KANNUR

    സ്വന്തം ലേഖകന്‍ കണ്ണൂര്‍: ദിവസങ്ങള്‍ നീണ്ടു നിന്ന സംഘര്‍ഷത്തിന് അറുതിയായെന്ന ആശ്വാസത്തിനിടെ പ്രകോപനപരമായ സംഭവങ്ങള്‍ ആവര്‍ത്തിക്കുന്നത് ജനങ്ങളെ വീണ്ടും ഭീതിയിലാഴ്ത്തുന്നു. ബി ജെ പി നേതാവായിരുന്ന കതിരൂര്‍ മനോജ് വധിക്കപ്പെട്ട ഡയമണ്ട് മുക്കില്‍ തെരുവ് പട്ടികളെ കൊന്ന് കുഴിച്ചു മൂടിയ നിലയില്‍ ഇന്ന് രാവിലെ കണ്ടെത്തിയത് വീണ്ടും സംഘര്‍ഷം അഴിച്ചുവിടാനുള്ള ഗൂഢാലോചന നടക്കുകയാണോയെന്ന സംശയമാണ് ബലപ്പെടുത്തുന്നത്. അക്രമം അടിച്ചമര്‍ത്തുമെന്ന് ആഭ്യന്തരമന്ത്രി രമേശ് ചെന്നിത്തല പ്രഖ്യാപിച്ചതിന് മണിക്കൂറുകള്‍ക്കുള്ളിലാണ് പ്രകോപനപരമായ സംഭവം അരങ്ങേറിയിട്ടുള്ളത്. പട്ടികളെ കൊന്ന് കെട്ടിത്തൂക്കിയതിന് പിന്നില്‍ ആരാണെന്ന് ഇതുവരെ വ്യക്തമായിട്ടില്ലെങ്കിലും സംഭവത്തിന് പിന്നില്‍ ഗൂഢാലോചനയുണ്ടെന്നു തന്നെ സംശയിക്കേണ്ടിയിരിക്കുന്നു. മനോജിന്റെ ഒന്നാം വാര്‍ഷിക ദിനമായ ഇന്ന് അക്രമസാധ്യതയുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ കനത്ത പോലീസ് സന്നാഹം ഒരുക്കിയിട്ടുണ്ടെങ്കിലും ഇത്തരമൊരു സംഭവം നടന്നത് പോലീസിന്റെ വീഴ്ചയായി കണക്കാക്കേണ്ടി വരും. കണ്ണൂരില്‍ ദിവസങ്ങളായി നടക്കുന്ന അക്രമപരമ്പരക്ക് കഴിഞ്ഞ ദിവസം അല്‍പ്പം ശമനമുണ്ടായിരുന്നു. വ്യാപകമായ ജനരോഷം ഉയരുന്ന പശ്ചാത്തലത്തില്‍ അക്രമം സംഘടിപ്പിച്ച മുഖ്യധാരാ പാര്‍ട്ടികള്‍ ചാനല്‍ ചര്‍ച്ചകളിലൂടെയും മറ്റും തങ്ങള്‍ സമാധാനത്തിന് തയ്യാറാണെന്ന് പറയുന്നുണ്ടെങ്കിലും അക്രമത്തെ കണക്കുകള്‍ ഉദ്ധരിച്ച് വീണ്ടും ന്യായീകരിക്കുന്നതാണ് ജനം കണ്ടത്. ഇടക്കിടെ ചില വെല്ലുവിളികളും നടക്കുന്നുണ്ട്. ചര്‍ച്ചകളില്‍ നേതാക്കള്‍ക്ക് നിയന്ത്രണം നഷ്ടപ്പെടുന്നത് അണികള്‍ എങ്ങിനെ ഉള്‍ക്കൊള്ളുമെന്നതും പ്രധാനമാണ്. അതിവൈകാരികമായ പ്രതികരണങ്ങള്‍ക്കുള്ള സാധ്യത നിലനില്‍ക്കെ ഒന്നിച്ചുള്ള സമാധാന ആഹ്വാനത്തിനു മാത്രമേ ജില്ലയെ അക്രമരഹിതമാക്കാനാകുകയുള്ളൂ. നിരോധനാജ്ഞ പ്രഖ്യാപിച്ചിട്ടും അക്രമങ്ങള്‍ ആവര്‍ത്തിക്കപ്പെടുന്നതായിരുന്നു കഴിഞ്ഞം ദിവസം വരെ കണ്ടത്. ഈ സാഹചര്യത്തില്‍ ഇന്ന് നടക്കുന്ന സമാധാന ചര്‍ച്ചക്ക് പ്രസക്തിയേറിയിരിക്കുകയാണ്

