Tuesday, April 23rd, 2019

      പത്തനംതിട്ട: അടൂരില്‍ ലോറിയും ബൈക്കും കൂട്ടിയിടിച്ച് സഹോദരങ്ങള്‍ മരിച്ചു. അടൂര്‍ പറന്തല്‍ സ്വദേശി സുരേഷിന്റെ മക്കളായ ഗിരീഷ് (22), സുബീഷ് (18) എന്നിവരാണു മരിച്ചത്. ഇന്നു പുലര്‍ച്ചെ ഒന്നിനാണ് അപകടം. കാറ്ററിംഗ് സ്ഥലത്തെ ജോലികഴിഞ്ഞു ശേഷം പറന്തലിലെ വീട്ടിലേക്കു പോകുമ്പോള്‍ അടൂര്‍ പാര്‍ഥസാരഥി ക്ഷേത്രത്തിനു സമീപം ഇവര്‍ സഞ്ചരിച്ചിരുന്ന ബൈക്കിലേക്ക് എതിരേവന്ന ലോറി ഇടിക്കുകയായിരുന്നു. രണ്ടുപേരും സംഭവസ്ഥലത്തുതന്നെ മരിച്ചു. മാതാവ്: ഗീത.

READ MORE
പത്തനംതിട്ട: കൊടുമണ്‍ പഞ്ചായത്തിലെ പാടശേഖരങ്ങളില്‍ കാട്ടുപന്നി ശല്യം രൂക്ഷമാകുന്നു. ഇന്നലെയും കുറ്റാമ്പൂര്‍, തേവര്‍നിലം തുടങ്ങിയ പ്രദേശങ്ങളില്‍ കാട്ടുപന്നികളുടെ ശല്യം ഉണ്ടായതായി നാട്ടുകാര്‍ പറഞ്ഞു. പാടശേഖരങ്ങളില്‍ കൃഷി ചെയ്ത കപ്പയാണ് കൂടുതലായും നശിപ്പിക്കുന്നത്. സൗരോര്‍ജവേലി സ്ഥാപിച്ചു പന്നികളെ തുരത്താനുള്ള നടപടി സ്വീകരിക്കണമെന്നു പല പ്രാവശ്യം അധികൃതരോട് ആവശ്യപ്പെട്ടിട്ടും പ്രയോജനമുണ്ടാകുന്നില്ല. കാട്ടുപന്നികളുടെ ആക്രമണം വര്‍ധിക്കുന്ന സാഹചര്യത്തില്‍ അവരെ തുരത്തുന്നതിനുള്ള നടപടി സ്വീകരിക്കുകയൊ സര്‍ക്കാര്‍ നഷ്ടപരിഹാരം നല്‍കുകയൊ ചെയ്യണമെന്നാണ് കര്‍ഷകരുടെ ശക്തമായ ആവശ്യം.
പത്തനംതിട്ട: നൃത്തവിദ്യാലയത്തിലേക്ക് പോയ വിദ്യാര്‍ഥിനിയെ ഇടിച്ച ബൈക്ക് നിയന്ത്രണം തെറ്റി മറിഞ്ഞു. വിദ്യാര്‍ഥിനിക്കും ബൈക്ക് യാത്രികര്‍ക്കും പരിക്കേറ്റു. െൈബക്കില്‍ സഞ്ചരിച്ച തുകലശ്ശേരി വാര്യത്ത് താഴ്ചയില്‍ മോഹനന്‍, മകന്‍ ജ്യോതിഷ്, ജയകേരള വിദ്യാലയത്തിലെ അഞ്ജന എന്നിവര്‍ക്കാണ് പരിക്കേറ്റത്. ചൊവ്വാഴ്ച 2ന് മാര്‍ക്കറ്റ് ജങ്ഷന്‍ശ്രീവല്ലഭ ക്ഷേത്രം റോഡില്‍ നൃത്തവിദ്യാലയത്തിന് മുന്നിലാണ് അപകടം. എതിര്‍വശത്തെ പൂക്കടയുടെ മുന്‍ഭാഗത്തിടിച്ചാണ് ബൈക്ക് നിന്നത്. കടയുടെ മുന്‍ഭാഗവും തകര്‍ന്നു. പരിക്കേറ്റ ജ്യോതിഷാണ് സമീപത്തെ കവലയില്‍നിന്ന് ഓട്ടോവിളിച്ച് പെണ്‍കുട്ടിയെ ആശുപത്രിയിലേക്കയച്ചത്.
പത്തനംതിട്ട: ജോര്‍ജിയയില്‍ മുന്തിയ ശമ്പളത്തിന് ജോലി വാഗ്ദാനം നല്‍കി ദമ്പതിമാര്‍ ലക്ഷങ്ങള്‍ തട്ടിയതായി പരാതി. ചങ്ങനാശ്ശേരിയില്‍ അലന്‍സ് ഇന്റര്‍നാഷണല്‍ എന്ന സ്ഥാപനം നടത്തുന്ന ഇരവിപേരൂര്‍ വടക്കുംമുറിയില്‍ ജാന്‍സി, ഭര്‍ത്താവ് ബെന്നി എന്നിവര്‍ക്കെതിരെയാണ് തിരുവല്ല പോലീസില്‍ പരാതി ലഭിച്ചത്. വള്ളംകുളം പടിഞ്ഞാറ് അരീക്കര റൈജു എ.തോമസ്, ചങ്ങനാശ്ശേരി സ്വദേശി നിതിന്‍ ടോം, കൊട്ടാരക്കര സ്വദേശി സ്റ്റാന്‍ലി ബേബി, ഉഴവൂര്‍ സ്വദേശി ലിജോ ജോസഫ്, പൊന്‍കുന്നം സ്വദേശി സുനില്‍ മാത്യു എന്നിവരെ തട്ടിപ്പിനിരയാക്കിയതായാണ് പരാതി. 7.5 ലക്ഷം രൂപ വീതമാണ് … Continue reading "ജോലി വാഗ്ദാനം നല്‍കി തട്ടിപ്പ്: ദമ്പതിമാര്‍ക്കെതിരെ കേസ്"
