അങ്കമാലി, ചാലക്കുടി, കുട്ടനാട് എന്നിവിടങ്ങളില്‍ സ്ഥിതി അതീവ ഗുരുതരമാണ്.
കുടുങ്ങി കിടക്കുന്നവരുടെ വിദേശത്തു നിന്നുള്ള ബന്ധുക്കളുടെ നിരവധി ഫോണ്‍ കോളുകളാണ് ഓരോ ദിവസവും വരുന്നത്. നൂറുകണക്കിന് സഹായ അഭ്യര്‍ഥനകളാണ് വരുന്നത്. ഈ സഹായ അഭ്യര്‍ഥനകള്‍ക്ക് കഴിഞ്ഞ നാലു ദിവസമായി പരിഹാരം കാണാന്‍ സാധിക്കാത്തത് വേദനാജനകമാണെന്നും ചെന്നിത്തല പറഞ്ഞു.

 

LIVE NEWS - ONLINE

  • 1
    10 mins ago

    തലയോട്ടിക്കുള്ളിലെ രക്തസ്രാവം; മന്ത്രി മണിക്ക് ഇന്ന് ശസ്ത്രക്രിയ

  • 2
    30 mins ago

    കശ്മീര്‍ വിഷയത്തില്‍ ആരുടെയും സഹായം വേണ്ട: ഇന്ത്യ

  • 3
    34 mins ago

    വെള്ളക്കെട്ടില്‍ വീണ് ഒരാള്‍ മരിച്ചു

  • 4
    38 mins ago

    ഞാന്‍ പന്ത്രണ്ടാം ക്ലാസുകാരനായ ഗുസ്തിക്കാരന്‍: പൃഥി രാജ്

  • 5
    2 hours ago

    തമിഴ്‌നാട് സ്വദേശികളായ ദമ്പതികള്‍ക്ക് നടുറോഡില്‍ ക്രൂരമര്‍ദനം

  • 6
    15 hours ago

    കാസര്‍കോട്, കണ്ണൂര്‍ ജില്ലകളില്‍ ചൊവ്വാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 7
    20 hours ago

    തലസ്ഥാനത്ത് തെരുവ് യുദ്ധം

  • 8
    21 hours ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 9
    21 hours ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