കതിരൂര്‍ മനോജ് കൊല്ലപ്പെട്ട സ്ഥലത്ത് പട്ടികള കൊന്ന് കെട്ടിത്തൂക്കി

        കണ്ണൂര്‍: ആര്‍എസ്എസ് നേതാവായിരുന്ന കതിരൂര്‍ മനോജ് കൊല്ലപ്പെട്ട സ്ഥലത്തെ വൈദ്യുതി തൂണില്‍ പട്ടികളെ കൊന്നു കെട്ടിത്തൂക്കിയ നിലയില്‍. കതിരൂര്‍ ഡയമണ്ട് മുക്കിലാണ് പട്ടികളെ കൊന്ന് കെട്ടിത്തൂക്കിയതായി കണ്ടെത്തിയത്. ബോംബേറിനെ തുടര്‍ന്ന് മനോജ് സഞ്ചരിച്ച ഒമിനി വാന്‍ ഇടിച്ചുനിന്ന വൈദ്യുതി പോസ്റ്റിലാണ് പട്ടികളെ കൊന്ന് കയറില്‍ കെട്ടിത്തൂക്കിയത്. പോലീസെത്തിയാണ് പട്ടികളെ അഴിച്ചുമാറ്റിയത്. മനോജിന്റെ ഒന്നാം ചരമവാര്‍ഷിക ദിനമാണിന്ന്. സംഘര്‍ഷസാധ്യത കണക്കിലെടുത്ത് പ്രദേശത്തു വന്‍ പോലീസ് സന്നാഹമാണുള്ളത്. കഴിഞ്ഞ രണ്ടുമൂന്നു ദിവസങ്ങളായി കണ്ണൂരില്‍ വന്‍ സംഘര്‍ഷമാണ് നിലനില്‍ക്കുന്നത്. നിരോധനാജ്ഞ പ്രഖ്യാപിച്ചിട്ടുണ്ടെങ്കിലും ബോംബേറും കത്തിക്കുത്തും ഇവിടെ നിത്യസംഭവമായിരിക്കുകയാണ്. എന്നാല്‍ ഇന്നലെ സ്ഥിതിഗതികള്‍ക്ക് അല്‍പം അയവുവന്നിട്ടുണ്ട്. അക്രമത്തെ അടിച്ചമര്‍ത്തുമെന്ന് ആഭ്യന്തരമന്ത്രി രമേശ് ചെന്നിത്തല ഇന്നലെ വ്യക്തമാക്കിയിരുന്നു. കഴിഞ്ഞ വര്‍ഷം സപ്തംബര്‍ ഒന്നിന് കാലത്ത് ഉക്കാസ്‌മൊട്ടകിഴക്കേ കതിരൂര്‍ റോഡില്‍ കതിരൂരിന് സമീപം തിട്ടയില്‍മുക്കിലാണ് ആര്‍.എസ്.എസ്. കണ്ണൂര്‍ ജില്ലാ ശാരീരിക് ശിക്ഷണ്‍ പ്രമുഖായിരുന്ന ഇളന്തോട്ടില്‍ മനോജിനെ ബോംബെറിഞ്ഞും വെട്ടിയും കൊലപ്പെടുത്തിയത്. ആക്രമണത്തില്‍ മറ്റൊരു ആര്‍.എസ്.എസ് പ്രവര്‍ത്തകന് പരിക്കേറ്റിരുന്നു. സംഭവം ഇപ്പോള്‍ സി.ബി.ഐ. അന്വേഷണം നടത്തിവരികയാണ്

കണ്ണൂര്‍ അക്രമം : സംഘര്‍ഷം തടയാന്‍ കൂടുതല്‍ സേനയെത്തി
പണിമുടക്ക് : ബുധനാഴ്ച ജനജീവിതം സ്തംഭിക്കും
കണ്ണൂരില്‍ ബോംബുകളുമായി സിപിഎം പ്രവര്‍ത്തകന്‍ പിടിയില്‍
ആര്‍എസ്എസ് പ്രവര്‍ത്തകര്‍ക്ക് നേരെ അക്രമം; നാല് പേര്‍ അറസ്റ്റില്‍

