Friday, February 22nd, 2019

മലപ്പുറം: തിരൂര്‍ പറവണ്ണയിലെ ഓട്ടോ ഡ്രൈവര്‍ കളരിക്കല്‍ മുഹമ്മദ് യാസീനെ കുത്തിക്കൊലപ്പെടുത്തിയ കേസിലെ പ്രതി പറവണ്ണ പുത്തങ്ങാടി ആദമിനെ സംഭവസ്ഥലമായ പറവണ്ണ ടൗണിലെത്തിച്ച് തെളിവെടുപ്പ് നടത്തി. മുഹമ്മദ് യാസീനെ കുത്തിപ്പരിക്കേല്‍പ്പിക്കാന്‍ ഉപയോഗിച്ച കത്തി പള്ളിപ്പറമ്പില്‍നിന്ന് കണ്ടെടുത്തു. കുത്തിയതിനുശേഷം കത്തി പള്ളിപ്പറമ്പിലേക്ക് വലിച്ചെറിഞ്ഞതാണെന്ന് പോലീസ് പറഞ്ഞു. നാട്ടുകാരുടെ പ്രതിഷേധത്തെത്തുടര്‍ന്ന് പോലീസ് വാനില്‍ നിന്ന് പ്രതിയെ പുറത്തിറക്കാനായില്ല. രണ്ടു ദിവസത്തേക്കാണ് ആദമിനെ തിരൂര്‍ മജിസ്‌ട്രേറ്റ് കോടതി പോലീസ് കസ്റ്റഡിയില്‍ വിട്ടിരിക്കുന്നത്. ഇന്ന് കോടതിയില്‍ ഹാജരാക്കും.  

