Sunday, November 18th, 2018
പാലക്കാട്: പത്താം ശമ്പളകമ്മിഷനെ ഉടന്‍ നിയമിക്കുമെന്ന് മുഖ്യമന്ത്രി ഉമ്മന്‍ചാണ്ടി. അടുത്ത തെരഞ്ഞെടുപ്പുവരെ കമ്മിഷന്‍ നിയമനം നീട്ടുകയെന്നതു യുഡിഎഫ് നയമല്ലെന്നും അദ്ദേഹം പറഞ്ഞു. എന്‍ജിഒ അസോസിയേഷന്‍ സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി. നിലവിലെ ശമ്പളപരിഷ്‌കരണത്തിന് അടുത്തവര്‍ഷം ജൂണ്‍ 30 വരെ കാലാവധിയുണ്ട്. കഴിഞ്ഞ സര്‍ക്കാരിന്റെ കാലത്തുള്ള ശമ്പള കമ്മിഷന്‍ ശുപാര്‍ശകള്‍ നടപ്പാക്കിയപ്പോഴുണ്ടായ അപാകതകള്‍ പരിഹരിച്ചതു യുഡിഎഫ് സര്‍ക്കാരാണ്. ഡിഎ സംബന്ധിച്ച പ്രശ്‌നങ്ങളും പരിഹരിച്ചു. ജീവനക്കാര്‍ക്ക് അര്‍ഹതപ്പെട്ട ആനുകൂല്യങ്ങള്‍ യഥാസമയം നല്‍കും. പെന്‍ഷന്‍ … Continue reading "പത്താം ശമ്പളകമ്മീഷനെ ഉടന്‍ നിയമിക്കും: മുഖ്യമന്ത്രി"
READ MORE
സ്‌കൂള്‍ വിദ്യാഭ്യാസം പാതിവഴിയില്‍ ഉപേക്ഷിക്കുന്നവരെ മുഖ്യധാരയിലേക്ക് കൊണ്ടുവരാന്‍ രക്ഷക് പദ്ധതി ഒരുങ്ങുന്നു. പോലീസ് വനിതാ സെല്‍, ജില്ലാ വിദ്യാഭ്യാസ വകുപ്പ്, ഓയിസ്‌ക ഇന്റര്‍നാഷനല്‍ എന്നിവയുടെ സംയുക്താഭിമുഖ്യത്തിലാണ് പദ്ധതിക്ക് രൂപം നല്‍കുന്നത്. സ്‌കൂളില്‍ നിന്ന് പഠനംപൂര്‍ത്തിയാക്കാതെ കൊഴിയുന്നവരില്‍ ഭൂരിഭാഗവും സാമൂഹിക തിന്മകളിലേക്ക് തിരിയുകയും മദ്യം, മയക്കുമരുന്ന് ഉപഭോഗത്തിനടിമകളാവുകയും ചെയ്യുന്നുണ്ട്. ഇവര്‍ കുറ്റകൃത്യങ്ങളിലേക്കും വഴിമാറുന്നു. ഇത്തരമൊരു സാഹചര്യത്തിലാണ് ഇവരുടെ ജീവിത പ്രശ്‌നങ്ങളെ നേരിടാനും പ്രതിസന്ധികളെ മറികടക്കാനും പഠനം തുടര്‍ന്ന് ജീവിത വിജയം കൈവരിക്കാനും സഹായിക്കുക … Continue reading "വിദ്യാഭ്യാസം പാതിവഴിയില്‍ ഉപേക്ഷിക്കുന്ന കുട്ടികള്‍ക്കായി ‘രക്ഷക്’"
പാലക്കാട്: അഗ്രഹാരവീഥികളില്‍ അനുഗ്രഹ വര്‍ഷം ചൊരിഞ്ഞ് ദേവരഥങ്ങളുടെ പ്രയാണത്തിന് തുടക്കം. ഇനിയുള്ള രണ്ടുനാള്‍ അഗ്രഹാരം ഭക്തിയുടെ പാരമ്യത്തില്‍ മതിമറക്കും. രഥോത്സവവുമായി ബന്ധപ്പെട്ട പ്രധാനക്ഷേത്രമായ വിശാലാക്ഷി സമേത വിശ്വനാഥ സ്വാമി ക്ഷേത്രത്തിലെ മൂന്ന് രഥങ്ങളാണ് ഇന്നലെ പ്രയാണം തുടങ്ങിയത്. വിശ്വനാഥ സ്വാമിക്ക് പുറമെ ഗണപതി, മുരുകന്‍ രഥങ്ങളാണ് രാവിലെ രഥാരോഹണത്തോടെ സജ്ജമായത്. വൈകീട്ടാണ് ആയിരങ്ങളുടെ ആര്‍പ്പുവിളിയുടെ അകമ്പടിയുമായി പ്രയാണം ആരംഭിച്ചത്. ശനിയാഴ്ചവരെ ഈ രഥങ്ങള്‍ വീഥികളിലുണ്ടാകും. കേന്ദ്രമന്ത്രി കൊടിക്കുന്നില്‍ സുരേഷായിരുന്നു ഇത്തവണത്തെ മുഖ്യാതിഥി. ഷാഫി പറമ്പില്‍ എം.