പത്തനംതിട്ട: വള്ളംകുളം ബിവറേജസ് ഔട്ട്‌ലെറ്റില്‍ ജീവനക്കാരനെ മര്‍ദ്ദിച്ചയാള്‍ അറസ്റ്റിലായി .സെയില്‍സ്മാന്‍ ടി.എസ്.സാബുവിനെ(48)മര്‍ദ്ദിച്ച കേസ്സില്‍ കോഴിമല തൈപ്പറമ്പില്‍ ശ്രീനിവാസ(35)നാണ് അറസ്റ്റിലായത്.ഞായറാഴ്ച ഉച്ചതിരിഞ്ഞ് 3ന് ആയിരുന്നു സംഭവം. വരിനില്‍ക്കണമെന്നാവശ്യപ്പെട്ടതിനെ തുടര്‍ന്നുള്ള തര്‍ക്കം മര്‍ദ്ദനത്തില്‍ കലാശിക്കുകയായിരുന്നത്രെ.
പത്തനംതിട്ട:  കനത്ത ചുഴലിക്കാറ്റിലും മഴയിലും പന്തളത്ത് 15 വീടുകള്‍ തകര്‍ന്നു. ഉച്ചയ്ക്ക് ഒരുമണിയോടെ വീശിയടിച്ച കാറ്റില്‍ മുടിയൂര്‍ക്കോണം, മങ്ങാരം, തോന്നല്ലൂര്‍, കടയ്ക്കാട് ഭാഗത്താണ് നാശമുണ്ടായത്. വ്യാപകമായ കൃഷിനാശവുമുണ്ടായിട്ടുണ്ട്. മരം വീണ് വൈദ്യുതിപോസ്റ്റുകളും കമ്പിയും തകര്‍ന്നതിനാല്‍ വൈദ്യുതിവിതരണവും താറുമാറായി. കുളനട മംഗലശ്ശേരില്‍ മഹേഷ്, മണികണ്ഠനാല്‍ത്തറയ്ക്ക് സമീപം പണിതുകൊണ്ടിരുന്ന വര്‍ക്‌ഷോപ്പ് തേക്ക് പിഴുതുവീണ് പൂര്‍ണമായും തകര്‍ന്നു. പന്തളം മാവേലിക്കര റോഡില്‍ ചക്കാലവട്ടം കവലയ്ക്കുസമീപം ആഞ്ഞിലിമരം കടപുഴകിവീണ് ഒരുമണിക്കൂറോളം ഗതാഗതം തടസ്സപ്പെട്ടു. ഫയര്‍ഫോഴ്‌സെത്തിയാണ് മരം മുറിച്ച് ഗതാഗതം പുനഃസ്ഥാപിച്ചത്. കൈപ്പുഴ ചെങ്കിലാത്ത്, … Continue reading "കാറ്റിലും മഴയിലും വ്യാപക നാശം"
പത്തനംതിട്ട: ദുരന്തനിവാരണ പ്രവര്‍ത്തനങ്ങളില്‍ ജനങ്ങള്‍ക്കും സര്‍ക്കാരിനും ലഭിക്കുന്ന സഹായഹസ്തമാണ് റെഡ്‌ക്രോസിന്റെ പ്രവര്‍ത്തനമെന്ന് മന്ത്രി തിരുവഞ്ചൂര്‍ രാധാകൃഷ്ണന്‍. ലോക റെഡ്‌ക്രോസ് ദിനാചരണത്തോടനുബന്ധിച്ച് ഇന്ത്യന്‍ റെഡ്‌ക്രോസ് സൊസൈറ്റി ജില്ലാ യൂണിറ്റ് സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു അദ്ദേഹം. യുദ്ധരംഗങ്ങളില്‍ ഉള്‍പ്പെടെ സമാധാനത്തിന്റെ സന്ദേശവാഹകരാണ് റെഡ്‌ക്രോസ് പ്രവര്‍ത്തകര്‍. ദുരന്തനിവാരണ പ്രവര്‍ത്തനങ്ങളില്‍ സര്‍ക്കാരിന് റെഡ്‌ക്രോസില്‍ നിന്ന് പൂര്‍ണ പിന്തുണ ലഭിക്കാറുണ്ട്. മുല്ലപ്പെരിയാര്‍ അണക്കെട്ടുമായി ബന്ധപ്പെട്ട് അത്യാഹിതങ്ങള്‍ ഒഴിവാക്കാന്‍ സര്‍ക്കാര്‍ മുന്‍കരുതല്‍ നടപടികള്‍ സ്വീകരിച്ചിട്ടുണ്ടെന്നും മന്ത്രി പറഞ്ഞു. ഹോം നഴ്‌സ് അവാര്‍ഡുകളും വീല്‍ചെയര്‍ വിതരണവും … Continue reading "റെഡ്‌ക്രോസ് പ്രവര്‍ത്തകര്‍ സമാധാനത്തിന്റെ സന്ദേശവാഹകര്‍: മന്ത്രി തിരുവഞ്ചൂര്‍"
പത്തനംതിട്ട: കുട്ടി മോഷ്ടാക്കള്‍ പ്രധാന കണ്ണികളായ വന്‍ ബൈക്ക് മോഷണസംഘം പോലീസ് പിടിയിലായി. ജില്ലാ പോലീസ് മേധാവി രാഹുല്‍ ആര്‍. നായരുടെ നേതൃത്വത്തിലുള്ള പോലീസ് സംഘമാണ് മോഷ്ടാക്കളെ കണ്ടെത്തിയത്. വള്ളിക്കോട് കാലായില്‍ വീട്ടില്‍ വാടകയ്ക്ക് താമസിക്കുന്ന പുനലൂര്‍ വിളക്കുവെട്ടം കമലാലയത്തില്‍ ബിനീഷ് (18), പത്തനംതിട്ട ആനപ്പാറ നവാസ് മന്‍സിലില്‍ (ആസാദ് മന്‍സില്‍) നവാഫ് ഷെറീഫ് (23), പത്തനംതിട്ട തോന്ന്യാമല കൊടുങ്കാംമണ്ണില്‍ വീട്ടില്‍ നിയാസ് (21) എന്നിവരാണ് പി ടിയിലായത്. കഴിഞ്ഞ ഫെബ്രുവരി ഒന്നിന് നൈറ്റ് പട്രോളിംഗിനിടെ പത്തനംതിട്ട … Continue reading "മോഷണ സംഘം പിടിയില്‍"

