Main News

    ചെന്നൈ:  നാടകീയ സംഭവങ്ങള്‍ക്കും സ്പീക്കര്‍ക്കു നേരെയുള്ള കൈയേറ്റവും സംഘര്‍ഷവും നിറഞ്ഞുനിന്ന അന്തരീക്ഷത്തിനൊടുവില്‍ തമിഴ്‌നാട് നിയമസഭയില്‍ എടപ്പാടി പളനിസാമിയുടെ നേതൃത്വത്തിലുള്ള അണ്ണാ ഡി.എം.കെ സര്‍ക്കാര്‍ വിശ്വാസവോട്ട് നേടി. സര്‍ക്കാരിന് 122 വോട്ട് ലഭിച്ചപ്പോള്‍ പനീര്‍ശെല്‍വം പക്ഷത്തിന് 11 വോട്ടുകള്‍ മാത്രമെ കിട്ടിയുള്ളൂ. പ്രതിപക്ഷ നേതാവ് എം.കെ.സ്റ്റാലിന്റെ നേതൃത്വത്തിലുള്ള ഡി.എം.കെ അംഗങ്ങളെ ബഹളം വച്ചതിനെ തുടര്‍ന്ന് സ്പീക്കര്‍ സഭയില്‍ നിന്ന് പുറത്താക്കിയിരുന്നു

പാറ്റൂര്‍ ഭൂമി ഇടപാട്; ഉമ്മന്‍ചാണ്ടിക്കെതിരെ കേസ്

      തിരു: വിവാദമായ പാറ്റൂര്‍ ഭൂമി ഇടപാട് കേസില്‍ മുന്‍ മുഖ്യമന്ത്രി ഉമ്മന്‍ചാണ്ടിയെ പ്രതിയാക്കി വിജിലന്‍സ് കേസ്. മുന്‍ ചീഫ് സെക്രട്ടറി ഭരത് ഭൂഷനും പ്രതിപ്പട്ടികയിലുണ്ട്. ലോകായുക്തയുടെ പരിഗണനയിലുള്ള കേസായതിനാല്‍ വിജിലന്‍സിന് എഫ്.ഐ.ആര്‍ രജിസ്റ്റര്‍ ചെയ്യുന്നതിന് തടസമില്ലെന്ന് നിയമോപദേശം ലഭിച്ച സാഹചര്യത്തിലാണ് വിജിലന്‍സ് കേസെടുത്തത്. ഉമ്മന്‍ചാണ്ടി, ഭരത് ഭൂഷണ്‍, കമ്പനി ഉടമ എന്നിവരെ പ്രതികളാക്കി കേസ് എടുക്കണമെന്ന് ആവശ്യപ്പെട്ട് വി.എസ് അച്യുതാനന്ദനാണ് തിരുവനന്തപുരം വിജിലന്‍സ് കോടതിയെ സമീപിച്ചത്. സമാനമായ പരാതി ലോകായുക്തയുടെ പരിഗണനയില്‍ ഉള്ളതിനാല്‍ കേസ് എടുക്കാന്‍ കഴിയില്ലെന്നാണ് കോടതിയില്‍ അന്വേഷണ ഉദ്യോഗസ്ഥന്‍ അറിയിച്ചിരുന്നു. എന്നാല്‍ കയ്യേറ്റം സ്ഥിരീകരിച്ചിട്ടുണ്ടെങ്കില്‍ എന്തുകൊണ്ട് കേസ് എടുക്കുന്നില്ലെന്ന് കോടതി ചോദിച്ചതോടെ വിജിലന്‍സ് ഡയറക്ടര്‍ നിയമോപദേശം തേടുകയായിരുന്നു. വിഷയത്തില്‍ കേസ് എടുക്കാമെന്ന് നേരത്തെ അഡ്വക്കേറ്റ് ജനറലും വിജിലന്‍സ് ഡയറക്ടര്‍ക്ക് നിയമോപദേശം നല്‍കിയിരുന്നു. കഴിഞ്ഞ സര്‍ക്കാരിന്റെ കാലത്ത് പാറ്റൂരിലെ സര്‍ക്കാര്‍ ഭൂമി സ്വകാര്യ കമ്പനിക്ക് ഫ്‌ലാറ്റ് നിര്‍മാണത്തിനായി ചട്ടവിരുദ്ധമായി കൈമാറിയെന്നാണ് ആരോപണം