READ MORE
മലപ്പുറം: കഞ്ചാവ് മൊത്തവിതരണക്കാരായ 2 പേരെ 1.125 കിലോഗ്രാം കഞ്ചാവുമായി പെരിന്തല്‍മണ്ണയില്‍ എക്‌സൈസ് സംഘം അറസ്റ്റ് ചെയ്തു. ചെമ്പ്രശ്ശേരി ആര്‍പ്പിനിക്കുന്ന് കണിയാമ്പാറ വീട്ടില്‍ ഫസല്‍ ബാവ(29), ഒറവംപുറം കാരാടന്‍ വീട്ടില്‍ മുഹമ്മദ് ആസിഫ്(19) എന്നിവരെയാണ് അറസ്റ്റ് ചെയ്തത്. ഇവര്‍ യാത്ര ചെയ്ത സ്‌കൂട്ടറും കസ്റ്റഡിയിലെടുത്തു.
മലപ്പുറം: പ്ലസ് വണ്‍ വിദ്യാര്‍ഥിയെ പ്രകൃതിവിരുദ്ധപീഡനത്തിന് ഇരയാക്കിയ സംഭവത്തില്‍ രണ്ടുപേരെ മഞ്ചേരി പോലീസ് അറസ്റ്റുചെയ്തു. മഞ്ചേരി മാര്യാട് പൂഴിക്കുത്ത് അബ്ദുറഹിമാന്‍(32) പൂളക്കത്തൊടി സെയ്തലവി(45) എന്നിവരെയാണ് സിഐ എന്‍ബി ഷൈജുവിന്റെ നേതൃത്വത്തില്‍ അറസ്റ്റുചെയ്തത്. വിദ്യാര്‍ഥി ചൈല്‍ഡ്‌ലൈനില്‍ പരാതി നല്കിയതോടെയാണ് വിവരം പുറത്തുവന്നത്.
മലപ്പുറം: ടിവി മോഷ്ടാവിനെ തിരൂര്‍ സ്‌റ്റേഷനിലെത്തിച്ച് തെളിവെടുപ്പ് നടത്തി. തിരൂര്‍ റെയില്‍വേ സ്‌റ്റേഷന്‍ പരിസരത്തുള്ള ഹോട്ടലില്‍ മുറിയെടുത്ത് ടിവി മോഷ്ടിച്ച കേസിലാണ് പാലക്കാട് സ്വദേശി ശിവകുമാറി(39)നെ ഇന്നലെ പോലീസ് തിരൂരിലെത്തിച്ചത്. മോഷണത്തിനിടെ കഴിഞ്ഞ ദിവസം കോയമ്പത്തൂരിലാണ് ഇയാള്‍ പിടിയിലായത്. സംസ്ഥാനത്ത് മാത്രം പ്രതിക്കെതിരെ 10 കേസുകളുണ്ടെന്ന് പോലീസ് പറഞ്ഞു. സര്‍ക്കാര്‍ ഉദ്യോഗസ്ഥനെന്നറിയിച്ച് മാന്യമായ വസ്ത്രം ധരിച്ച് ഹോട്ടലുകളില്‍ മുറിയെടുത്താണ് ഇയാള്‍ ടിവി മോഷ്ടിക്കുന്നത്.
മലപ്പുറം: കോട്ടപ്പടി താലൂക്ക് ആശുപത്രിയില്‍നിന്ന് മഞ്ചേരി മെഡിക്കല്‍കോളേജിലേക്ക് പോകും വഴിയില്‍ യുവതി കാറില്‍ പ്രസവിച്ചു. കൊണ്ടോട്ടി നെടിയിരുപ്പ് കോളനി റോഡില്‍ നിയാസിന്റെ ഭാര്യ ആമിനയാണ്(26) കാറില്‍ പ്രസവിച്ചത്. മെഡിക്കല്‍കോളേജ് ആശുപത്രിയിലെ അത്യാഹിത വിഭാഗത്തിലെത്തിയെങ്കിലും കാറില്‍നിന്ന് ഇറങ്ങുന്നതിന് മുമ്പ് പ്രസവിക്കുകയായിരുന്നു. ചൊവ്വാഴ്ച വൈകീട്ടാണ് യുവതിയെ താലൂക്ക് ആശുപത്രിയില്‍ പ്രവേശിപ്പിച്ചത്. അമിത രക്തസ്രാവത്തിന് സാധ്യതയുണ്ടെന്ന് പറഞ്ഞ് മെഡിക്കല്‍കോളേജിലേക്ക് റഫര്‍ചെയ്യുകയായിരുന്നു. ഇതനുസരിച്ച് ഇവര്‍ ഓട്ടോറിക്ഷയില്‍ മഞ്ചേരിയിലേക്ക് പുറപ്പെട്ടു. വഴിമധ്യേ പ്രസവ വേദന കൂടിയതോടെ കാറിലേക്ക് മാറിക്കയറുകയായിരുന്നു. സംഭവത്തെക്കുറിച്ച് അന്വേഷിച്ച് റിപ്പോര്‍ട്ട് നല്‍കാന്‍ … Continue reading "യുവതി കാറില്‍ പ്രസവിച്ചു"
ബത്തേരി: ഓട്ടോറിക്ഷയില്‍ കടത്തുകയായിരുന്ന 26 കിലോ ചന്ദനം ബത്തേരിയില്‍ വനം വകുപ്പ് ഫഌയിങ് സ്‌ക്വാഡ് പിടികൂടി. സംഭവത്തില്‍ മൂന്ന് പേരെ അറസ്റ്റ് ചെയ്തു. നെന്മേനിക്കുന്ന് തേനം മാ ക്കില്‍ സന്തോഷ്(46) നമ്പിക്കൊല്ലി കൊട്ടക്കുനി ബേബി(41) പുത്തന്‍കുന്ന് ചിറ്റൂര്‍സിനു(34) എന്നിവരാണ് അറസ്റ്റിലായത്. ചൊവ്വാഴ്ച രാത്രി എട്ടോടെ ബത്തേരി മാനന്തവാടി റൂട്ടിലെ മന്തംകൊല്ലിയില്‍ നിന്നാണ് ചന്ദനവും പ്രതികളെയും റെയിഞ്ച് ഓഫിസര്‍ പത്മനാഭന്റെയും സീനിയര്‍ ഫോറസ്റ്റ് ഓഫീസര്‍ എ എസ് രാജന്റെയും നേതൃത്വത്തില്‍ പിടികൂടിയത്. രണ്ടാഴ്ച മുമ്പ് മുത്തങ്ങ വന്യ ജീവി … Continue reading "ഓട്ടോറിക്ഷയില്‍ കടത്തിയ 26 കിലോ ചന്ദനം പിടികൂടി"
മലപ്പുറം: പരപ്പനങ്ങാടി പ്രദേശത്ത് സിപിഎം-ലീഗ് സംഘര്‍ഷം. ഇന്നലെ രാത്രിയില്‍ ആവിയില്‍ ബീച്ച് സിപിഎം ബ്രാഞ്ച് സെക്രട്ടറി കുന്നുമ്മല്‍ ജാഫറിന്റെ ഓട്ടോയും മുസ്‌ലിം ലീഗ് പ്രവര്‍ത്തകനായ ചാപ്പപ്പടി ഫിഷറീസ് ആശുപത്രിക്ക് സമീപത്തെ പുത്തന്‍ കമ്മുവിന്റെ ഹുസൈന്റെ വീടിനും മുന്‍വശത്ത് നിര്‍ത്തിയിട്ട ബൈക്കും അജ്ഞാതര്‍ കത്തിച്ചുകളഞ്ഞു. വീടിന്റെ ജനല്‍ച്ചില്ലുകളും തകര്‍ത്തിട്ടുണ്ട്. വാഹനം പാര്‍ക്ക് ചെയ്യന്ന ഷെഡും കത്തിനശിച്ചു. വീട്ടുകാര്‍ ഉണര്‍ന്ന് തീയണക്കുകയായിരുന്നു. പുലര്‍ച്ചെ രണ്ടോടെയാണ് ബൈക്ക് കത്തിച്ചത്. അരമണിക്കൂറിന് ശേഷം ഓട്ടോയും. പോലീസെത്തി അന്വേഷണം നടത്തി. ഇരു വിഭാഗക്കാരുടെയും പരാതിയില്‍ … Continue reading "പരപ്പനങ്ങാടിയില്‍ സിപിഎം-ലീഗ് സംഘര്‍ഷം"

LIVE NEWS - ONLINE

  • 1
    4 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    6 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    7 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    9 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    10 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    11 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    12 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    14 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    14 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം