Thursday, January 24th, 2019

ഹൈ വോള്‍ട്ട്‌സണ്‍

വാട്‌സണ്‍ (117) പുറത്താകാതെ നേടിയ സെഞ്ചുറിയുടെ കരുത്തില്‍ ഹൈദരാബാദിന്റെ 178 റണ്‍സ് വിജയലക്ഷ്യം ഒമ്പതു പന്തുകള്‍ ശേഷിക്കെ ചെന്നൈ മറികടന്നു.

Published On:May 28, 2018 | 9:33 am

മുംബൈ: ഷെയ്ന്‍ വാട്‌സന്റെ സൂപ്പര്‍ സെഞ്ചുറിയില്‍ സണ്‍റൈസേഴ്‌സിനെ കീഴടക്കി ചെന്നൈ സൂപ്പര്‍ കിംഗ്‌സ് മൂന്നാം ഐപിഎല്‍ കിരീടം സ്വന്തമാക്കി.
വാട്‌സണ്‍ (117) പുറത്താകാതെ നേടിയ സെഞ്ചുറിയുടെ കരുത്തില്‍ ഹൈദരാബാദിന്റെ 178 റണ്‍സ് വിജയലക്ഷ്യം ഒമ്പതു പന്തുകള്‍ ശേഷിക്കെ ചെന്നൈ മറികടന്നു. വിജയവഴിയില്‍ ചെന്നൈയ്ക്കു ഡുപ്ലസിയെയും (10) സുരേഷ് റെയ്‌നയെയും (32) മാത്രമാണ് നഷ്ടമായത്. ആദ്യ ഓവര്‍ മെയ്ഡന്‍ എറിഞ്ഞ് ഭുവനേശ്വര്‍ കുമാര്‍ സണ്‍റൈസേഴ്‌സിന്റെ ബൗളിംഗ് കരുത്ത് വ്യക്തമാക്കിയെങ്കിലും മെല്ലെ മെല്ലെ ചാര്‍ജായി ഹൈ വോള്‍ട്ടായി മാറിയ വാട്‌സണിനു മറുതന്ത്രം മെനയാന്‍ വില്യംസണിനു കഴിഞ്ഞില്ല. 57 പന്തില്‍ 11 ഫോറും എട്ടു സിക്‌സറും ഉള്‍പ്പെടുന്നതായിരുന്നു വാട്‌സണിന്റെ ഇന്നിംഗ്‌സ്.
ചെന്നൈയുടെ ഓപ്പണിംഗ് കൂട്ടുകെട്ട് പെട്ടെന്ന് പൊളിക്കാന്‍ ഹൈദരാബാദിനു സാധിച്ചെങ്കിലും റെയ്‌നയും വാട്‌സണും ചേര്‍ന്നുള്ള കൂട്ടുകെട്ടാണ് കളി മാറ്റിയത്. ഇരുവരും ചേര്‍ന്ന് 117 റണ്‍സിന്റെ കൂട്ടുകെട്ടാണ് സൃഷ്ടിച്ചത്. ഇതില്‍ 32 റണ്‍സ് മാത്രമായിരുന്നു റെയ്‌നയുടെ സംഭാവന. റെയ്‌ന പുറത്തായ ശേഷം അമ്പാട്ടി റായുഡുവിനെ (പുറത്താകാതെ 16) കൂട്ടുപിടിച്ച് വാട്‌സണ്‍ കിരീടത്തിലേക്ക് കുതിച്ചു.

 

LIVE NEWS - ONLINE

  • 1
    34 mins ago

    ബി.ജെ.പി പ്രവര്‍ത്തകരുടെ വീടുകള്‍ക്ക് ബോംബേറ്

  • 2
    57 mins ago

    കെവിന്‍ വധം; ഇന്നുമുതല്‍ വാദം തുടങ്ങും

  • 3
    1 hour ago

    മലപ്പുറത്ത് രണ്ട് വിദ്യാര്‍ത്ഥികള്‍ക്ക് ഡിഫ്ത്തീരിയ

  • 4
    1 hour ago

    ബാഴ്‌സക്ക് തോല്‍വി

  • 5
    3 hours ago

    മൂന്നാറില്‍ അതിശൈത്യം

  • 6
    3 hours ago

    പ്രസവ വാര്‍ഡിന്റെ ജനാലയുടെ ചില്ല് തകര്‍ത്തു; യുവാവിന് പരിക്ക്

  • 7
    3 hours ago

    ഒമ്പത്‌വയസ്സുകാരിക്ക് പീഡനം; മാതാവും കാമുകനും പിടിയില്‍

  • 8
    13 hours ago

    ഐ.എസ്സുമായി ബന്ധമുണ്ടെന്ന് സംശയിക്കുന്ന ഒമ്പതുപേര്‍ മഹാരാഷ്ട്രയില്‍ അറസ്റ്റിലായി

  • 9
    15 hours ago

    ചിലര്‍ക്ക് കുടുംബമാണ് പാര്‍ട്ടി, ബി.ജെ.പിക്ക് പാര്‍ട്ടിയാണ് കുടുംബം; മോദി