സംഘര്‍ഷം തുടരുന്നു; വിശ്വാസ വോട്ടെടുപ്പ് മൂന്നുമണിവരെ നിര്‍ത്തിവെച്ചു
തമിഴ്‌നാട് നിയമ സഭയില്‍ സംഘര്‍ഷം; വിശ്വാസ വോട്ടെടുപ്പ് നിര്‍ത്തിവെച്ചു
ഓട്ടോറിക്ഷയും സ്‌കോര്‍പിയോയും കൂട്ടിയിടിച്ച് യുവാവ് മരിച്ചു
മദ്യ ലഹരിയിലെ സമ്മതം; ലൈംഗിക ബന്ധത്തിനുള്ള അനുമതിയല്ല: കോടതി

      മുബൈ: മദ്യലഹരിയിലായിരിക്കുമ്പോള്‍ സ്ത്രീകള്‍ ലൈംഗിക ബന്ധത്തിന് നല്‍കുന്ന സമ്മതം പീഡനക്കേസുകളില്‍ പരിഗണിക്കാനാകില്ലെന്ന് ബോംബെ ഹൈക്കോടതി. സഹപ്രവര്‍ത്തകയെ സുഹൃത്തുക്കള്‍ക്കൊപ്പം കൂട്ടമാനഭംഗത്തിനിരയാക്കിയ കേസില്‍ പ്രതിയായ പുനെ സ്വദേശിയുടെ ജാമ്യ ഹര്‍ജിയിലാണ് കോടതിയുടെ സുപ്രധാന പരാമര്‍ശം. മാനഭംഗത്തിനിരയായ യുവതി മദ്യപിച്ചിരുന്നുവെന്നും അതിനാലാണ് യുവതിയെ സുഹൃത്തിന്റെ ഫഌറ്റിലേക്ക് കൊണ്ടുപോയതെന്നും ഹര്‍ജിക്കാരന്‍ പറയുന്നു. അതേസമയം അറിഞ്ഞുകൊണ്ടല്ല താന്‍ മദ്യം കഴിച്ചതെന്ന് യുവതി വാദിച്ചു. യുവതി മദ്യപിച്ച് സുബോധം നഷ്ടപ്പെട്ടുവെങ്കില്‍ അവരെ വീട്ടിലേക്ക് കൊണ്ടുപോകുന്നതിന് പകരം എന്തിനാണ് സുഹൃത്തിന്റെ ഫഌറ്റിലേക്ക് കൊണ്ടുപോയതെന്ന് കോടതി ചോദിച്ചു. യുവതിയുടെ അവസ്ഥ പരിഗണിച്ചാല്‍ അവര്‍ക്ക് ലൈംഗിക ബന്ധത്തിന് താല്‍പര്യമില്ലെന്ന് മനസിലാക്കാമെന്നും ഇനി അവര്‍ സമ്മതം നല്‍കിയെങ്കിലും അതിനെ സമ്മതമായി കാണാനാകില്ലെന്നും കോടതി നിരീക്ഷിച്ചു. ലഹരിക്ക് അടിമയായ സാഹചര്യങ്ങളില്‍ സ്ത്രീയുടെ സമ്മതം ബലാത്സംഗം നടത്തിയതിനുള്ള ന്യായീകരണമായി കാണാനാവില്ല. ഇത്തരം സാഹചര്യങ്ങളില്‍ ഒരിക്കലെങ്കിലും സ്ത്രീ നോ പറഞ്ഞാല്‍ അവള്‍ ലൈംഗികബന്ധത്തിനു സമ്മതമല്ലെന്നു തന്നെയാണ് അര്‍ത്ഥമാക്കുന്നത്. എന്നാല്‍, ‘സ്ത്രിയുടെ സമ്മതമില്ലാതെ’ എന്ന നിര്‍വചനത്തിന് വ്യാപകമായ അര്‍ത്ഥങ്ങളാണ് ഉള്ളതെന്നും ജസ്റ്റിസ് മൃദുല ഭട്കറിന്റെ വിധിയില്‍ പറയുന്നു. ഇന്ത്യന്‍ ശിക്ഷാ നിയമം 375 വകുപ്പു പ്രകാരം എല്ലാ സാഹചര്യത്തിലും സ്ത്രീയുടെ സമ്മതത്തിന് സാധുതയില്ല. മൗനം പാലിക്കുന്നതോ അനിശ്ചിതാവസ്ഥയോ സമ്മതമായി കണക്കാക്കാനാകില്ലെന്നും കോടതി ചൂണ്ടിക്കാട്ടി