    കണ്ണൂര്‍: രണ്ട് ആര്‍ എസ് എസ് പ്രവര്‍ത്തകരെ അക്രമിച്ച് പരിക്കേല്‍പിച്ച സംഭവത്തില്‍ നാല് സി പി എം പ്രവര്‍ത്തകരെ തലശ്ശേരി പോലീസ് അറസ്റ്റ് ചെയ്തു. ഇന്നലെ വൈകീട്ട് ആറ് മണിയോടെ എരഞ്ഞോളി പാലത്തിനടുത്തുള്ള കച്ചുമ്പ്രത്ത് താഴെ എന്ന സ്ഥലത്ത് വെച്ചാണ് സംഭവം. എരഞ്ഞോളി പാലത്തിനടുത്തുള്ള പി ശ്രീജേഷ് (35) കെ കെ വിപിന്‍ (32) എന്നിവര്‍ക്ക് നേരെയാണ് അക്രമം. കെ എല്‍ 58 എന്‍ 133 ഗുഡ്‌സ് വണ്ടിയില്‍ എത്തിയ സംഘമാണത്രെ അക്രമിച്ചത്. സി പി എം പ്രവര്‍ത്തകര്‍ ഓണാഘോഷത്തോടനുബന്ധിച്ച് മാവേലിയുമായി ഘോഷയാത്ര നടത്തുന്നതിനിടയിലാണ് ശ്രീജേഷിന് നേരെ അക്രമമുണ്ടായത്. പിന്നീടാണ് വിപിന് നേരെയും അക്രമമുണ്ടായതെന്നും ബി ജെ പി ആരോപിച്ചു. പോലീസിന്റെ അനുമതി പോലും ഇല്ലാതെ ഉച്ചഭാഷിണി ഉപയോഗിച്ച് ആഭാസകരമായ രീതിയില്‍ മാവേലിയെ എഴുന്നള്ളിച്ച് ഘോഷയാത്ര നടത്തുകയും സമാധാനാന്തരീക്ഷം നിലനില്‍ക്കുന്ന എരഞ്ഞോളി പാലം പ്രദേശത്ത് സി പി എം ബോധപൂര്‍വം അക്രമം നടത്തി സംഘര്‍ഷാവസ്ഥ സൃഷ്ടിക്കുകയാണെന്നും ബി ജെ പി മണ്ഡലം സെക്രട്ടറി കെ എന്‍ മോഹനന്‍ ആരോപിച്ചു

പയ്യന്നൂരില്‍ വ്യാപാരിക്ക് കുത്തേറ്റു
കണ്ണൂര്‍ അഴീക്കോട് സിപിഎം-ബിജെപി സംഘര്‍ഷം; നാലുപേര്‍ക്ക് വെട്ടേറ്റു
പോലീസ് പരിശോധന ശക്തം; പിടിയിലായത് 1511 പേര്‍
പോലീസ് മര്‍ദനമേറ്റ വിദ്യാര്‍ത്ഥികള്‍ ആശുപത്രിയില്‍

