Saturday, January 19th, 2019

പാലക്കാട്: ചിറ്റൂര്‍ വണ്ണാമടയില്‍ കാറില്‍ കടത്താന്‍ ശ്രമിച്ച 350 ലിറ്റര്‍ സ്പിരിറ്റ് പിടികൂടി. കാറിലുണ്ടായിരുന്ന മണ്ണാര്‍ക്കാട് നാട്ടുകല്‍ പാലോട് സ്വദേശികളായ ഫൈസല്‍(30), അഹമ്മദ് അന്‍വര്‍(30) എന്നിവരെ അറസ്റ്റുചെയ്തു. കാറും കസ്റ്റഡിയിലെടുത്തു. രഹസ്യവിവരത്തെത്തുടര്‍ന്ന് എക്‌സൈസ് ഇന്റലിജന്‍സ് വിഭാഗവും ചിറ്റൂര്‍ എക്‌സൈസ് സര്‍ക്കിള്‍ ഓഫീസും ചേര്‍ന്നായിരുന്നു റെയ്ഡ്. 35 ലിറ്ററിന്റെ 10 കന്നാസുകളിലാക്കിയായിരുന്നു സ്പിരിറ്റ് സൂക്ഷിച്ചിരുന്നത്. തിരുച്ചിറപ്പള്ളിയില്‍നിന്ന് പാലക്കാട്ടേക്ക് കൊണ്ടുവന്നതാണ് സ്പിരിറ്റെന്ന് എക്‌സൈസ് സംഘം പറഞ്ഞു. രണ്ടുവര്‍ഷത്തിന്‌ശേഷമാണ് ജില്ലയില്‍ സ്പിരിറ്റ് പിടികൂടുന്നതെന്ന് അധികൃതര്‍ പറഞ്ഞു.

