THIRUVANANTHAPURAM

      തിരു: തനിക്ക് ഇഷ്ടമില്ലാത്തവരെയെല്ലാം മുഖ്യമന്ത്രി പിണറായി വിജയന്‍ ബിജെപിക്കാരായി ചിത്രീകരിക്കുകയാണെന്ന് കെപിസിസി അധ്യക്ഷന്‍ വി.എം.സുധീരന്‍. സെന്‍കുമാറിനെതിരെയുള്ള പിണറായിയുടെ പരാമര്‍ശം തരംതാണതാണെന്നും സുധീരന്‍ പറഞ്ഞു. സത്യത്തില്‍ ബിജെപിയെ സഹായിക്കുന്നത് പിണറായിയും സര്‍ക്കാരുമാണെന്നും സുധീരന്‍ കുറ്റപ്പെടുത്തി

ഗുണ്ടാവിളയാട്ടം; പ്രതിപക്ഷം സഭ ബഹിഷ്‌കരിച്ചു

      തിരു: സംസ്ഥാനത്ത് അരങ്ങേറുന്ന ഗുണ്ടാവിളയാട്ടങ്ങള്‍ സംബന്ധിച്ചുള്ള അടിയന്തരപ്രമേയത്തിന് അനുമതി നല്‍കാത്തതില്‍ പ്രതിഷേധിച്ച് പ്രതിപക്ഷം നിയമസഭയില്‍ നിന്ന് ഇറങ്ങിപ്പോയി. സംസ്ഥാനത്ത് ഗുണ്ടകള്‍ അഴിഞ്ഞാടുകയാണെന്നും എല്‍ഡിഎഫ് സര്‍ക്കാര്‍ അധികാരമേറ്റ ശേഷമുള്ള കണക്കുകള്‍ ഇതാണ് തെളിയിക്കുന്നതെന്നും അടിയന്തരപ്രമേയത്തിന് അനുമതി തേടിയ തിരുവഞ്ചൂര്‍ രാധാകൃഷ്ണന്‍ എംഎല്‍എ ആരോപിച്ചു. ക്രിമിനലുകള്‍ക്ക് സര്‍ക്കാരും പോലീസും ഒത്താശ ചെയ്യുകയാണ്. പോലീസിന്റെ തണലിലാണ് ഗുണ്ടകള്‍ അഴിഞ്ഞാടുന്നതെന്നും അദ്ദേഹം ആരോപിച്ചു. അടിയന്തരപ്രമേയത്തിന് സ്പീക്കര്‍ അനുമതി നിഷേധിച്ചതോടെ പ്രതിപക്ഷം സഭ ബഹിഷ്‌കരിച്ചു

സെന്‍കുമാറിനെതിരെയുള്ള പരാമര്‍ശം ദൗര്‍ഭാഗ്യകരം: ചെന്നിത്തല
അതിരപ്പിള്ളി പദ്ധതിയുമായി മുന്നോട്ടു പോകും: മുഖ്യമന്ത്രി
കുറഞ്ഞ വിലക്ക് അരി ലഭ്യമാക്കും: മന്ത്രി കടകംപള്ളി
നടപടി സ്വീകരിക്കുന്നതില്‍ ചീഫ് സെക്രട്ടറിക്ക് വീഴ്ച പറ്റി: കോടതി

      തിരു: ഉന്നത ഉദ്യോഗസ്ഥര്‍ ഉള്‍പ്പെട്ട അഴിമതി കേസുകളില്‍ നടപടി സ്വീകരിക്കുന്നതില്‍ ചീഫ് സെക്രട്ടറി എസ് എം വിജയാനന്ദിന് വീഴ്ച പറ്റിയെന്ന് തിരുവനന്തപുരം വിജിലന്‍സ് കോടതി. ചീഫ് സെക്രട്ടറിക്കെതിരെ അന്വേഷണം വേണമെന്ന ഹരജി തള്ളി കോടതി പുറപ്പെടുവിച്ച വിധിന്യായത്തിലാണ് വിമര്‍ശനമുള്ളത്. അഴിമതിക്കാര്‍ക്കെതിരെ നടപടി എടുക്കണമെന്ന വിജിലന്‍സ് ഡയറക്ടറുടെ ശുപാര്‍ശയിന്മേല്‍ ചീഫ് സെക്രട്ടറി നടപടി സ്വീകരിക്കുന്നില്ലെന്നും കോടതി ചൂണ്ടിക്കാട്ടി. സംസ്ഥാനത്തെ ഉയര്‍ന്ന ഉദ്യോഗസ്ഥനില്‍ നിന്ന് ഇത്തരത്തില്‍ ഒരു നടപടി ഉണ്ടാകാന്‍ പാടില്ല. അഴിമതി കേസുകളില്‍ സത്യസന്ധമായ നടപടി ഉറപ്പ് വരുത്താന്‍ സര്‍ക്കാരിന് ബാധ്യതയുണ്ടെന്നും ഉദ്യോഗസ്ഥര്‍ക്കെതിരായ സ്വതന്ത്ര അന്വേഷണത്തിന് വിജിലന്‍സിന് സൗകര്യം ഒരുക്കണമെന്നും കോടതി ഉത്തരവില്‍ പറയുന്നു