    കണ്ണൂര്‍: പോലീസ് മര്‍ദനത്തില്‍ പരിക്കേറ്റ് അവശരായ രണ്ട് വിദ്യാര്‍ത്ഥികള്‍ ചികിത്സ തേടി തലശ്ശേരി ഇന്ദിരാഗാന്ധി സഹകരണാശുപത്രിയിലെത്തി. മട്ടന്നൂരിനടുത്ത ഉരുവച്ചാലിലെ ബബജറില്‍ മുഹസിന്‍(18) സുഹൃത്ത് മുബഷീര്‍(18) എന്നിവരാണ് ആശുപത്രിയിലുള്ളത്. പരിക്കേറ്റവരില്‍ മുബഷീര്‍ നട്ടെല്ലിന് തേയ്മാനം വന്നതിനെ തുടര്‍ന്ന് ഓപ്പറേഷന് വിധേയമാവാനിരിക്കുകയാണ്. ബൈക്കോടിച്ച് വരുന്നതിനിടയില്‍ താഴെ കോളയാട് ചങ്ങല റോഡില്‍ തടഞ്ഞുവെച്ച് കണ്ണവം എ എസ് ഐയും ഫ്‌ളൈയിംഗ് സ്‌ക്വാഡിലെ ഡ്രൈവര്‍ അബ്ദുള്‍ നവാസും ചേര്‍്ന്ന് പിടികൂടി കുനിച്ചുനിര്‍ത്തി പുറത്തും വയറ്റിനും കൈകൊണ്ട് കുത്തിയെന്നാണ് പരാതി. ശിവപുരം ഹയര്‍സെക്കന്ററി സ്‌കൂള്‍ പ്ലസ്ടു വിദ്യാര്‍ത്ഥികളാണ് ഇരുവരും. പുതുതായി വാങ്ങിയ ബൈക്ക് ഓടിച്ചുവരുന്നതിനിടയില്‍ നമ്പര്‍ പ്ലേറ്റ് കാണാത്തതിനെ തുടര്‍ന്നാണ് പിടികൂടിയത്. ലൈസന്‍സില്ലാതെ ബൈക്കോടിച്ചുവെന്ന് ആരോപിച്ചായിരുന്നു നടുറോഡില്‍ വിചാരണയും ശിക്ഷയും

ജൈവപച്ചക്കറിക്കായി സ്ഥലമെടുത്തതില്‍ അഴിമതിയെന്ന് വിജിലന്‍സിന് പരാതി

    കണ്ണൂര്‍: പയ്യന്നൂര്‍ നഗരസഭാ കോറോം വില്ലേജില്‍ നടപ്പിലാക്കുന്ന ജൈവഗ്രാമം പദ്ധതിക്കായി സ്ഥലമെടുത്തതില്‍ അഴിമതി നടന്നെന്നാരോപിച്ച് പ്രതിപക്ഷ നേതാവ് എ പി നാരായണന്‍ വിജിലന്‍സ് എസ് പിക്ക് പരാതി നല്‍കി. ജൈവ ഗ്രാമം പദ്ധതിക്കായി കോറോം മുക്കൂട്ടില്‍ 7.5 ഏക്കറിലധികം സ്ഥലം വാങ്ങിയതില്‍ അഴിമതി നടന്നെന്ന് കാണിച്ചാണ് കോഴിക്കോട് വിജിലന്‍സ് എസ് പിക്ക് പരാതി നല്‍കിയത്. സെന്റൊന്നിന് 7000 രുപ പ്രകാരം ഇടനിലക്കാരന്‍ മുഖേന വില നിശ്ചയിക്കുകയും എന്നാല്‍ നഗരസഭാ രേഖയില്‍ പറയുന്നത് സെന്റൊന്നിന് 10,400 രൂപ നല്‍കിയെന്നാണ്. ഒരു സെന്റിന് 3400 രൂപ പ്രകാരം 25 ലക്ഷം രൂപ നഗരസഭയ്ക്ക് നഷ്ടം വന്നെന്നാണ് പ്രതിപക്ഷം ആരോപിക്കുന്നത്. ഇന്നലെ വൈകീട്ട് നടന്ന നഗരസഭാ കൗണ്‍സില്‍ യോഗത്തില്‍ പ്രതിപക്ഷം ഇതേ ആവശ്യം ഉന്നയിച്ചിരുന്നു. തുടര്‍ന്ന് സഭ അലങ്കോലപ്പെട്ടപ്പോള്‍ പ്രതിപക്ഷം സഭ വിട്ടിരുന്നു. വിജിലന്‍സ് അന്വേഷണം പ്രഖ്യാപിക്കുംവരെ ശക്തമായ പ്രക്ഷോഭം നടത്തുമെന്ന് ബ്ലോക്ക് കോണ്‍ഗ്രസ്സ് പ്രസിഡണ്ടുകൂടിയായ എ പി നാരായണന്‍ പറഞ്ഞു. അതേസമയം 2012 ജനുവരി 12ന് ഡി ടി പി സി അംഗീകാരം നല്‍കിയ പദ്ധതിക്ക് 84 ലക്ഷം രൂപയാണ് നീക്കിവെച്ചിരുന്നതെന്നും ഉടമ സെന്റൊന്നിന് 12000 രൂപയാണ് ആവശ്യപ്പെട്ടതെന്നും ചെയര്‍പേഴ്‌സണ്‍ കെ വി ലളിത പറയുന്നു. വില്ലേജ് ഓഫീസറും തഹസില്‍ദാറും അന്ന് 8000 രൂപ കണക്കാക്കി കലക്ടര്‍ക്ക് റിപ്പോര്‍ട്ട് സമര്‍പ്പിച്ചിരുന്നു. ഇതില്‍ 30 ശതമാനം വര്‍ദ്ധനവ് വരുത്തിയാണ് 10,400 രൂപ പ്രകാരം ഇപ്പോള്‍ സ്ഥലം വാങ്ങിയത്. ഇതിനായി പ്രത്യേകം ചേര്‍ന്ന നഗരസഭാ യോഗം തീരുമാനമെടുത്തത് ഏകകണ്ഠമായിരുന്നെന്നും ഇതിന് സര്‍ക്കാര്‍ അംഗീകാരം നല്‍കിയെന്നുമാണ് ചെയര്‍പേഴ്‌സണ്‍ പറയുന്നത്