READ MORE
പാലക്കാട്: കുഴല്‍മന്ദത്ത് അച്ഛന്റെ മര്‍ദനമേറ്റ് മകന്‍ മരിച്ചു. കണ്ണാടി കടലാകുറുശ്ശി നെല്ലിക്കത്തൊടി ബിജേഷ്(32) ആണ് അച്ഛന്‍ ബാലന്റെ അടിയേറ്റു മരിച്ചത്. ഇന്നലെ വൈകിട്ട് ആറരയോടെയായിരുന്നു സംഭവം. പെയിന്റിങ് തൊഴിലാളിയായ ബിജേഷും ബാലനും തമ്മില്‍ ഉച്ച മുതല്‍ വാക്ക്തര്‍ക്കമുണ്ടാകുകയും തര്‍ക്കത്തിനിടെ മണ്‍വെട്ടിയുടെ പിടി ഉപയോഗിച്ച് ബാലന്‍ മകനെ അടിക്കുകയായിരുന്നുവെന്ന് പോലീസ് പറഞ്ഞു. തലക്ക് ഗുരുതരമായി പരുക്കേറ്റ ബിജേഷിനെ ജില്ലാ ആശുപത്രിയില്‍ പ്രവേശിപ്പിച്ചെങ്കിലും രാത്രിയോടെ മരിക്കുകയായിരുന്നു. ബാലനെ പോലീസ് കസ്റ്റഡിയിലെടുത്തു. മൃതദേഹം ജില്ലാ ആശുപത്രി മോര്‍ച്ചറിയില്‍.
പാലക്കാട്: സിപിഎം കഞ്ചിക്കോട് മുന്‍ ബ്രാഞ്ച് സെക്രട്ടറി ശിവനെ കൊലപ്പെടുത്തിയ കേസിലെ മുഖ്യപ്രതി 30 വര്‍ഷത്തിനു ശേഷം അറസ്റ്റിലായി. കോയമ്പത്തൂര്‍ വര്‍ഗീയ കലാപ കേസിലെ മുഖ്യപ്രതിയും ഗുണ്ടാനേതാവും പുതുശ്ശേരി കഞ്ചിക്കോട് സ്വദേശിയുമായ ബാബുവിനെയാണ്(56) ദിവസങ്ങള്‍ നീണ്ട പരിശ്രമത്തിനൊടുവില്‍ പ്രത്യേക അന്വേഷണ സംഘം പൊള്ളാച്ചിയിലെ ഒളിത്താവളത്തില്‍നിന്ന് അറസ്റ്റു ചെയ്തത്. 1988ലാണ് കഞ്ചിക്കോട് സ്വദേശി പൊന്നിച്ചാമി മകന്‍ ശിവന്‍ പുതുശ്ശേരി ആശുപത്രി ജംക്ഷനില്‍ വെട്ടേറ്റു മരിച്ചത്. കഞ്ചിക്കോട് വ്യവസായ മേഖലയില്‍ തൊഴില്‍ തര്‍ക്കവുമായി ബന്ധപ്പെട്ടുണ്ടായ രാഷ്ട്രീയ പകപോക്കലാണ് ഫാബ്രിക്കേഷന്‍ തൊഴിലാളിയായ … Continue reading "30 വര്‍ഷത്തിനു ശേഷം കൊലക്കേസ് മുഖ്യപ്രതി അറസ്റ്റില്‍"
പാലക്കാട്: ആനക്കൊമ്പുമായി കുമരംപുത്തൂര്‍ സ്വദേശി വനം വകുപ്പിന്റെ പിടിയില്‍. പയ്യനെടം കുണ്ടളി വീട്ടില്‍ പ്രദീപാണു(47) പിടിയിലായത്. ഇയാളുടെ വീട്ടില്‍ നിന്നും 2 ആനക്കൊമ്പുകള്‍ പിടിച്ചെടുത്തു. രഹസ്യ വിവരത്തെ തുടര്‍ന്ന് ഫ്‌ളൈങ് സ്‌ക്വാഡ് നടത്തിയ പരിശോധനയിലാണ് ഇയാള്‍ പിടിയിലായത്. ഇന്നലെ രാത്രിയാണ് സംഭവം. പാലക്കാട് റേഞ്ച് ഓഫിസര്‍ രമേശും സംഘവും ചേര്‍ന്നാണ് പിടികൂടിയത്. ഇടനിലക്കാരായാണ് വനപാലകര്‍ ഇയാളുടെ വീട്ടിലെത്തിയത്.
പാലക്കാട്: വടക്കാഞ്ചെരിയില്‍ പട്ടാപകല്‍ മോഷണത്തിന് കയറി കള്ളന്‍ വീടിന് തീയിട്ടു. കമ്പ്യൂട്ടര്‍ ഉള്‍പ്പടെയുള്ള സാധനങ്ങളാണ് കത്തിനശിച്ചത്. ലക്ഷങ്ങളുടെ നഷ്ടമുണ്ടെന്നാണ് പ്രാഥമിക നിഗമനം. കുന്നംകുളം റോഡില്‍ കാഞ്ഞിരക്കോട് പാല ബസ്സ്‌റ്റോപ്പിന് മുന്‍വശം പുറവൂര്‍ വീട്ടില്‍ ഗിരിജാ വല്ലഭന്റെ വീടാണ് മോഷ്ടാവ് ഒന്നും കിട്ടാതെ വന്നപ്പോള്‍ അഗ്‌നിക്ക് ഇരയാക്കിയത്. തീ ആളിപ്പടരുന്നത് കണ്ടപ്പോഴാണ് സമീപവാസികള്‍ വിവരമറിയുന്നത്. വീടിന്റെ പുറകുവശം നെല്‍പ്പാടവും പുഴയോരവുമാണെന്നതിനാല്‍ ഇതുവഴിയാകും മോഷ്ടാവ് വന്നതെന്ന് കരുതുന്നതായി പോലീസ് പറഞ്ഞു. വടക്കാഞ്ചേരിയില്‍ നിന്നെത്തിയ അഗ്‌നിശമന സേനാവിഭാഗം മുന്‍വശത്തെ ജനല്‍വാതില്‍ തകര്‍ത്ത് … Continue reading "കള്ളന്‍ വീടിന് തീയിട്ടു"
പാലക്കാട്: ചിറ്റൂരിന് സമീപം വണ്ടിത്താവളം നടുക്കളത്ത് ഇടതുകര കനാലിന്റെ ബണ്ട് തകര്‍ന്ന് കനാല്‍വെള്ളം വീടുകളിലേക്കും കൃഷിയിടങ്ങളിലേക്കും കുത്തിയൊഴുകി. വീടിന്റെ മതിലുകളും വീടിനോട് ചേര്‍ന്നുള്ള ട്യൂഷന്‍ സെന്ററും ഉള്‍പ്പെടെ തകര്‍ന്ന് വന്‍ നാശനഷ്ടമുണ്ടായി. വര്‍ഷങ്ങളായി ചോര്‍ച്ചയുള്ളതും അധികൃതര്‍ അവഗണിച്ചതുമായ കനാല്‍ബണ്ടാണ് തകര്‍ന്നതെന്ന് നാട്ടുകാര്‍ പറഞ്ഞു. മൂലത്തറയില്‍നിന്ന് കൃഷിക്കാവശ്യങ്ങള്‍ക്കായി ചിറ്റൂര്‍പ്പുഴ പദ്ധതിക്ക് കീഴിലുള്ള ഇടതുകനാലിലൂടെ വെള്ളം തുറന്നുവിട്ടിരുന്നു. വ്യാഴാഴ്ച രാവിലെ ചോര്‍ച്ചയുള്ളഭാഗം തകര്‍ന്ന് കനാല്‍ഭാഗത്തെ മണ്ണുള്‍പ്പെടെ കുത്തിയൊലിക്കയായിരുന്നു. അഞ്ചടിയോളം ഉയരത്തിലാണ് വെള്ളം വീടുകളിലേക്കെത്തിയത്. സംഭവസമയം ട്യൂഷന്‍ സെന്ററില്‍ കുട്ടികളില്ലാതിരുന്നതിനാല്‍ വന്‍ … Continue reading "ബണ്ട് തകര്‍ന്ന് വീടുകളിലേക്കും കൃഷിയിടങ്ങളിലേക്കും കുത്തിയൊഴുകി"
പാലക്കാട്: ഓങ്ങല്ലൂര്‍ തളിയില്‍ വീട് പൂര്‍ണ്ണമായും കത്തിനശിച്ചു. പടുക്കത്ത് പരമേശ്വരന്‍ നമ്പീശന്റെ വീടാണ് അഗ്നിക്കിരയായത്. അഗ്നി ബാധ ഉണ്ടായപ്പോള്‍ വീട്ടില്‍ ആരും ഇല്ലാത്തതിനാല്‍ വലിയഒരു ദുരന്തമാണ് ഒഴിവായത്. നാട്ടുകാരും അഗ്‌നിശമന സേന യുണിറ്റും ചേര്‍ന്ന് തീ അണച്ചു. ഓങ്ങല്ലൂര്‍ തളി മഹാഗണപതി ക്ഷേത്രത്തിനടുത്തുള്ള 100 വര്‍ഷത്തോളം പഴക്കമുള്ള ഇരുനില ഓടിട്ട വീടാണ് കത്തി നശിച്ചത്. ഷോര്‍ട്ട് സര്‍ക്യൂട്ടാണ് തീ പിടിത്തതിന് കാരണമെന്ന് സംശയിക്കുന്നതായി അഗ്‌നിശമന സേന ഉദ്യോഗസ്ഥര്‍ പറഞ്ഞു.
പാലക്കാട്: ശ്രീകൃഷ്ണപുരത്ത് സ്ത്രീക്ക് വെട്ടേറ്റ സംഭവത്തില്‍ മണ്ണാര്‍ക്കാട് സ്വദേശിയായ യുവാവ് അറസ്റ്റില്‍. മണ്ണാര്‍ക്കാട് വിയ്യക്കുറുശ്ശി കുമ്മഞ്ചേരി വീട്ടില്‍ ഹബീബ് റഹ്മാനെയാണ്(31) പോലീസ് അറസ്റ്റ് ചെയ്തത്. മണ്ണമ്പറ്റ കാഞ്ഞിരംപാറ വാട്ടുപാറയില്‍ ഫാത്തിമയ്ക്കാണ് വെട്ടേറ്റത്. ആക്രമിക്കാന്‍ ഉപയോഗിച്ച ചുറ്റികയും കത്തിയും പോലീസ് കണ്ടെടുത്തു. കഴുത്തിലും തലക്കും ഗുരുതര പരുക്കേറ്റ ഫാത്തിമ പെരിന്തല്‍മണ്ണയിലെ ആശുപത്രിയില്‍ ചികിത്സയിലാണ്. ഫാത്തിമയുടെ സ്വന്തം സ്ഥലമായ മണ്ണാര്‍ക്കാട് പാലോടില്‍ പലചരക്കു കട നടത്തിയിരുന്ന ഹബീബ് റഹ്മാനെ ഫാത്തിമയ്ക്കു പരിചയമുണ്ടായിരുന്നെന്നു പോലീസ് പറഞ്ഞു. കഴിഞ്ഞ ഞായറാഴ്ച രാത്രി ഫാത്തിമയുടെ … Continue reading "സ്ത്രീക്ക് വെട്ടേറ്റ സംഭവം; യുവാവ് അറസ്റ്റില്‍"