എല്‍.എയും എത്തിയിരുന്നു. … Continue reading "കല്‍പ്പാത്തി രഥപ്രയാണത്തിന് തുടക്കം"
പാലക്കാട്: ഭാര്യയെ കുത്തികൊന്ന് ഭര്‍ത്താവ് പോലീസില്‍ കീഴടങ്ങി. ചുണ്ടക്കാമുത്തൂര്‍ റോഡില്‍ കടലൂര്‍ ചിദംബരത്തിന് സമീപം മുക്കനൂര്‍ സ്വദേശി രാജേന്ദ്രന്‍(44)ആണ് ഭാര്യ കസ്തൂരി(40)യെ കൊന്ന് പൊലീസില്‍ കീഴടങ്ങിയത്. മദ്യപാനിയായ രാജേന്ദ്രന്‍ ദിവസവും മദ്യപിച്ചെത്തി കസ്തൂരിയുമായി വഴക്കിടുക പതിവാണ്. പതിവ് പോലെ രാത്രി മദ്യപിച്ചെത്തിയ രാജേന്ദ്രന്‍ ഉറങ്ങിക്കിടന്ന ഭാര്യയെ വിളിച്ചുണര്‍ത്തി വഴക്കുണ്ടാക്കുകയും വഴക്കിനിടെ കൈയിലുണ്ടായിരുന്ന കത്തികൊണ്ട് കസ്തൂരിയുടെ കുത്തികൊലപ്പെടുത്തുകയും കസ്തൂരി മരിച്ചെന്ന് ഉറപ്പുവരുത്തിയ ശേഷം കുനിയമുത്തൂര്‍ പോലീസ് സ്‌റ്റേഷനിലെത്തി കീഴടങ്ങുകയുമായിരുന്നു.
പാലക്കാട്: സോളാര്‍തട്ടിപ്പ്‌കേസ് സിറ്റിംഗ് ജഡ്ജിതന്നെ അന്വേഷിക്കണമെന്ന് പ്രതിപക്ഷ ഉപനേതാവ് കോടിയേരി ബീലകൃഷ്ണന്‍. സര്‍ക്കാരിന്റെ നിക്ഷിപ്ത താല്‍പ്പര്യം സംരക്ഷിക്കാനാണ് റിട്ട. ജഡ്ജിയെ നിയമിച്ചച്ചത്. അതിനോട് സഹകരിക്കാനാവില്ലെന്നും കോടിയേരി പറഞ്ഞു. എല്‍.ഡി.എഫ് വടക്കന്‍മേഖലാജാഥാപ്രയാണത്തിന്റെ ഭാഗമായി വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. കസ്തൂരിരംഗന്‍ റിപ്പോര്‍ട്ടിന്റെ പേരില്‍ മലയോര കര്‍ഷകരാകെ ആശങ്കയിലാണ്. ഗുരുതര പ്രശ്‌നമായിട്ടും നിയമസഭ വിളിച്ച് ചര്‍ച്ച ചെയ്യാന്‍ സര്‍ക്കാര്‍ തയ്യാറാകുന്നില്ല. യു.ഡി.എഫിലെ അഭിപ്രായഭിന്നത മറനീക്കി പുറത്തുവരുമെന്നതിനാലാണ് നിയമസഭ വിളിക്കാന്‍ മടിക്കുന്നതെന്നും കോടിയേരി പറഞ്ഞു. സോളാര്‍ കുംഭകോണവും ജനങ്ങള്‍ നേരിടുന്ന മറ്റു പ്രശ്‌നങ്ങളുമുയര്‍ത്തി … Continue reading "സോളാര്‍ കുംഭകോണം; സിറ്റിംഗ് ജഡ്ജിതന്നെ അന്വേഷിക്കണം: കോടിയേരി"