ആയുധ പരിശീലനത്തിനെതിരെ നിയമനിര്‍മ്മാണം നടത്തും: മുഖ്യമന്ത്രി
സ്ത്രീ സുരക്ഷ; പ്രതിപക്ഷം സഭയില്‍ നിന്നിറങ്ങിപ്പോയി
തിരുവനന്തപുരം വിമാനത്താവളത്തില്‍ സ്വര്‍ണം പിടികൂടി
സംസ്ഥാനത്ത് സ്ത്രീകള്‍ക്കെതിരായ അക്രമം വര്‍ധിച്ചു വരുന്നു: സുധീരന്‍

      തിരു: സര്‍ക്കാരിനെതിരേ രൂക്ഷ വിമര്‍ശനവുമായി കെപിസിസി പ്രസിഡന്റ് വി.എം. സുധീരന്‍. സംസ്ഥാനത്ത് സ്ത്രീകള്‍ക്കെതിരായ അതിക്രമം വര്‍ധിച്ചു വരികയാണെന്ന് സുധാരന്‍ പറഞ്ഞു. നടിയെ ആക്രമിച്ച കേസില്‍ മുഖ്യമന്ത്രി പിണറായി വിജയന്‍ അന്വേഷണത്തിന്റെ വ്യാപ്തി തടഞ്ഞു. പോലീസ് അന്വേഷണം തുടങ്ങുന്നതിനു മുമ്പ് കേസില്‍ ഗൂഡാലോചനയില്ലെന്ന് പോലീസ് മന്ത്രി പറഞ്ഞിരിക്കുന്നുവെന്നും സുധീരന്‍ കുറ്റപ്പെടുത്തി. കേസിലെ പ്രതികളെ മുഴുവന്‍ പിടികൂടിയതിനാല്‍ എല്ലാം അവസാനിച്ചു എന്ന് പ്രചരിപ്പിക്കാനാണ് സിപിഎം ശ്രമമെന്നും സുധീരന്‍ ആരോപിച്ചു