മുഖ്യമന്ത്രി ആഭ്യന്തരവകുപ്പ് സ്ഥാനം ഒഴിയണം: കുമ്മനം
നടി ഭാവനയെ തട്ടിക്കൊണ്ടു പോകാന്‍ ശ്രമം; ഒരാള്‍ അറസ്റ്റില്‍
ബലാത്സഗം; യുപി മന്ത്രിക്കെതിരെ കേസെടുക്കണം: സുപ്രീം കോടതി
വികസനത്തെ എതിര്‍ക്കുന്നവരെ മാറ്റി നിര്‍ത്തും: പിണറായി

      തിരു: വികസന പ്രവര്‍ത്തനങ്ങളെ എതിര്‍ക്കുന്നവരെ നാടിന്റെ നന്മ ലക്ഷ്യമാക്കി മാറ്റിനിര്‍ത്തേണ്ടിവരുമെന്ന് മുഖ്യമന്ത്രി പിണറായി വിജയന്‍. ഇത്തരം എതിര്‍പ്പുകള്‍ നേരിടും. നാടിന്റെ വികസനത്തിനുവേണ്ടി ചില നഷ്ടങ്ങള്‍ സഹിക്കേണ്ടിവരും. എതിര്‍പ്പുമായി രംഗത്തെത്തുന്നവരെ മാറ്റിനിര്‍ത്തുകയല്ലാതെ മറ്റ് മാര്‍ഗമില്ല. ആര്‍ക്കെങ്കിലും എതിരായ യുദ്ധ പ്രഖ്യാപനമായി ഇതിനെ കാണേണ്ടതില്ലെന്നും അദ്ദേഹം പറഞ്ഞു. വൈദ്യുതി ലൈന്‍ വലിക്കാനുള്ള പ്രവര്‍ത്തനങ്ങള്‍ മരങ്ങള്‍ നഷ്ടപ്പെടുമെന്ന് ചൂണ്ടിക്കാട്ടി ചിലര്‍ തടസപ്പെടുത്തുന്നു. നാടിന് വൈദ്യുതി ലഭ്യമാക്കാനുള്ള ശ്രമങ്ങളെയാണ് ഇത്തരക്കാര്‍ തടസപ്പെടുത്തുന്നത്. ഭൂമിക്കടിയിലൂടെ ഗ്യാസ് പൈപ്പ് ലൈന്‍ വലിക്കാനുള്ള നീക്കത്തെയും ചലര്‍ എതിര്‍ക്കുന്നുണ്ടെന്നും പിണറായി കൂട്ടിച്ചേര്‍ത്തു

കൂട്ടായ പ്രവര്‍ത്തനത്തിലൂടെ നേട്ടങ്ങള്‍ കൈവരിക്കാനാവും: മുഖ്യമന്ത്രി

    തിരു: കൂട്ടായ പ്രവര്‍ത്തനത്തിലൂടെയെ ആരോഗ്യരംഗത്ത് കൂടുതല്‍ നേട്ടങ്ങള്‍ കൈവരിക്കാന്‍ കഴിയൂമെന്ന് മുഖ്യമന്ത്രി പ്ിണറായി വിജയന്‍. ആരോഗ്യ മേഖലയിലടക്കമുള്ള ദൗര്‍ബല്യങ്ങള്‍ മനസിലാക്കി എല്ലാവരും കരുതലോടെ പ്രവര്‍ത്തിക്കണമെന്നും അദ്ദേഹം പറഞ്ഞു. ആര്‍ദ്രകേരളം പദ്ധതിയുടെ സംസ്ഥാനതല ഉദ്ഘാടനം തിരുവനന്തപുരത്ത് നിര്‍വഹിച്ച് സംസാരിക്കുകയായിരുന്നു മുഖ്യമന്ത്രി. ആരോഗ്യരംഗത്ത് ഒരുപാട് നേട്ടങ്ങള്‍ കേരളം കൈവരിച്ചിട്ടുണ്ട്. ആ നേട്ടങ്ങള്‍ക്ക് തുടര്‍ച്ചയുണ്ടാക്കാന്‍ കഴിയണം. കേരളം കൈവരിച്ച നേട്ടങ്ങള്‍ നിലനിര്‍ത്താന്‍ നമ്മുക്ക് കഴിയുന്നുണ്ടോ എന്ന് ചിന്തിക്കണം. നമ്മള്‍ തുടച്ചുനീക്കിയ പല രോഗങ്ങളും ഇന്ന് സമൂഹത്തിന് ഭീഷണിയായി മാറുന്നുണ്ടെന്നും കൂട്ടായ പ്രവര്‍ത്തനത്തിലൂടെയെ ആരോഗ്യരംഗത്ത് കൂടുതല്‍ നേട്ടങ്ങള്‍ കൈവരിക്കാന്‍ കഴിയൂ എന്നും മുഖ്യമന്ത്രി ഓര്‍മിപ്പിച്ചു