സ്‌കൂള്‍ വിദ്യാര്‍ത്ഥിനികളെ തട്ടിക്കൊണ്ടുപോകാന്‍ ശ്രമം

    കണ്ണൂര്‍: സ്‌കൂളില്‍ നിന്ന് മടങ്ങുകയായിരുന്ന വിദ്യാര്‍ത്ഥിനികളെ കാറില്‍ തട്ടിക്കൊണ്ടുപോകാന്‍ ശ്രമം. കുട്ടികള്‍ ബഹളം വെച്ചതിനെ തുടര്‍ന്ന് കാറിലുണ്ടായിരുന്ന മൂന്നംഗ സംഘം വാഹനം ഉപേക്ഷിച്ച് രക്ഷപ്പെട്ടു. തളാപ്പില്‍ ഇന്നലെ വൈകീട്ടാണ് സംഭവം. സ്ഥലത്തെത്തിയ പോലീസ് ഇവര്‍ വന്ന ക്വാൡസ് കാര്‍ കസ്റ്റഡിയിലെടുത്തു. നഗരത്തിലെ ഒരു പ്രമുഖ വിദ്യാലയത്തില്‍ പഠിക്കുന്ന പത്താംക്ലാസ് വിദ്യാത്ഥിനികളെയാണ് തട്ടിക്കൊണ്ടുപോകാന്‍ ശ്രമം ഉണ്ടായത്. റോഡരികിലൂടെ നടന്നുപോകവെ ആളൊഴിഞ്ഞ സ്ഥലത്ത് എത്തിയപ്പോള്‍ വാഹനത്തിലെത്തിയ സംഘം ഇവരെ ബലമായി കാറില്‍ പിടിച്ചുകയറ്റാന്‍ ശ്രമിക്കുകയായിരുന്നു. കുട്ടികളുടെ ബഹളം കേട്ട് പരിസരവാസികള്‍ ഓടിയെത്തിയെങ്കിലും മൂന്നംഗ സംഘം രക്ഷപ്പെട്ടു. അതിനിടെ സ്റ്റേഷനില്‍ നല്‍കിയ പരാതി പിന്‍വലിക്കാന്‍ പോലീസ് സമ്മര്‍ദം ചെലുത്തുന്നതായും വിവരമുണ്ട്

കണ്ണൂരില്‍ വായനശാല തകര്‍ത്തു

  കണ്ണൂര്‍: പയ്യന്നൂര്‍ കണ്ടോത്ത് സിപിഎം നിയന്ത്രണത്തിലുള്ള ശ്രീനാരായണഗുരു വായനശാലക്കു നേരെ ആക്രമണം. വായനശാല അടിച്ചു തകര്‍ത്തു. പുസ്തകങ്ങള്‍ കത്തിക്കുകയും ചെയ്തു. ഇന്നു പുലര്‍ച്ചെയാണ് സംഭവം. ബിജെപി പ്രവര്‍ത്തകരാണ് അക്രമണം നടത്തിയതെന്ന് സിപിഎം ആരോപിച്ചു

DISTRICT NEWS
MORE NEWS

© Copyright 2013 Sudinam. All rights reserved.