എല്ലാ താലൂക്കുകളിലും വനിതാ പോലീസ് സ്‌റ്റേഷന്‍: ഗവര്‍ണര്‍

        തിരു: ലൈംഗിക ആതിക്രമങ്ങളുടെ ഇരകളെ സഹായിക്കാന്‍ സമഗ്ര നഷ്ടപരിഹാര പദ്ധതി നടപ്പാക്കുമെന്ന് ഗവര്‍ണര്‍ പി സദാശിവം. ലൈംഗിക കുറ്റവാളികളുടെ പട്ടിക തയാറാക്കി പരസ്യപ്പെടുത്തും. എല്ലാ താലൂക്കുകളിലും വനിതാ പോലീസ് സ്‌റ്റേഷന്‍ സ്ഥാപിക്കുമെന്നും ഗവര്‍ണര്‍ പറഞ്ഞു. നിയമസഭയില്‍ ബജറ്റവതരണത്തിന് മുന്നോടിയായുള്ള നയപ്രഖ്യാപന പ്രസംഗം നടത്തുകയായിരുന്നു അദ്ദേഹം. വൈദ്യുതിയുള്ള എല്ലാ വീട്ടിലും ഇന്റര്‍നെറ്റ് കണക്ഷന്‍,സഹകരണബാങ്കുകളില്‍ കോര്‍ ബാങ്കിംഗ് സിസ്റ്റം, ദേശീയ പാത വികസനത്തിന് ഊന്നല്‍ നല്‍കും. സ്മാര്‍ട്ട്‌സിറ്റി പദ്ധതികള്‍ വേഗത്തിലാക്കും, കൂടുതല്‍ വ്യവസായ പാര്‍ക്കുകള്‍ സ്ഥാപിക്കും. ക്ലാസ്‌റൂമുകളെ ഡിജിറ്റലാക്കാന്‍ പദ്ധതികള്‍, 100 സ്‌കൂളുകളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന് പരിഷ്‌കരണ പദ്ധതി അഞ്ചുമെഡിക്കല്‍ കോളജുകളില്‍ കോംപ്രഹെന്‍സീവ് കാന്‍സര്‍ കെയര്‍ സെന്ററുകള്‍. ജില്ലകളിലെ ഒരുആശുപത്രി വീതം സൂപ്പന്‍ സ്‌പെഷ്യാലിറ്റിയാക്കും, എട്ട് ജില്ലാ ആശുപത്രികളില്‍ ഹൃദയ അര്‍ബുദ ചികിത്‌സാ സെന്ററുകള്‍,എല്ലാ ജില്ലകളിലെയും ഒരു ഹോമിയോപതി ഡിസ്‌പെന്‍സറിയെ മാതൃകാ ഡിസ്‌പെന്‍സറിയാക്കുമെന്നും അദ്ദേഹം നയപ്രഖ്യാപന പ്രസംഗത്തില്‍ പറഞ്ഞു. നോട്ട് അസാധുവാക്കല്‍ വിഷയത്തില്‍ കേന്ദ്രസര്‍ക്കാറിനെ വിമര്‍ശിച്ച് കൊണ്ടായിരുന്നു ഗവര്‍ണ നയപ്രഖ്യാപന പ്രസംഗത്തിന് തുടക്കമിട്ടത്.നോട്ട് അസാധുവാക്കല്‍ സാധാരണക്കാരെ ബുദ്ധിമുട്ടിലാക്കി. സഹകരണമേഖല സ്തംഭനത്തിലായെന്നും ബജറ്റ് പ്രസംഗത്തില്‍ ഗവര്‍ണര്‍ വ്യക്തമാക്കി. അഴിമതിക്കെതിരായ പോരാട്ടത്തിനാണ് ജനങ്ങള്‍ സംസ്ഥാന സര്‍ക്കാറിനെ തെരഞ്ഞെടുത്തത്. വികസന നയങ്ങളും സുതാര്യതയുമാണ് സര്‍ക്കാറിനെ നയിക്കുന്നതെന്നും ഗവര്‍ണര്‍ പറഞ്ഞു. അതേസമയം, അരിയില്ല, പണമില്ല, വെള്ളമില്ല, സ്ത്രീസുരക്ഷ എവിടെ തുടങ്ങിയ പ്രതിഷേധ ബാനറുകളുമായാണ് പ്രതിപക്ഷം സമ്മേളനത്തിന് എത്തിയത്. നേരത്തെ, ബജറ്റ് അവതരണത്തിന് നിയമസഭ സമ്മേളനം തുടങ്ങി!.നയപ്രഖ്യാപന പ്രസംഗത്തിന് നിയമസഭയിലെത്തിയ ഗവര്‍ണറെ ആചാരപരമായി സ്വീകരിച്ചു. സ്പീക്കര്‍ പി. ശ്രീരാമകൃഷ്ണന്‍, മുഖ്യമന്ത്രി പിണറായി വിജയന്‍, മന്ത്രി എ.കെ. ബാലന്‍ എന്നിവരാണ് ഗവര്‍ണറെ സ്വീകരിക്കാനെത്തിയത്

ഭാഷയെ പടിയിറക്കിവിടരുത്: മുഖ്യമന്ത്രി

        തിരു: നാം നമ്മുടെ ഭാഷയെ പടിയിറക്കിവിടുകയാണെങ്കില്‍ ശ്രേഷ്ഠ ഭാഷ പദവികൊണ്ടു കാര്യമില്ലെന്ന മുഖ്യമന്ത്രി പിണറായി വിജയന്‍്. സംസ്ഥാനത്തെ എല്ലാ സ്‌കൂളുകളിലും മലയാളം പഠിപ്പിക്കുന്നുവെന്ന് ഉറപ്പുവരുത്തും. ഭാഷ ഇല്ലാതായിപ്പോകുക എന്ന ആപത്ത് നമ്മുടെ ഭാഷക്ക് വന്നുകൂടരുതെന്നും മുഖ്യമന്ത്രി പറഞ്ഞു. മലയാള മിഷന്‍ സംഘടിപ്പിച്ച മലയാണ്‍മ 2017 മാതൃഭാഷ ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മാതൃഭാഷ ഉപയോഗിക്കാനുള്ള അവകാശം ഏറ്റവും കുറച്ച് ഉപയോഗിക്കുന്നവര്‍ മലയാളികളാണ്. മലയാളത്തില്‍ സംസാരിക്കുന്നത് കുറ്റമാണെന്ന് കുഞ്ഞുങ്ങളുടെ പുറത്തെഴുത്തി ഒട്ടിക്കുന്നവരുടെ നാടാണ് കേരളം. ഭരണം ഇംഗ്ലീഷില്‍ ആയാലേ ശരിയാകൂ എന്നു വിചാരമുള്ള ഉദ്യോഗസ്ഥരും നമ്മുടെ നാട്ടിലുണ്ട്. ഭരണഭാഷ മലയാളത്തിലാക്കണമെന്ന തീരുമാനത്തിനെതിരെ മനഃപൂര്‍വം പ്രവര്‍ത്തിക്കുന്നവര്‍ ശിക്ഷാര്‍ഹരാണെന്നും മുഖ്യമന്ത്രി കൂട്ടിച്ചേര്‍ത്തു