എടപ്പാടി പളനി സ്വാമി തമിഴ്‌നാട് മുഖ്യമന്ത്രി

        ചെന്നൈ: തമിഴ്‌നാട്ടില്‍ രാഷ്ട്രീയ അനിശ്ചിതത്വത്തിന് വിരാമമിട്ട് എടപ്പാടി പളനിസാമി മുഖ്യമന്ത്രിയാവും. പളനിസാമിയെ സര്‍ക്കാരുണ്ടാക്കാന്‍ ഗവര്‍ണര്‍ വിദ്യാസാഗര്‍ റാവു ക്ഷണിച്ചതോടെയാണിത്. ഗവര്‍ണറുടെ നിര്‍ദേശ പ്രകാരം രാവിലെ 11.30ഓടെ രാജ്ഭവനിലെത്തി പളനിസാമി നത്തിയ കൂടിക്കാഴ്ചയില്‍ 124 എം.എല്‍.എമാരുടെ പിന്തുണ തനിക്കുണ്ടെന്ന് അറിയിച്ചു. സത്യപ്രതിജ്ഞ ഇന്നു വൈകിട്ടോടെ ഉണ്ടാവും. തുടര്‍ന്ന്, 15 ദിവസത്തിനുള്ളില്‍ ഭൂരിപക്ഷം തെളിയിക്കാനും ഗവര്‍ണര്‍ നിര്‍ദേശിച്ചു. ഇക്കാര്യം ചൂണ്ടിക്കാട്ടി രാജ്ഭവന്‍ പത്രക്കുറിപ്പും പുറത്തിറക്കി. രണ്ടു മാസത്തിനിടെ തമിഴ്‌നാട്ടിലെ മൂന്നാമത്തെ മുഖ്യമന്ത്രിയാവുകയാണ് പളനിസാമി. ഇന്നലെ രാത്രി പളനിസാമിയും കാവല്‍ മുഖ്യമന്ത്രിയായ പനീര്‍ശെല്‍വവും ഗവര്‍ണറെ കണ്ടിരുന്നു. ഭൂരീപക്ഷം എം.എല്‍.എമാരുടെ പിന്തുണ പളനിസാമിക്കാണെന്നതിനാല്‍ അദ്ദേഹത്തെ സര്‍ക്കാരുണ്ടാക്കാന്‍ ഗവര്‍ണര്‍ അനുവദിക്കുകയായിരുന്നു. പനീര്‍ശെല്‍വത്തിന് എട്ട് എം.എല്‍.എമാരുടെ പിന്തുണയാണുള്ളത്. എം.എല്‍.എമാരെല്ലാം കൂവത്തൂരിലെ റിസോര്‍ട്ടില്‍ തുടരുകയാണ്. നിലവിലെ സാഹചര്യത്തില്‍ പളനിസാമിയെ സര്‍ക്കാരുണ്ടാക്കാന്‍ ക്ഷണിക്കുകയല്ലാതെ മറ്റ് മാര്‍ഗമില്ലെന്നാണ് രാജ്ഭവന്‍ വൃത്തങ്ങള്‍ പറയുന്നത്. എല്ലാവശവും പരിഗണിച്ച ശേഷമാണ് ഗവര്‍ണര്‍ തീരുമാനത്തിലെത്തിയത്. പളനിസാമിയെ ക്ഷണിക്കുന്നതനിന് മുമ്പ് എം.എല്‍.എമാരെ ‘തട്ടിക്കൊണ്ടു’ പോയി റിസോര്‍ട്ടില്‍ താമസിപ്പിച്ചിരിക്കുന്ന കാര്യവും ഗവര്‍ണര്‍ പരിഗണിച്ചിരുന്നു. പളനിസാമി മുഖ്യമന്ത്രി ആവുമെന്ന് ഉറപ്പായതോടെ കൂവത്തൂരിലെ റിസോര്‍ട്ടില്‍ എം.എല്‍.എമാര്‍ ആഹ്‌ളാദത്തിലാണ്. ശശികലയെ പിന്തുണയ്ക്കുന്ന അണ്ണാ ഡി.എം.കെ പ്രവര്‍ത്തകരും റിസോര്‍ട്ടിന് മുന്നില്‍ ആഹ്‌ളാദപ്രകടനം നടത്തുകയാണ്