പാലക്കാട്: രാജാവും പ്രജകളും എന്ന രീതിയിലാണ് മുഖ്യമന്ത്രി ഉമ്മന്‍ ചാണ്ടിയുടെ ജനസമ്പര്‍ക്ക പരിപാടിയെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. രാജാവിനെ വന്നുകാണുന്നവര്‍ക്ക് മാത്രം പണം കൊടുക്കുന്ന പരിപാടിയായി ജന സമ്പര്‍ക്കം മാറിയെന്നും മുഖ്യമന്ത്രിയെ കാണാന്‍ കഴിയാത്ത മഹാഭൂരിപക്ഷം അര്‍ഹതപ്പെട്ട നിരാലംബര്‍ക്ക് നീതി നിഷേധിക്കുകയാണെന്നും അദ്ദേഹം കുറ്റപ്പെടുത്തി. പാലക്കാട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ജനസമ്പര്‍ക്കപരിപാടിക്കെതിരായ എല്‍.ഡി.എഫിന്റെ പ്രതിഷേധം ജനങ്ങള്‍ക്കെതിരെയല്ല, മുഖ്യമന്ത്രിക്കെതിരെയാണെന്നും അദ്ദേഹം കൂട്ടിച്ചേര്‍ത്തു.
പാലക്കാട്: നഗരസഭ മാര്‍ച്ചിനിടെ പാര്‍ട്ടി പ്രവര്‍ത്തകരെ അറസ്റ്റ് ചെയ്തതില്‍ പ്രതിഷേധിച്ച് പാലക്കാട് ഇന്ന് ബി ജെ പി ഹര്‍ത്താല്‍. രാവിലെ ആറ് മണിമുതല്‍ വൈകീട്ട് ആറ് മണിവരെയാണ് ഹര്‍ത്താല്‍. അപ്രതീക്ഷിതമായുണ്ടായ ഹര്‍ത്താലില്‍ ജനം ആകെ വലഞ്ഞു. ഹര്‍ത്താല്‍ തുടങ്ങിയതോടെ ബസ്സുകള്‍ പെട്ടെന്ന് പിന്‍വലിച്ചു. അതോടെ ഓഫീസിലേക്ക് പുറപ്പെട്ടവര്‍ ഉള്‍പ്പടെ പലരും പാതിവഴിയില്‍ കുടങ്ങി. റോഡ് ഉപരോധിച്ച ബി.ജെ.പിആര്‍.എസ്.എസ് പ്രവര്‍ത്തകരെ പോലീസ് അറസ്റ്റ് ചെയ്തു നീക്കുകയായിരുന്നു. ഇതിന് പിന്നാലെയാണ് രാവിലെ ഒമ്പത് മണിയോടെ പാര്‍ട്ടി മിന്നല്‍ … Continue reading "പാലക്കാട് ബിജെപി ഹര്‍ത്താല്‍"
പാലക്കാട്: കറുപ്പിനെ മുഖ്യന് ഭയമാണെന്നും ജനങ്ങളില്‍ നിന്ന് അദ്ദേഹം ഏറെ അകന്നുവെന്നും പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. മുഖ്യമന്ത്രി രാജിവച്ചാല്‍ ആഴ്ച്ചകള്‍ക്കകം ജയിലിലാകുമെന്ന് അദ്ദേഹം പറഞ്ഞു. എല്‍ഡിഎഫ് നടത്തുന്ന ക്ലിഫ്ഹൗസ് ഉപരോധ സമരപ്രചാരണത്തിന്റെ ഭാഗമായുളള വടക്കന്‍ മേഖല ജാഥക്ക് പടിഞ്ഞാറങ്ങാടിയില്‍ നല്‍കിയ ആദ്യ സ്വീകരണത്തില്‍ പ്രസംഗിക്കുകയായിരുന്നു അദ്ദേഹം. സിപിഐമണ്ഡലം സെക്രട്ടറി പി ടി ഹംസ അധ്യക്ഷത വഹിച്ചു. കെ.ഇ. ഇസ്മായില്‍, മാമ്മന്‍ ഐപ്, സി.കെ.രാജേന്ദ്രന്‍, സുരേഷ് രാജ്, റസാഖ് മൗലവി, വി.കെ.ചന്ദ്രന്‍, പി.ടി.ഹംസ എന്നിവര്‍ പ്രസംഗിച്ചു.