LIVE NEWS - ONLINE

  • 1
    14 hours ago

    ഖനനം; സമരക്കാരുടെ ആവശ്യം ന്യായം: കാനം

  • 2
    14 hours ago

    മെല്‍ബണിലും ജയം; ചരിത്രം രചിച്ച് ഇന്ത്യ

  • 3
    15 hours ago

    കൃഷ്ണഗിരിയിലെ വിജയ ശില്‍പികള്‍ക്ക് അഭിനന്ദനം

  • 4
    15 hours ago

    ശബരിമലയില്‍ 51 യുവതികള്‍ പ്രവേശിച്ചു: സര്‍ക്കാര്‍

  • 5
    18 hours ago

    ബിന്ദുവിനും കനകദുര്‍ഗക്കും മതിയായ സംരക്ഷണം നല്‍കണം: സുപ്രീം കോടതി

  • 6
    19 hours ago

    എസ്ബിഐ ആക്രമണം; എന്‍ജിഒ യൂണിയന്‍ നേതാക്കള്‍ക്ക് സസ്‌പെന്‍ഷന്‍

  • 7
    19 hours ago

    യുവതിയെയും മക്കളെയും ആസിഡ് ഒഴിച്ച് പൊള്ളിച്ച സംഭവം; ഭര്‍ത്താവ് അറസ്റ്റില്‍

  • 8
    20 hours ago

    സ്വര്‍ണക്കടത്ത്; രണ്ടുപേര്‍ പിടിയില്‍

  • 9
    20 hours ago

    ഇന്ധന വില ഇന്ന് വീണ്ടും വര്‍ധിച്ചു