കെഎഎസ് സമരം പരാജയം; സെക്രട്ടേറിയറ്റില്‍ നിസഹകരണ സമരം

    തിരു: കേരള അഡ്മിനിസ്‌ട്രേറ്റിവ് സര്‍വിസുമായി (കെ.എ.എസ്) ബന്ധപ്പെട്ട് ഒരുവിഭാഗം സെക്രട്ടേറിയറ്റ് ജീവനക്കാര്‍ തുടരുന്ന സമരം ഒത്തുതീര്‍പ്പാക്കുന്നതിന് ചീഫ് സെക്രട്ടറി വിളിച്ച ചര്‍ച്ച പരാജയം. സെക്രട്ടേറിയറ്റ് ആക്ഷന്‍ കൗണ്‍സില്‍ ഭാരവാഹികള്‍ യോഗത്തില്‍ നിന്ന് ഇറങ്ങിപ്പോയി. ഇന്നു മുതല്‍ നിസ്സഹകരണസമരമാരംഭിക്കാനും സര്‍ക്കാര്‍പ്രവര്‍ത്തനങ്ങളില്‍ നിന്ന് വിട്ടുനില്‍ക്കാനുമാണ് അവരുടെ തീരുമാനം. കെ.എ.എസിനെതിരെ ആക്ഷന്‍കൗണ്‍സില്‍ നടത്തുന്ന സമരം 50 ദിവസം പിന്നിട്ട സാഹചര്യത്തിലാണ് ഇന്നലെ ചീഫ് സെക്രട്ടറി ചര്‍ച്ച നടത്തിയത്. കെ.എ.എസ് നടപ്പാക്കുക എന്നത് സര്‍ക്കാര്‍ തത്ത്വത്തില്‍ അംഗീകരിച്ചതാണെന്നും കരട്ചട്ടം തയാറാക്കിവരുകയാണെന്നും ചീഫ് സെക്രട്ടറി വിശദീകരിച്ചു. ജീവനക്കാരുടെ പ്രതിഷേധം സെക്രട്ടേറിയറ്റിന്റെ പ്രവര്‍ത്തനത്തെ ബാധിച്ചിട്ടുണ്ടെന്നും ജീവനക്കാര്‍ സമരത്തില്‍ നിന്ന് പിന്മാറണമെന്നും അദ്ദേഹം ആവശ്യപ്പെട്ടു. 50 ദിവസമായി തുടരുന്ന സമരമവസാനിപ്പിക്കാന്‍ ഉപാധികള്‍ പോലും മുന്നോട്ടുവെക്കാതെയുള്ള ചീഫ് സെക്രട്ടറിയുടെ നിര്‍ദേശം സ്വീകാര്യമല്‌ളെന്നായിരുന്നു ആക്ഷന്‍ കൗണ്‍സില്‍ നിലപാട്. കെ.എ.എസുമായി ബന്ധപ്പെട്ട മൂന്നാമത്തെ ചര്‍ച്ചയായിരുന്നു ഇത്. കേരള സെക്രട്ടേറിയറ്റ് അസോസിയേഷന്‍, ഫിനാന്‍സ് സെക്രട്ടേറിയറ്റ് അസോസിയേഷന്‍, ലോ സെക്രട്ടേറിയറ്റ് അസോസിയേഷന്‍, കേരള ലെജിസ്ലേറ്റിവ് സെക്രട്ടേറിയറ്റ് എംപ്‌ളോയീസ് ഓര്‍ഗനൈസേഷന്‍ എന്നിവയാണ് ആക്ഷന്‍ കൗണ്‍സിലിലുള്ളത്

DISTRICT NEWS
MORE NEWS

© Copyright 2013 Sudinam. All rights reserved.