കെഎഎസ് സമരം പരാജയം; സെക്രട്ടേറിയറ്റില്‍ നിസഹകരണ സമരം

    തിരു: കേരള അഡ്മിനിസ്‌ട്രേറ്റിവ് സര്‍വിസുമായി (കെ.എ.എസ്) ബന്ധപ്പെട്ട് ഒരുവിഭാഗം സെക്രട്ടേറിയറ്റ് ജീവനക്കാര്‍ തുടരുന്ന സമരം ഒത്തുതീര്‍പ്പാക്കുന്നതിന് ചീഫ് സെക്രട്ടറി വിളിച്ച ചര്‍ച്ച പരാജയം. സെക്രട്ടേറിയറ്റ് ആക്ഷന്‍ കൗണ്‍സില്‍ ഭാരവാഹികള്‍ യോഗത്തില്‍ നിന്ന് ഇറങ്ങിപ്പോയി. ഇന്നു മുതല്‍ നിസ്സഹകരണസമരമാരംഭിക്കാനും സര്‍ക്കാര്‍പ്രവര്‍ത്തനങ്ങളില്‍ നിന്ന് വിട്ടുനില്‍ക്കാനുമാണ് അവരുടെ തീരുമാനം. കെ.എ.എസിനെതിരെ ആക്ഷന്‍കൗണ്‍സില്‍ നടത്തുന്ന സമരം 50 ദിവസം പിന്നിട്ട സാഹചര്യത്തിലാണ് ഇന്നലെ ചീഫ് സെക്രട്ടറി ചര്‍ച്ച നടത്തിയത്. കെ.എ.എസ് നടപ്പാക്കുക എന്നത് സര്‍ക്കാര്‍ തത്ത്വത്തില്‍ അംഗീകരിച്ചതാണെന്നും കരട്ചട്ടം തയാറാക്കിവരുകയാണെന്നും ചീഫ് സെക്രട്ടറി വിശദീകരിച്ചു. ജീവനക്കാരുടെ പ്രതിഷേധം സെക്രട്ടേറിയറ്റിന്റെ പ്രവര്‍ത്തനത്തെ ബാധിച്ചിട്ടുണ്ടെന്നും ജീവനക്കാര്‍ സമരത്തില്‍ നിന്ന് പിന്മാറണമെന്നും അദ്ദേഹം ആവശ്യപ്പെട്ടു. 50 ദിവസമായി തുടരുന്ന സമരമവസാനിപ്പിക്കാന്‍ ഉപാധികള്‍ പോലും മുന്നോട്ടുവെക്കാതെയുള്ള ചീഫ് സെക്രട്ടറിയുടെ നിര്‍ദേശം സ്വീകാര്യമല്‌ളെന്നായിരുന്നു ആക്ഷന്‍ കൗണ്‍സില്‍ നിലപാട്. കെ.എ.എസുമായി ബന്ധപ്പെട്ട മൂന്നാമത്തെ ചര്‍ച്ചയായിരുന്നു ഇത്. കേരള സെക്രട്ടേറിയറ്റ് അസോസിയേഷന്‍, ഫിനാന്‍സ് സെക്രട്ടേറിയറ്റ് അസോസിയേഷന്‍, ലോ സെക്രട്ടേറിയറ്റ് അസോസിയേഷന്‍, കേരള ലെജിസ്ലേറ്റിവ് സെക്രട്ടേറിയറ്റ് എംപ്‌ളോയീസ് ഓര്‍ഗനൈസേഷന്‍ എന്നിവയാണ് ആക്ഷന്‍ കൗണ്‍സിലിലുള്ളത്

DISTRICT NEWS
MORE NEWS

© Copyright 2013 Sudinam. All rights reserved.