LIVE NEWS - ONLINE

  • 1
    2 hours ago

    കോവളത്തും ചേര്‍ത്തലയിലും കൈപ്പത്തിക്ക് കുത്തിയ വോട്ട് താമരക്ക്

  • 2
    13 hours ago

    തിരഞ്ഞെടുപ്പ്; സംസ്ഥാനത്തെ പോളിംഗ് ബൂത്തുകളില്‍ സുരക്ഷ ശക്തിപ്പെടുത്തിയതായി ലോകനാഥ് ബെഹ്‌റ

  • 3
    15 hours ago

    കാവല്‍ക്കാരന്‍ കള്ളനാണെന്ന് ജനകീയ കോടതി തീരുമാനിക്കും: രാഹുല്‍ ഗാന്ധി

  • 4
    18 hours ago

    എന്റെ വിധി ജനങ്ങള്‍ക്ക് വിട്ട്‌കൊടുക്കുന്നു: എംകെ രാഘവന്‍

  • 5
    19 hours ago

    നിര്‍ഭയമായി വോട്ട് രേഖപ്പെടുത്താനുള്ള അവകാശം വിനിയോഗിക്കണം

  • 6
    20 hours ago

    അമേത്തിയില്‍ രാഹുല്‍ ഗാന്ധിയുടെ പത്രിക സ്വീകരിച്ചു

  • 7
    22 hours ago

    ശ്രീലങ്കയില്‍ കൊല്ലപ്പെട്ട കാസര്‍കോട് സ്വദേശിനിയുടെ ഖബറടക്കം കൊളംബോയില്‍

  • 8
    23 hours ago

    യാത്രക്കാര്‍ക്ക് മര്‍ദനമേറ്റ സംഭവം; കല്ലട ബസ് പിടിച്ചെടുക്കാന്‍ നിര്‍ദേശം

  • 9
    23 hours ago

    കണ്ണീരില്‍ കുതിര്‍ന്ന മരതക ദ്വീപ്